Wp/tzm/Ayt Medici

< Wp‎ | tzm
Wp > tzm > Ayt Medici

Ayt Medici (asusruy-nnes med-ee-chee) neɣ d Tawja n Medici, seg tewjiwin akkʷ tettwassennin, ɣur ikka yan waddur axatar ammas n Flurinsa Ṭṭalyan ger iseggʷasen n 1300 d 1600, s turart-nnsen g mennaw yigran zun d tasertit, tadamsa d tdelsa. Seg tmental n tixxutert-nnsen akud-ann; tugedt-ann n yibankiwen nna ɣef baḍen zun d abank akkʷ nna mi ɣur illa watig ammas n Turupt, aɣulen gan s udabu-ad-nnsen amm yat tewja nna igan tageldant. Kigan g yimɣaren n Flurinsa n tleslalit kkan-d Ayt Medici. Ffuɣen-d seg tewja-ad kkuẓ yibabaten n tegliziyt takatulikt; Ababa Leo X (wis-10), Ababa Clement VII (wis-7), Ababa Pius IV (wis-4) d Ubaba Leo XI (wis-11), awed snat g tgellidin n Fṛansa; Catherine de Medici d Marie de Medici. Ikka-t-nn da ittusemma umekkasu n udabu-nnsen awtuskan s Ageldun Ameqqran.

Coat of arms of the Grand Duke of Tuscany and the Grand Prince showing the Grand Ducal crown..

Flurinsa d Ayt Medici edit

Amssersel asalan n tewja-ad iga-t Giovanni Bicep de' Medici (1360-1429), kkan-t-nn yad-lli ayt dar-s da tteggan tasebbabt n taḍut, izri nettan aked iwwi-s Cosmo de' Medici (1389-1464) s yiger abankan swurin gi-s ammas n Flurinsa, sserslen awed itsen iẓlan-yaḍnin g mennawt temdinin tirupiyin zun d London d ula Bariz, smunen s tmentilt-a yan wayda anesbaɣur sekren yan udabu akeswat, wami ikka ubank-nnsen iga yan seg yibankiwen akkʷ jujjegnin dar illa yan waddur axatar g Turupt. D sya ad d-tekka tenbaḍt-ann tasertant nna s ttyawssanen g Flurinsa s izwar, fad ilemma Ṭṭalyan aked Turupt ḍart-as. Ttyawssanen ayt Medici s tkessa-nnsen d trarit-nnsen n taynit s tẓuri d yinaẓuren n tizi-ann.

Teṭṭaf yad-lli Flurinsa yat temguri. S usenɣed, tekka-tt-nn tettyawssan s temguri-nnes n tefsin. Ikka-t-nn ger ayt Flurinsa d ayt Lumbardya (agafa n Ṭṭalyan) yan wassaɣ asenzan (anesbab), uwin-as-d taḍut tawneglizt, d umeṭṭalfu acinwi s zzaḍen anaw n tifest akkʷ ihiyyan ammas n Turupt akud-ann. Tga Flurinsa yan udɣar awstratij aked tettacka tazzult-ad iddeɣ da tettaser kigan d waman. Uckan-d tɣermiwin n tama-nnes afella n tewririn, tili nettat ammas n yan uzaɣar abaraw g ittazzal asif n Arnu.

Ikka-t-nn iga Cosimo de' Medici yan "patriot" d yan upaṭrun. "Patriot" acku ikka-t-nn iga dar temdint-nnes zun d amaraw-nnes, yaɣul yamu g useqqamu n yiɣrem, yat trabbut n yirgazen mi qqaren "signorina" (imɣaren neɣ d iwessaren). Issersel-d Cosimo isuḍaf s da snumen irgayen (taxes). Nekren-d kra n yinesbaɣuren lli ten ur issusim waddad-ann ammʷ, mmuttin seg temdint s yat tikkelt, taɣawsa nna ifkan i Cosimo uggar n udabu ger ifassen-nnes. Iṭhella mezyan g temguri, g tsebbabt wala takerza, acku tiɣawsiwin-a ad akkʷ taser Flurinsa akud-ann, yaser nettan s wudem iẓlin "fidélité" n akkʷ uẓuten (fermes) d yiɣerman, acku irxa ɣef yat temdint illan g wammas n uzaɣar ad tettyawzḍem.

Ikka-t-nn iga "patrion" acku "supporter" teglizt, d ugudi n yimaraten, inaẓuren, imesdagen d yinelmaden. Issersel-d yat "Tkadimit Taplaṭunit" mani g ɣiyen inelmaden-nnes ad zerrun tiwuriwin n yimaraten igriken izaykutnin d ad msawaḍen ɣef tsertit, asged d tektiyin timaynutin. Ikka-t-nn iga yiɣef (amɣar) n tkadimit-ann yan ufilusuf igan s yisem Marsillio Ficino. Issebɣes Cosimo imesdagen ad "désigner" tuṣkawin ɣef tmamekt n Ṛuma Tazaykut. Ismutter yat tsedlist taxatart n yidlisen d warraten ifka-ten i teɣzamt n San Lorenzo afad ad ten-smersen inelmaden-nnes. Ikka-t-nn da bedda ittekka Friary (irwasen kra n teɣzamt) n Sant Marco s uwettas n tizgi d lehnawt, ikka-t-nn altu da gi-sen issebɣas yan g "aytmaten" lli dinn illan, Fra Angelico, ad iklu tifelwin ẓilnin fuẓernin.

Ḍart tmettant n Cosimo, yaɣul wayyaw-nnes Lorenzo de' Medici ittyawssan uggar akkʷ n uyenna izrin. Qqaren-as Lorenzo il Magnifico (the Magnificent). Azemz n Lorenzo a'g t-nn-kkan ar ttidiren ammas n Flurinsa kra g yinaẓuren akkʷ ttyawssannin g umezruy n umaḍal, swurrin dar Ayt Medici:- Botticelli, Michelangelo d Leonardo da Vinci.