ⵡⴰⵔⵣⴰⵣ
ⵜⵉⵖⵔⵎⵜ ⵏ ⵡⴰⵔⵣⴰⵣⴰⵜ ( ⵙⵜⵄⵔⴰⴱⵜ: ورزازات, ⵙ ⵜⴼⵔⴰⵏⵙⵉⵙⵜ: Ouarzazate) ⵜⵍⵍⴰ ⴳ ⴰⵏⵥⵓⵍ ⵓⴳⵎⵉⴹ ⵏ ⵎⵕⵕⵓⴽ. ⵜⴻⵜⵜⵡⴰⵙⵙⵏ ⴽⵉⴳⴰⵏ ⵙ ⵉⴷ ⵙⵜⵓⴷⵢⵉ ⵏ ⵙⵙⵉⵏⵉⵎⴰ, ⵜⵉⵖⵔⵎⴰⵜⵉⵏ ⵏ ⵜⵡⵔⵉⵔⵜ ⴷ ⵜⵉⴼⴼⵓⵍⵜⵓⵜ. ⵏⵇⵇⴰⵔⴰⵙ ⵜⴰⵡⵡⵓⵔⵜ ⵏ ⵜⵏⵣⵔⵓⴼⵜ. ⴰⵏⴰⵎⴽ ⵏ ⵡⴰⵔⵣⴰⵣⴰⵜ ⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⴳⴰ ⵜ ⴷⵉⵏⵏⴰ ⴳ ⵓⵔ ⵉⵍⵍⵉ ⵡⴰⵇⵇⵓⵔ. ⵙ ⵜⵉⴷⵜ ⵜⴳⴰ ⵜⵖⵔⵎⵜ ⴷⴷⵖ ⵜⴰⴼⴰⵍⴽⴰⵢⵜ ⵙ ⵎⴷⴷⵏ ⵏⵏⵙ ⵓⵍⴰ ⵉⵙⴰⵏⴰⵢⵏ ⵏⵏⵙ ⵏⵏⴰ ⴷ ⵉⵍⴷⴷⵉⵏ ⴽⵉⴳⴰⵏ ⵏ ⵉⵎⴰⵍⵍⴰⵢⵏ ⴽⵓ ⴰⵙⴳⴳⵯⴰⵙ.
ⵜⴰⵔⴰⴽⴰⵍⵜ
editⵜⵓⵙⴰ ⴳ ⵡⴰⵔⵣⴰⵣⴰⵜ ⴳ ⵓⴷⵖⴰⵏ ⵏⵏⴰ ⵎⵏⴰⴳⴳⴰⵔⵏ ⵉⵙⴰⴼⴼⵏ ⵏ ⴷⴰⴷⵙ ⴷ ⵡⵉⵏ ⵡⴰⵔⵣⴰⵣⴰⵜ. ⵜⵏⵎⴰⵍⴰ ⵉ ⵓⴷⵔⴰⵔ ⵏ ⴷⵔⵏ ⵓⵍⴰ ⵜⴰⵏⵣⵔⵓⴼⵜ. ⴷⵉⴳⵙ ⴽⵉⴳⴰⵏ ⵏ ⵜⵖⵔⵎⴰⵜⵉⵏ ⵢⵓⵍⵉⵏ ⵏ ⵡⴰⴽⴰⵍ ⴰⵣⴳⴳⵯⴰⵖ ⵜⵎⴰⵣⵉⵔⵜ, ⴷⵉⴳⵙ ⵜⵉⵣⴷⴰⵢⵉⵏ, ⵉⵖⵔⵎⴰⵏ ⵏⵏⵙ ⵉⵥⵉⵍⵏ ⵍⴷⴷⵉⵏ ⴷ ⵉⵎⴰⵍⵍⴰⵢⵏ ⵙⴳ ⵎⴰⵕⵕⴰ ⵜⵉⵎⵉⵣⴰⵔ ⵏ ⵓⵎⴰⴹⴰⵍ.
ⴰⵎⵣⵔⵓⵢ
editⴳ ⵓⵙⴳⴳⵯⴰⵙ ⵏ 1928 ⵉⵙⵙⴽⵔ ⴷⵉⴳⵙ ⵓⵔⵓⵎⵉ ⴰⵏⵙⴰ ⵏ ⵉⵙⵔⴷⴰⵙⵏ ⵏⵏⵙ. ⵙⴳ ⵡⴰⵔⵣⴰⵣⴰⵜ ⴰⵢ ⴷ ⵜⵜⴰⵢⵍⴰⵍⵏⵜ ⵜⵎⵙⴼⴰⴳⵉⵏ ⵉⴽⴽⴰⵜⵏ ⵜⵉⵇⴱⵉⵍⵉⵏ ⵏ ⴰⵢⵜ ⵄⵟⵟⴰ ⵏⵏⴰ ⵉⵜⵜⵏⴰⵖⵏ ⵎⴳⴰⵍ ⴼⵔⴰⵏⵙⴰ ⴰⵔ ⴰⵙⴳⴳⵯⴰⵙ ⵏ 1934, ⵍⵍⵉⵖ ⴳ ⴷ ⵉⴳⴳⵣ ⵄⵙⵙⵓ ⵓ ⴱⴰⵙⵍⴰⵎ ⵙⴳ ⵉⴷⵓⵔⴰⵔ ⵏ ⴱⵓⴳⴰⴼⵔ ⵉⵙⵍⵍⵎ ⵉⵖⴼ ⵏⵏⵙ ⵉ ⴼⵔⴰⵏⵙⴰ ⴰⴼⴰⴷ ⵓⵔ ⵎⵎⵜⵏ ⵡⵉⵏⵏⴰ ⴷ ⵉⵇⵇⵉⵎⴰⵏ ⴳ ⴰⵢⵜ ⵄⵟⵟⴰ ⴷ ⵡⵉⵏⵏⴰ ⵜⵏ ⵢⵓⵡⵙⵏ ⵙⴳ ⵜⵇⴱⵉⵍⵉⵏ ⵏⵏⴹⵏⵉ ⴰⵎⵎ ⴰⵢⵜ ⵎⵔⵖⴰⴷ.
ⵜⴰⴷⴰⵎⵙⴰ
editⵜⵉⵍⴰⵍⵜ ⵜⴰⵅⴰⵔⵜ ⵜⴰⴷⴰⵎⵙⴰⵏⵜ ⵏ ⵡⴰⵔⵣⴰⵣⴰⵜ ⵜⴱⴷⴷⴰ ⵅⴼ ⵜⵎⴰⵍⵍⴰⵢⵜ ⴷ ⵙⵙⵉⵏⵉⵎⴰ. ⵜⵍⴰ ⵜⵖⵔⵎⵜ ⴷⴷⵖ ⴽⵉⴳⴰⵏ ⵏ ⵉⵙⵏⵙⵓⵜⵏ. ⴷⵉⴳⵙ ⵙⵉⵏ ⵉⴷ ⵙⵜⵓⴷⵢⵓ ⵏ ⵙⵙⵉⵏⵉⵎⴰ[1] ⵜⴰⵎⴰⴹⵍⴰⵏⵜ. ⴽⵉⴳⴰⵏ ⵉ ⵎⴰⵍⵍⴰⵢⵏ ⴷⴰ ⵣⵔⵔⵉⵏ ⴳ ⵡⴰⵔⵣⴰⵣⴰⵜ ⴽⵓ ⴰⵙⴳⴳⵯⴰⵙ. ⴰⵏⵎⵉⵍⵉ ⵏⵏⵙ ⵉ ⵎⵓⵕⴰⴽⵓⵛ ⵅⴼ ⵓⴱⵔⵉⴷ ⵏ ⵜⵉⵛⴽⴰ, ⵜⴰⵀⵓⵙⴽⵉ ⵏⵖ ⴰⴼⵓⵍⴽⵉ ⵏ ⵉⵖⵔⵎⴰⵏ ⵏⵏⵙ, ⵜⴰⵍⵓⵖⵉ ⵏ ⵉⵎⵣⴷⴰⵖ ⵏⵏⵙ, ⴰⵢⴷⴷⵖ ⴰⴽⴽⵯ ⵉⴳⴰ ⴳ ⵡⴰⵔⵣⴰⵣⴰⵜ ⴰⵏⵙⴰ ⵉⵥⵉⵍⵏ ⵏ ⵜⵎⴰⵍⵍⴰⵢⵜ.
ⵉⵙⴰⵏⴰⵢⵏ ⵏⵏⵙ ⵉⵥⵉⵍⵏ, ⴰⵎⵣⵔⵓⵢ ⵏⵏⵙ ⴰⵇⴱⵓⵔ ⵓⵍⴰ ⴷ ⵏⵜⵜⴰ ⵉⵙⵙⴽⵔ ⴳ ⵡⴰⵔⵣⴰⵣⴰⵜ ⴰⴷⵖⴰⵔ ⵏ ⵜⵥⵓⵔⵉ ⵜⵉⵙ ⵙⴰⵜ. ⴽⵉⴳⴰⵏ ⵏ ⵉⵙⵓⵔⴰ ⴰⵢ ⴷ ⵉⵜⵜⵓⴳⴰⵏ ⴳⵔ ⵡⴰⵔⵣⴰⵣⴰⵜ ⴷ ⵉⵖⵔⵎ ⵏ ⴰⵢⵜ ⵓ ⵃⴷⴷⵓ.
ⵜⵍⴰ ⵡⴰⵔⵣⴰⵣⴰⵜ ⵜⴰⵙⴷⴰⵡⵉⵜ ⵏⵏⵙ ⵙⴳ ⵓⵙⴳⴳⵯⴰⵙ ⵏ 2006[2].