ⵊⴰⵏⵊⴰⵡⵉⴷ ⵏⵖ ⵉⵊⴰⵏⵊⴰⵡⵉⴷⵏ ⴷ ⵜⴰⴳⵔⴰⵡⵜ ⵏ ⵢⵎⵙⵍⵍⵃⵏ ⵢⵍⵍⴰⵏ ⴷⵉ ⵜⴰⵎⴰ ⵏ ⴷⴰⵕⴼⵓⵔ ⴳ ⵓⵜⴰⵔⴰⵎ [ⵍⵖⵔⴱ] ⵏ ⵙⵓⴷⴰⵏ ⴰⴽⴽⴷ ⵡⴳⵎⵓⴹ (ⵛⵛⵔⵇ) ⵏ ⵜⵛⴰⴷ. ⵜⴰⴳⵔⴰⵡⵜ ⵏ ⵢⵉⵊⴰⵏⵊⴰⵡⵉⴷⵏ ⵙⴱⴷⴷⵏ-ⵜⵜ-ⵉⴷ ⵢⵎⵙⵍⵍⵃⵏ ⵏ ⵜⵡⵙⴰⵜⵉⵏ (ⵍⵄⵕⴰⵛ) ⵏ ⵢⵉⵎⴽⵙⴰⵡⵏ ⵏ ⵢⵉⵍⵖⵎⴰⵏ ⴷ ⵢⵣⴳⴰⵔⵏ ⵏ ⵜⴰⵎⴰ ⵏ ⴷⴰⵕⴼⵓⵔ, ⴰⴽⴽⵏ ⴰⴷ ⵏⵏⴰⵖⵏ ⵎⴳⴰⵍ ⵢⵉⵎⵣⴷⴰⵖⵏ ⵏ ⵜⵎⴷⵉⵏⵉⵏ ⴷ ⵜⵓⴷⴷⴰⵔ ⵏ ⵜⴰⵎⴰ ⴰⴷ. ⴳ ⵜⴳⴰⵔⴰ ⵏ ⵢⵉⵙⴳⴳⴰⵙⵏ ⵏ 1980, ⴰⵙⵎⵉ ⴰⵢ ⵢⵏⵇⵙ ⵓⵏⵥⴰⵔ (ⴷ ⵜⴰⵍⵍⵉⵜ ⵏ ⵜⴰⴽⵡⵜ), ⵜⵉⵡⵙⴰⵜⵉⵏ ⵜⵉⵎⵙⵙⵓⴽⴰⵍ (ⵏoⵎⴰⴷⵙ) ⵜⵉⵎⴽⵙⴰⵡⵉⵏ ⵇⵇⵍⵏⵜ ⵜⵜⵏⴰⵖⵏ ⵖⴼ ⵡⴰⴽⴰⵍ ⵏ ⵜⴽⵙⵙⴰⵡⵜ ⴰⴽⴽⴷ ⵢⵉⴼⵍⵍⴰⵃⵏ ⵓⵔⴽⵉⴷⵏ ⵏ ⴷⴰⵕⴼⵓⵔ, ⴷⵖⴰ ⴷ ⴰⵢⴰ ⴰⵢ ⴷ-ⵢⵙⵍⴰⵍⵏ ⵉⵎⵏⵖⵉ ⵉⵎⵙⵍⵍⵃ ⴳⴰⵔ-ⴰⵙⵏ. ⵜⵉⵡⵙⴰⵜⵉⵏ ⵏ ⵢⵉⵊⴰⵏⵊⴰⵡⵉⴷⵏ ⴷ ⵉⵙⵓⴷⴰⵏⵉⵢⵏ ⵢⵙⵙⴰⵡⴰⵍⵏ ⵙ ⵜⴰⵄⵕⴰⴱⵜ, ⵎⴰ ⴷ ⵉⵅⵚⵉⵎⵏ-ⵏⵙⵏ ⴷ ⵉⴼⵔⵉⵇⵉⵢⵏ. ⴷⴳ 2003, ⴰⵙⵎⵉ ⴰⵢ ⴷ-ⵢⵏⴽⵔ ⵡⵎⴳⴰⵔⵓ (ⵟⵟⵔⴰⴷ) ⵏ ⴷⴰⵕⴼⵓⵔ, ⴰⵏⴰⴱⴰⴹ ⴰⵙⵓⴷⴰⵏⵉ ⵢⵙⵙⵇⴷⵛ ⵉⵎⵙⵍⵍⵃⵏ ⵏ ⵢⵉⵊⴰⵏⵊⴰⵡⵉⴷⵏ ⵎⴳⴰⵍ ⵢⵎⵙⵍⵍⵃⵏ ⵉⵅⵚⵉⵎⵏ ⵏ ⵓⴷⴰⴱⵓ.
