Epooma ya Omaxixi edit
Epooma ya Omaxixi emunisiipiyu emosa ya eproviinsiya ya oInhambane mpuwa wa oMosambiki. Ohiya okhala emunisiipiyu paahi, epooma ya oMaxixe edistriitu (ni nsina na Edistriitou ya Epooma ya Omaxixi). Epooma ela enviriwa ni ephiro yuulupale ya oMosambiki enlupanya mpantta wa vathi ni varyari wa oMosambiki, ni mwaha wa vaavo khukhalana owerya woowunnuwa vaalupale, ni ennoniwa sintoko epooma yuulupale wa muthinto woosuka mpuwa mwa eproviinsiya.[1][2]
Mpakha 1963 yaari eseede ya epoostu ya muhoolelo mmosa a mukano wa Omowini, nave tho khupatxerya okhala eseede ya mukano. Muttetthe ola aahiwelihiwa mwa mpantta wa epooma mahiku yeettelaka 18 a Julyu a 1972.
Epooma ela ennilipiherya waatana wa sootthara, osuka ni waatana ni epoma ya Inhambane.
Sootekiwa edit
Miyeettelo edit
Mulupanyo muulupale okhuma oMaxixe mpakha mipantta mikina sa oMosambiki onkhumelela veeri wa iphiro sa mikukutta, ni ephiro yuulupalexa ti ephiro N1 enlupanya ni oMorrumbene mwa mpantta wa osulu, ni tho Cumbana mwa mpantta wa vathi. Mulupanyo muulupale mukina onkhumelela veeri wa ephiro R482 mpakha muttetthe a Homoine mwa mpantta omphutuwa nsuwa.[3]
Oxutta edit
Mpuwa wa epooma ya Omaxixi yookhala emosa ya ixikhola suulupale sa Universidade Save (UniSave) emosa wa mapuro a miteko suulupale sooxuttiha sa mwa atthu othene mpuwa wa oMosambiki. Exikhola yuulupale ya oMaxixe eniitthaneliwaka Universidade Pedagógica Sagrada Família mwaha wa wiiwanana wa eParóquia da Sagrada Família ni ixikhola suulupale sa muhoolelo oMosambiki.[4]
Referências edit
- ↑ Inhambane.gov.mz - Estatistica 2007/2008 - cidade Maxixe Arquivado em 3 de dezembro de 2013, no Wayback Machine. (port.)
- ↑ Inhambane.gov.mz - Estatistica 2007/2008 - cidade Maxixe Arquivado em 3 de dezembro de 2013, no Wayback Machine. (port.)
- ↑ Mapa Rodoviário de Moçambique. Maputo: Administração Nacional de Estradas, Março de 2012
- ↑ Quem Somos?. UniSave Maxixe. 2019.