Atthu Oolattuliwa
Asaapatu, yesu aahirowa olya owannyawe mulkhulupale a aFarisi,okathi yesu aawehaawe Atthu yaalattuliwe ethanlaka Maputo oottitimiheya wiira ekilaathi elyeeke,owo aahaalikela nlikanyiho nla: - Mwalattuliwa orowa oniirani na othela, muhikilaathiki opuro woottittimiheya wiira mulye. Nto arwa mukina, woottittimiheya wovikanani nyuwo, olé oolattunleni oowanli anyu, onoowaattamelani owiireleni wira: "Nvinye opuro owo munvahe olá." Nave nyuwo munimuuliwa muru,murowaka okilaathi opuro mukina woottittimiheya. Nto nyuwo Mwalattuliwa orowa oniirani, mukilaathiki opuro woottittimiheya. Siiso, okathi onrwaawe ole oolattunleni, onoowiirelani wiira:"Mpattani, murweeke ohoolo nno." Siiso nyuwo munoottittimiheya ohoolo wa atthu ootheene ale aniisinnuwiha, anooyehiwa,nave ale aniiyeviha anoottittimihiwa. Yesu aahimuleela -tho ole aamulattunle wiira: - Nyuwo mwatthokiha yoolya anyu Ya othana wala Ya ohiyu,muhaalattuleke axipattani anyu paahi, hata axinna anyu wala anamwaattamanani anyu athaaciri, wiirra awo ehoottikiheryeni yoolattulakani yoolyua aya, mwiira siiso,otthuveliwa wanyu ti weiwo. Nto, mwakhalana niira nanyu, mwaalattuleke Atthu oorakala no Atthu oohoona. Wa nyuwo enrowa okhala etthu yooreera, okhala wirra awo kharina etthu yoowottikiheryani, nave nyuwo munootthuweliwa okathi okathi onrowaaya ohihimuwa anaxariya.
Yesu aahihimya wiira:
"Nto ootheene ale aniisinnuwiha,anooyevihiwa,nave ale aniiyeviha anoottittimihiwa." Luka 14:11.