Wp/tuo/Yesê

< Wp‎ | tuo
Wp > tuo > Yesê

Yesê

Yesê-bu’ru[1]

Nɨkɨ̂pɨre, yeseá pɨɨá kura niîma: yeseá-sɨtirã́, tohô niikã́, yesê-bu’rua. Naâ opa kurári di’akɨ̃hɨ sihâma. Põ’ratírã kẽ’ra ni’karẽ́rãta põ’ratísehetima. Opa taári ãhuátisehere tɨ’sâ yɨ’rɨama. Naâ ba’ârã’, ãhuáre aú ba’ama. Yukɨ dɨkáre baʼâma: wapɨ̂, wasô, paâ-kãro dɨka, pupiâ, ne’ê, wamɨ̂ ba’âma.

Yeseá-sɨtirã́ me’rare, niî mɨhami naa yagɨ́ diâyɨ, naâ bahusehére mehêkã bahugɨ́, diâyɨ weerórohota tu’tisehétigɨ. Kɨ̃ɨ̂ niîmi apêrã noho a’tikã́ weregɨ́, tohô niikã́, naâre wehê ɨ’mɨtãgɨ.

Yeseá-sɨtirã́ pakarã́ niîma. Yesê-bu’rua pũrikã õ’ômaharã niîma, wamɨtaha butirã́. Ã’rá tutîripɨ, tohô niikã́, kopêripɨ kãrisehétima. Yeseá-sɨtirã́ pũrikã no’ó naâ wa’aró kãríkã’ma, nukûkãta. Ã’rá naâre boka ehákã, uá niîma. Diâyɨ kẽ’rare nɨrɨ́ me’ritigɨ’ maa, kũ’rî sitekã’ weemá. Tohô weérã’, masaré, apé tero maa, yukɨpagɨ́ bu’ipi, sa’âri bu’ipɨ nɨrɨ moróo’ peo mɨhama.

Naâ di’i ba’akã́, ãyú butia’ro ɨ’seasehé niî’.[2]

Referências edit

  1. Ramirez, Henri. 1997. A Fala Tukano dos Ye’pâ-Masa, Tomo II: Dicionário. Manaus: Inspetoria Salesiana Missionária da Amazônia, CEDEM.
  2. Ramirez, Henri & Alfredo Miguel Fontes. 2001. Ye'pâ-Masa Yee Niisehétisehe: A vida dos Ye'pâ-Masa. Manaus: Editora da Universidade do Amazonas. (Biblioteca Digital Curt Nimuendajú, Atribuição 3.0 Não Adaptada (CC BY 3.0))