Schweig, Bub! is a Dheaderschdügg in fränggischer Mundard vo Fitzgerald Kusz (eigndli Rüdiger Kusz, *17.11.1944 in Nämberch). Des sadirische Volgsschdügg is 1976 in Nämberch urafgfiehrd worn un handeld vo anner Konfirmadionsfeier in anner fränggischn Durchschniddsfamilie. Däi zun Fesdessn versammlde Verwandtschaft schdreid si wäi däi Gesslfligger un derweil der Schdreid immer mehr esgaliern doud, wärrd die eigndliche Habdberson, der Gonfirmand, immer mehr in Hindergrund neidrängd.
Schweig, Bub is der grässde Bubligumsrenner in der Nämbercher Dheadergschichd. Inzwischn is weid ieber Frangng hinaus begannd un scho in 13 andre Dialgede ibersedzd worn. Des Schdügg, des wou „Der Schbiechl“ amol als „Baradeschdügg vo der neia Volgsdheaderbewechung" gnennd hodd, woar 34 Joahr lang am Schbillblan vom Nämbercher Schdoodsdheader gschdandn un is scho ieber 700 Mol afgfiehrd worn.