Epooma ya Omanyisa edit
Omanyisa eviila emosa ni emunisiipiyu yooMosambiki, eseedi ya edistriitu ya nsina nimosaru, mwa eproviinsiya ya oMaputo. Eviila eyo emphwanyaneya mwa ikiloomu soophiyeraka 70 mwa mpantta wa osulu wa epooma ya oMaputo, mwa Ephiro Yuulupale enlupanya ni ompantta wa osulu mpuwa wa oMosambiki emphwanyaneya mukherekhereni woolopwana wa muro Incomati. Emunisiipiyu ela erina mathala oophiyeraka ikiloomu 250, ni maloko oophiyeraka 57 512 mwaakha wa 2007.
Omanyisa aawelihinwe mwa mpantta wa eviila mahiku 18 a Maio a 1957, ni emunisiipiyu okhuma 1998, ni muhooleli mmomsa ampuwa oothanliwa. Muhooleli oopatxera a Conselho Municipal oManhiça airiwa Laura Daniel Tamele, aathanlinwe mwaakha wa 1998, ni khurantteliwaka mwaakha wa 2003 ni Alberto Chicuamba, aathanlinwe tho mwa muteko ole mwaakha wa 2008. Mwaakha wa 2013 Luís Munguambe ahithanliwa ntoko muhooleli a Conselho Municipal ooManhiça, ni aahithanliwatho mwaakha wa [1]2018. A muhooleli ootthaaru yaamutthara FRELIMO.[2]
Eviila ela yookhalana mapuro axipooro a Caminho de Ferro do Limpopo, ampiixa oMaputo mwa mpantta wa vathi, ni oChocue mwa mpantta wa osulu.