Wp/vmw/Aratti a Wamphula

Oratti onihimyani?

Muratti mutthu mmosa onsuweliha inamuna sovirikana sa makhalelo atthu mulaponi muryawe. Owo onnipa, wala onnilepa, wala onnina, wala onnalela ithale, wala tho onnoniherya sovara sawe alikanyihaka iye sinupuweliwa n'atthu.

Tivo, aratti a Wamphula, muhina mwa nlaka nlaka nla ninlepaka, kinahimya alipa yale anipa isipo sovirikana sinasiveliha anamphula othene. Siso vanrerelaya walipiherya wira ehihale ottuli.

Masina aratti

Kharere atthu anivahererya wira yipeke itthu sovirikana elapo ya Wamphula. Varokhalaru siso, okathi ola va kinrowa wakotontha atthu kamosa-kamosa kinasuwelaxaka nave-tho amwiriyanaxiwa nanammawani mittetthe sovirikana munikhalaya amakhuwa.

Kinnasuwela arratti ntoko Constantino Warila, Nimala, Rena, Lagosta, Zena Bacar, Domingas ni Belita, Dama Ija, Lemu-ki, Tony, Professor Lay, John Li ni Mércia, Tio Gama, Filomena ni Messias Maricoa, Mr Ama, 11 Ballas, Victor Salimo, Dama Bela, yenla-yenla.

Isipo sinipaxiwa

Isipo sotepaxa wipiwa sinlavula mwaha w'ephattu ni mukhalelo w'atthu ammawani. Siso, annisivelihiwa atthu wira etepeke olemeliha ephattu ya khula mmosa ni mahiku othene.

Mpakha okathi ola va, nkinkela owerya otharamula sothene sinttokotthihiwa n'aratti a Wamphula mani sinipaya khasirere ni tho ti sovirikana miru saya.