Epooma ya Omweeta edit
Omweeta eviila ya oMosambiki, niikhuru na edistritu ni nsina nene nenlo, elapo ya oCabo-Delgado. Epattuxinwe veeri va nipuro noomumula wa anakhotto akoolono aakunya, yaawelihinwe mwa mpantta ya eviila mahiku yeettaka 02 a Setempuru a mwaakha wa 1967. Eviila ela eriiyari ya iliimalelo sa amakhontte, ni ilaataratho saya siimpakiwa ni mwiri a Ebano sinnisuweliwa mweelapo yoothene.
Omweeta oomphwanyaneya va iwelelo ni nsina nenla, ookhalana epheyo yooreraxa, maana etthaya awe entupheya ennihiyererya maasi ovolowa mpakha ottayi wa etthaya yela, ekatxamihaka marweelo a maasi oorerela owurya. Veeri wa mwaakha wa 1970, muhooleli oPortugal aarumela oMosambiki okathi yoowo, aahirumiha opakiwa mikettelo wiira akaiweke maasi oreerela owurya, ni yahooleliwa ni namuteko Canhoto. Miyaakha iye as 80 evinrene Woopowa wa oMosambiki, mikettelo iye saahipakiwa tho ni muhooleli ooMosambiki ni ovareliwa moono wa UNICEF ni nikhuru na miteko sa oSuisa.
Wiiviwa atthu antxeene Omweeta edit
Eviila eyo tho yootoko okhala eri ya Wiiviwa wa atthu antxeene oMueda. Mahiku yeettelaka 16 wa mweeri wa Junyu wa mwaakha wa 1960, okathi anakhotto a oPortugal yaawompyaya akapwitthi aphavelaka omalamaliha muunlelo wa atthu yaaphavela woopowa. Yaahikhala atthu yaamorenle mulittini.
Niporo nlo naakhumelenle wiiviwa iwo wa atthu eheemexiwa elataratho.[1]