Ismawen n wussan n imalass g tutlayt tamaziɣt ẓkan ɣef wuṭṭunen 1 ar 7 mi itturna wusliɣ - as d-ikkan taguri « ass » . Ismawen-a, umanen-d tikkelt tamezwarut g tesɣunt «Tifinagh» g wuṭṭun-nnes wis tam. Fir-as, ismemmi-ten usinag ageldan n tdelsa tamaziɣt issufeɣ-ten-d g imawalen-nnes-akk° d yidlisen-nnes g amun yidlisen n tinmel. Ntan ar ttusemrasen awed g utilivisyun zun d tabadut tis tamt d 2M.
Amukris n yismawen n wussan g tmaziɣt
editG tentaliwin n tutlayt tamaziɣt n ugafa, da ttusemrasen yismawen n wussan nna d-kkanin taɛṛabt: letniyen, ṭṭlat, laṛbeɛ, lexmis, ljumuɛa, ssebt, lḥedd. Awed tutlayt tatergit, nna igan tutlayt tamaziɣt n unẓul, d nna ittwassnen mas tekcad uggar amawal aqbur n tmaziɣt tazaykut, d mas ur tt bahra kcimen ireṭṭalen lumaṛ winna d-kkanin taɛṛabt, ur ɣur-s sulen yismawen n wussan imaziɣen. Awed nettat da tessemras ismawen d-kkanin taɛṛabt amer laṛbeɛ nna mi ttinin anaɣda.
G isegg°asen n 1960-1970 tesnulfa-d tkadimit tamaziɣt, nna issebded Mohand Arab Bessaoud g Bariz, ismawen-a: arim, aram, ahad, amhad, sem, sed, acer. Amukris n yismawen-a iga-t mas ur ttudeggayen g Umerruk iddeɣ ttusnulfan seg umya, gan ayenna mi nettini « asnulfu seg umya» iddeɣ ur ɣur-sen awed yan usala.
Talgamt n wussan s tmaziɣt
edit| Ass s tmaziɣt tatrart | Aynas |
Asinas | Akras | Akwas | Asimwas | Asiḍyas | Asamas |
|---|---|---|---|---|---|---|---|
| Ass s tmaziɣt n ku ass | Letniyen | Ṭṭlat | Laṛbeɛ | Lexmis | Ljumuɛa | Ssebt | Lḥedd |
| Uṭṭun nna s ittuskar | Yan (1) | Sin (2) | Kraḍ (3) | Kkuẓ (4) | Semmus (5) | Sḍis (6) | Sa (7) |
Ussan n imalass g kra n tutlayin tifrusyawin
editTutlayt taɛṛabt
editG tutlayt taɛṛabt, ttuẓkan yismawen n wussan ɣef wuṭṭunen amer «asimwas» nna ittusemman Al-jumuɛa (s usekkil n teɛṛabt: الجمعة) d «asiḍyas» nna ittusemman Al-sabt (s usekkil n teɛṛabt : السبت). Al-jumuɛa tekka-d aẓur n Jamaɛa (جمع) nna igan s unamek <gru, smun, sdukkel> acku tella dig-s tẓallit n El-jumuɛa. Al-sabt netta ikka-d tasamit taqburt.
| Ass s tmaziɣt | Aynas |
Asinas | Akras | Akwas | Asimwas | Asiḍyas | Asamas |
|---|---|---|---|---|---|---|---|
| Agdazal-nnes s teɛṛabt d wuṭṭun d-ikka | الإثنين
( إثنان) |
الثلاثاء
( ثلاثة) |
الأربعاء
( أربعة) |
الخميس
( خمسة) |
الجمعة | السبت | الأحد
( واحد)
|
| Asusru-nnes | Al-'ithnayen (2) | Al-thulatha' (3) | Al-'arbiɛa' (4) | Al-xamis (5) | Al-jumuɛa | Al-sabt | Al-'aḥad (1) |