Wp/tzm/Uklid

Uklid neɣ Euclide, s tegrikt tazaykut Εὐκλείδης Eukleidês, iga amusnakt g Ugrik azayku, ar as bahra ttinin « bab n tenzeggit », iddeɣ iga amara n igmamen n tusnakt, nna s ttinin mas iga yan seg iḍrisen ɣef teẓka tusnakt g utaram. Ur d-ilkim awed yan uneɣmis izgan ɣef tudert n Uklid neɣ ɣef tmettant-nnes; iẓḍar ad yili idder g 300 d.l. Igmamen, tawuri-nnes bahra ittwassnen, igan yat twuri igan wala taqburt tettyissin, d nna isres s yat tɣarast tanegrawt, s ussemres n usseɣẓen, gan yan ugudi n tsumar ɣef tenzeggit d tesnemḍant; isseɣẓen dig-sen Uklid s tmeẓla 467 n tsumar g tenzeggit tugniwt. Ttyuskarent i twuri-a timaḍ n tfifɣin s kigan n tutlayin qqimen imahilen-nnes gan tasila i usselmed n tusnakt g uswir asinan g tugedt n tmura. Isem n Uklid a seg d-tedda awerzim aweklid, tanzeggit taweklidt (d taruklidt), tibḍit taweklidt.

Uklid (imek nna d-yuwi yan wunuɣ n tasut tiss 18)