Alesso neɣ Alessio Baldovinetti (14 ktubeṛ 1425 - 29 ɣuct 1499), ikka-t-inn iga yan umekla awṭalyan n Tleslalit tazaykut.
Taseknudert
edit
Ilul-d Baldovinetti g Flurinsa ɣur yat tewja n yimɣaren nna igan tanesbaɣurt. Aseggʷas n 1448, ittuzemmem amm yan seg igmamen n Guild n St. Luke (Luke Agʷrram): "Alesso di Baldovinetti, dipintore."
Ikka-t-inn iga yan umeḍfar n tegrumma-nna n imẓerilawen imassanen d yimẓergamanen n tẓuri nna g yamu allu Andrea del Castagno, Paolo Uccello d Domenico Veneziano. Ɣef uyenna ittuyannan, yuwes nettan g usdikuṛ n teglizt n S. Egidio, is helli ur illi kra n record issenẓun taɣawsa-ad. Tettwaxdamen idikuṛen-ad iseggʷasen n 1441 - 1451 s tkessa n Domenico Veneziano akked Andrea del Castagno. Ayenna ittusenẓan s tidet, iga-t mas d nettan aud ittukellafen s usmad-nnes g yan usakud aḍefran (1460).
Aseggʷas n 1426, ittusemhal Alesso s teklut n fresco axatar n Annunciation g teɣzamt n Annunziata tabaziliyt. Isaguren imek nna ten-nettannay, gan anẓa ɣef tsugert n unaẓur g userwes n yifruriten igamanen s trarit-nnes n teɣʷḍeft nna ineɣden, ayenna yujjan Vasari ad isres snat tesguriwin id-s zdinin: "Ikka-t-inn iḥmel ad yameẓ timuɣliwin issenɣel-tent nnican imek dda gant g ugama-nnsent neɣ ansa-nnsent, d yimek nna aɣef nettannay ilemma ammas n tfelwin-nnes isaffen; tileggʷin, iẓran, imɣayen, igumma, iberdan, igran, timdinin, d wahli n tɣawsiwin-yaḍnin mi ur ili ttmi," d mas "t-inn-ikka iga yan 'inveterate experimentalist' g yisekkinen iteqniyen.