ⵜⴰⵍⴰⵍⵉⵜ edit
ⵉⵍⵓⵍ ⵃⴰⵙⴰⵏ ⵉⴷ ⴱⴰⵙⵄⵉⴷ ⴳ ⵢⵉⵖⵔⵎ ⵏ ⵜⵉⵣⵏⵉⵜ ⵉⵍⵍⴰⵏ ⴳ ⵢⵉⴼⴼⵓⵙ ⵏ ⵍⵎⵖⵔⵉⴱ, ⴳ ⵓⵙⴳⴳⵯⴰⵙ ⵏ 1967. ⵙⴳ ⵎⵥⵥⵉ ⵏⵏⵙ ⴰⴷ ⵉⵜⵜⵓⵜ ⵙ ⵜⴰⵢⵔⵉ ⵏ ⵓⵥⴰⵡⴰⵏ. ⵍⵍⵉⵖ ⴷⴰⵔⵙ ⵢⴰⵏ ⴷ ⵎⵔⴰⵡ (11) ⵏ ⵓⵙⴳⴳⵯⴰⵙ, ⵉⵙⴽⵔ ⵜⴰⵔⴰⴱⴱⵓⵜ ⵏⵏⵙ ⵜⴰⵎⵣⵡⴰⵔⵓⵜ ⴷⴷⴰⵡ ⵡⴰⵙⵙⴰⵖ ⵜⴰⵔⴰⴱⴱⵓⵜ ⴰⵢⵜⵎⴰⵜⵏ, ⵢⴰⵜ ⵜⵙⴼⵉⴼⵜ ⴳ ⵓⵙⴳⴳⵯⴰⵙ 1985. ⵎⴽⵍⵍⵉ ⵙ ⵢⵓⵍⵙ ⵉⴷ ⴱⴰⵙⵄⵉⴷ ⵉ ⵓⵎⴰⵔⴳ ⵏ ⵎⵏⵏⴰⵡ ⵉⵎⵇⵇⵔⴰⵏⵏ ⵏ ⵓⵥⴰⵡⴰⵏ ⴰⵎⴰⵣⵉⵖ ⴰⵎ: ⵕⵕⴰⵢⵚ ⴱⵍⵄⵉⴷ, ⵃⵎⴰⴷ ⴰⵎⵏⵜⴰⴳ ⴷ ⵙⵄⵉⴷ ⴰⵛⵜⵓⴽ... ⵙ ⵓⵢⴰⴷ ⴰⴷ ⵙ ⵉⵙⵔⵙ ⵃⴰⵙⴰⵏ ⵜⵉⵔⵙⴰⵍ ⵏⵏⵙ ⴳ ⵓⴱⴰⵔⴰⵣ ⵏ ⴰⵢⵜ ⵓⵎⴰⵔⴳ. ⴰⵏⵎⵓⵇⵇⴰⵔ ⵏⵏⵙ ⴷ ⵄⵎⵎⵓⵕⵉ ⵎⴱⴰⵔⴽ, ⵢⴰⵏ ⵙⴳ ⵉⵏⵎⵖⵓⵔⵏ ⵏ ⵓⵥⴰⵡⴰⵏ ⴰⵎⴰⵣⵉⵖ ⵉⴼⴽⴰ ⵉ ⵃⴰⵙⴰⵏ ⵢⴰⵜ ⵜⵉⵔⵎⵉⵜ ⵢⴰⴹⵏⵉⵏ. ⵏⵜⵜⴰⵏ ⴰⴷ ⴷ ⵉⴷⵔⵓ ⵎⵏⵏⴰⵡ ⵉⵡⵉⵣⵏ ⴳ ⵜⵓⴳⵜ ⵏ ⵜⵎⵉⵣⴰⵔ ⵏ ⵓⵕⵓⴱⴱⴰ, ⵢⴰⵡⵙ ⴳ ⵜⵙⴼⵉⴼⵉⵏ ⵏⵏⵙ ⴳ ⵓⵙⴳⴳⵯⴰⵙ ⵏ 1992. ⵃⴰⵙⴰⵏ ⵉⴷ ⴱⴰⵙⵄⵉⴷ ⵉⵥⴹⴰⵕ ⴰⴷ ⵉⵙⵎⵓⵏ ⴳⵔ ⵓⵥⴰⵡⴰⵏ ⴰⵎⴰⵣⵉⵖ ⴰⵣⴰⵢⴽⵓ ⴷ ⵓⵜⵔⴰⵔ, ⵉⵙⵙⵓⴼⵖ ⴷ ⵜⴰⴷⵍⴰ ⵏ ⵓⵥⴰⵡⴰⵏ ⵙ ⵢⴰⵜ ⵜⵖⴰⵔⴰⵙⵜ ⵙⵉⵙ ⵉⵥⵍⵉⵏ. ⵉⵙⵎⵓⵏ ⴳⵔ ⵉⵎⴰⵙⵙⵏ ⵉⵎⴰⴹⵍⴰⵏⵏ ⴷ ⵉⵎⴰⵙⵙⵏ ⵏ ⵉⵎⴰⵣⵉⵖⵏ ⵍⵍⵉ ⵏⵏ ⵏⵜⵜⴰⴼⴰ ⵖⵔ ⵉⵏⴰⵥⵓⵕⵏ ⴷ ⵜⵔⵓⴱⴱⴰ ⴷ ⵓⵃⵡⴰⵛ.
ⵜⴰⵙⴼⵉⴼⵜ ⵜⴰⵎⴳⴳⴰⵔⵓⵜ edit
ⵜⴰⵙⴼⵉⴼⵜ ⵏⵏⵙ ⵉⴳⴳⵯⵔⴰⵏ ⵛⵛⴰⵀⵡⴰ (2006) ⵜⵉⵙⵙ ⴽⵕⴰⴹⵜ ⴷ ⵎⵔⴰⵡⵜ ⴳ ⵜⴽⴰⴼⵓⵜ ⵏ ⵉⴷ ⴱⴰⵙⵄⵉⴷ, ⵜⴳⴰ ⵜⴰⴳⵔⴰⵡⵍⴰ ⵎⵇⵇⵓⵔⵏ ⴳ ⵉⵎⴰⵙⵙⵏ ⵓⵍⴰ ⴳ ⵓⵥⴰⵡⴰⵏ ⴷ ⵉⵡⴰⵍⵉⵡⵏ ⴷ ⵓⵙⵏⵎⴰⵍⴰ. ⵜⴳⴰ ⵢⴰⵏ ⵓⵙⴰⵜⵓⵔ ⵉⵙⵙⵍⴽⴰⵎⵏ ⵙ ⵜⴷⵍⵙⴰ ⴷ ⵓⵥⴰⵡⴰⵏ ⵏ ⵡⵉⵢⵢⴰⴹ, ⵉⵙⵎⴷ ⴳⵉⵙ ⵃⴰⵙⴰⵏ ⵉⴷ ⴱⴰⵙⵄⵉⴷ ⵉ ⵓⵥⴰⵡⴰⵏ ⴰⵎⴰⵣⵉⵖ ⴰⵎⵖⵔⴰⴱⵉ ⵢⴰⵜ ⵜⵉⵔⵎⵉⵜ ⵜⴰⵎⴰⵢⵏⵓⵜ.