Epooma ya Obeira
editObeira epooma emosa ya oMosambiki, emphwanyaneya mpantta wa eriyari ya elapo, epooma yuulupale ya eproviinsiya ya oSofala.[1] Ewelihinwe mwa mpantta wa epooma okhuma 20 a mweeri a Agosto a 1907, ni mwa moonelo mwa mpantta mwa mohoolelo, emunisiipiyu ni muhoolelo ampuwa oothanliwa. Ni tho, okhuma mweeri wa Dezemburu a 2013, yaahipakeya edistriitu, nikhuru nampuwa na muhoolelo muulupale ootthariheliwa ni muhooleli mmosa. Obeira nno olelo epooma ya enaxexe yootepa wuunnuwa oMosambiki noovira oMatola, oMaputo ni Owaamphula, ni aniirela mpantta atthu oophiyeraka 533 825 mwa ceensu a 2017. Noonaka tho wii oMatola oonirela mpantta wa mureriho wa oMaputo (ekhalaka epooma veeri va mwaattako mpuwa mwa epooma yuulupale), Obeira nno waatonko okhala epooma ya neili oMosambiki, olelo ennikhala woonaneya ntoko epooma ya neetthaaru.[2]
Epooma ya Obeira woopatxerani yaannuwihinwe ni Companhia de Moçambique (Nikhuru na oMosambiki) mpuwa mwa miyaakha apaawuntte 19,[3] noovira vo, kiinnuwihiwa ni muhooleli a kolono a oPortugal veeria wa 1942 ni 1975, mwaakha oMosambiki waaphwannyaaya woopowa mwa mmeneni wa oPortugal. Mahiku ala epooma emphwanyaneya yoorerihiwa, enimwiira ninleelo erineene mapuro ni maxakha, sintoko Grande Hotel da Beira.
Noovira oMaputo, Obeira epooma yeeneili yookhalana epoortu ya ephareya yootepaxa wuunnuwa mwa miyeettelo sa ilapo ikina mwa miritti mpakha oMosambiki. Mweeri wa Maarsu a 2019, cicolooni Idai aahikaramurya oBeira, khuunyanya 90% a epooma ele.