Ephareya ya oFernao Veloso edit
Ephareya ya oFernao Veloso, eniphwanyaneya oNakala, epooma ya Wamphula, elapo ya oMosampiki. Ephareya eyo ti yooreera ntoko iye siniphwanyaneya epooma ya Wamphula. Eyo eniphwanyaneya noovira ikiloomo muloko ya oNakala portu. Nipuro noovira epheyo oratteene, mwawehaka muketekhere wa ephareya eyo enilikana ni nlumi na ehopa enihaniwa Sereeya yoorukhureeriwa ni ipa soowatta ni sakhalayi sinaavaha opuro atthu ottheene aniroowa oxukurya nipuro nle nooreera.[1]
Empa ya alettoyootepaxa wunnuwa enihaniwa “Castles Beach Resourt”, mwaakha wa 2014, mpa Eyo etekiwaaka woomalani waya khayareere opisa. Masi enireera oweha, okhala wiira ti yakhalayi ni etekinwe moota wa ipa sa amaka. Ohoolo waya enikhala wa ipa soolompa, muhina mwaya nookhala nipuro nuulupale onilyiwa ni mapuro a moolumo wala muthukumano.
Waattamela opareeya iwe, sinniphwanyaneya ipa ikina sa aletto ni mapuro oolya soolya, ni mapuro makina anoolihiwa atthu oorwa nipuro nle wi akhale mahiku owaatta eviraka epheyo ni woonaka ephareya ele yooreera. Khula nihiku nnivira mapuro ale inootepa itekiwaaka ipa sa aletto.[1]
Referências