Wp/tsg/Pangiyan Dūm

In Pangiyan Dūm hambuuk sumping walna' puti' yaun ha dūm sadja magsumping. Kiyaklas ini biya hambuuk kaktus sabab awn-unud in sanga niya. In sanga niya ra isab in dahun niya, sapantun in hambuuk pananum kaktus.

In sumping niya walna' puti iban mahamut tuud. Ha dūm sadja siya magsumping iban bang umadlaw na lumuyluy in sumping niya.

In ngan sayntipik niya in Epiphyllum Oxypetalum, atawa in Bakawali (ha Bahasa Malayu), Kusumawijaya (ha Bahasa Indunisya).

Pamili/Tawtayanak:	Cactaceae/Kakaktusan
Subpamili/Subtawtayanak:	Cactoideae
Genus:	Epiphyllum
Spisis:	E. Oxypetalum

Pagtugilaan

Mabiskay in pagtumbu panunum ini iban di' biya hambuuk kaktus, way tunuk sin baran sin panunum ini. Way da isab dahun niya sabab in sanga niya isab in dahun bunnal niya. Mahusay makasanga in panunum ini iban makajari hambuuk panunum sangahan.

Di' biya' kaktus, way tunuk niya iban mahusay makasanga manjari hambuuk kahuy asibi'. Kitaa in sumping niya tumagna lumuyluy sabab umadlaw na.

Sumping iban Bunga

Walna' puti in sumping niya, sagawa' awn āg bariti na dugaing walna' in sumping niya. Mahamut tuud in sumping niya bābā ha dūm sadja magsumping, bat pag'asawahun sin kaba'-kaba' dūm. Huwag piyag'asawahun in sumping, tumagna in sumping ini lumuyluy iban magbunga. Di' makain in bunga ini.

Atulan sin Pag'anakan

Awn duwa atulan pagpatauran sin pananum ini yaun in pag'asawahun in sumping atawa pagtu'tuun in sanga.

Atulan hikaduwa pagpatauran sin pananum ini in mahusay tuud sabab mahusay in pananum ini makagamut.