Wp/tts/วิกิพีเดีย

วิกิพีเดีย (Template:Wp/tts/Lang-en, คารา) แม่นโคงการสารานุกมหลายภาษาเทิงเว็บไซต์ที่แจกจ่ายในลักษณะเนื้อหาเสรี ภายใต้การสนับสนุนของมูลนิธิวิกิมีเดีย องค์กรบ่แสวงหาผลกำไล เนื้อหากว่า 17 ล้านบทควมใน 276 ภาษา โดยสะเพาะในวิกิพีเดียภาษาอังกิษ ซึ่งมีเนื้อหาหลายกว่า 3.5 ล้านบทควม เกีดขึ้นโดยการฮ่วมเขียนแต่อาสาสมัครแต่ทั่วโลก โดยเว็บไซต์เปีดให้ทุกคนสามารถฮ่วมดัดแก้ได้อย่างอิสระ วิกิพีเดียเปีดโตใน พ.ศ. 2544 โดย จิมมี เวลส์ และแลร์รี แซงเจอร์ และได้กายมาเป็นผลงานอ้างอิงที่มีส่ำใหญ่ที่สุดและได้ฮับควมนิญมหลายกว่าหมู่เทิงอินเทอร์เน็ต อยู่ในลำดับที่ 8 ของเว็บที่มีผู้เข้าซมหลายที่สุดในโลกตามการจัดอันดับของอเล็กซา และมีผู้อ่านกว่า 365 ล้านคน

คำว่า "วิกิพีเดีย" แม่นคำที่ปะดิษฐ์ขึ้นโดยแลร์รี แซงเจอร์ มาแต่การผสมคำของคำว่า "วิกิ" (wiki) ซึ่งแม่นลักษณะของการส้างเว็บไซต์ที่ฮ่วมกันปับปุง (แม่นคำในภาษาฮาวายที่แปว่า "ไว") และคำว่า "เอนไซโคฺลพีเดีย" (encyclopedia) ที่แปว่าสารานุกม

ข้อแตกต่างระหว่างวิกิพีเดียและรูปแบบการส้างสารานุกมที่เขียนขึ้นโดยผู้เซี่ยวชาญตลอดจนการฮวบฮวมเนื้อหาที่บ่เป็นวิซาการจำนวนหลายได้ฮับการก่าวเถิงอยู่หลายเทื่อ เมื่อนิตยสารไทม์ จัด "โตเจ้าเอง" เป็นบุคคลแห่งปี พ.ศ. 2549 อันแม่นการญอมฮับควมสำเร็จที่เร่งให้เกีดขึ้นของการฮ่วมมือและปฏิสัมพันธ์ออนไลน์ของผู้ใช้หลายล้านคนแต่ทั่วโลก นอกจากนี้ ญังได้อ้างเถิงวิกิพีเดียว่าแม่นหนึ่งในโตอย่างของบริการเว็บ 2.0 เซ็่นเดียวนำยูทูบ มายสเปซ และเฟซบุ๊ก ลางคนให้ควมเห็นว่าวิกิพีเดียบ่ได้มีควมสำคัญเพียงแต่สารานุกมอ้างอิงท่อนั้น แต่ญังแม่นแหล่งข้อมูลข่าวที่มีการอัปเดตอย่างไวอีกตื่ม เนื่องจากเหตุการณ์ปัจจุบันมักมีการส้างเป็นบทควมในวิกิพีเดียอย่างไว นักเฮียนนักเศิกษาได้ฮับการสั่งให้เฮ็ดแนวเฝิกหัดเป็นการเขียนบทควมวิกิพีเดียอย่างคักและรัดกุมซึ่งอธิบายเถิงแนวคึดที่ญากให้แก่ผู้อ่านจำนวนบ่จำกัด

แม้นว่าวิกิพีเดียซิมีนโยบายคอบคุมฮอดการพิสูจน์ยืนยันได้ของข้อมูลและมุมมองที่เป็นกาง แต่วิกิพีเดียก็ญังได้ฮับการวิพากษ์วิจารณ์อยู่เสมอ ทังในด้านความลำเอียงอย่างเป็นระบบและความบ่สอดค้องกันของบทควม ตลอดจนการให้น้ำหนักแก่วัฒนธรรมสมัยนิญมหลายโพดจนบ่เหมาะสม และระบุว่า วิกิพีเดียมักใซ้กะบวนการมติเอกสันท์ในกะบวนการปับปุง ควมหน้าเซื่อถือและควมถืกต้องของข้อมูลเองก็ตกเป็นเป้าหมายวิพากษ์วิจารณ์อย่างต่อเนื่อง นอกจากนี้ การวิจารณ์อื่นญังมุ่งปะเด็นไปญังการก่อกวนและการเพี่มข้อมูลที่หลอกลวงหรือบ่สามารถพิสูจน์ได้ เถิงอย่างใดก็ดี ผลงานวิซาการได้ให้ควมเห็นว่าการก่อกวนในวิกิพีเดียซิมีอาญุสั้น ๆ ท่อนั้น และแต่การวิจัยของวารสารเนเจอร์พ้อว่า บทควมด้านวิทยาศาสตร์ที่ได้เปียบเทียบระดับควมถืกต้องของสารานุกมบริตานิกา และสรุปว่า ทังสองมีอัตา "ข้อผิดพาดฮ้ายแฮง" ในระดับที่ใก้เคียงกัน

วิกิพีเดียเฮ็ดเวียกด้วยซอฟต์แวร์ซื่อมีเดียวิกิ และจัดเก็บในเซิร์ฟเวอร์สามแห่งทั่วโลก โดยมีเซิร์ฟเวอร์ใหญ่อยู่ที่รัฐฟลอริดา สหรัฐอเมริกา และเซิร์ฟเวอร์ญ่อยตั้งอยู่ที่อัมสเตอร์ดัมในเนเธอร์แลนด์ และโซลในเกาหลีใต้ ในขณะที่มูลนิธิสำนักงานใหญ่ตั้งอยู่ที่ซานฟรานซิสโก รัฐแคลิฟอร์เนีย