Wp/tsg/Listahan sin Kiyabus Kalimah

Yari in lista sin manga kiyapagbūs kalimah ha Bahasa Sūg.

Pandu sin Paghidja' iban Pagdārā sin Kiyapagbūs Kalimah

Awn manga atulan bang makadārā sin manga kiyapagbūs kalimah, biya pagpinda sin hurup, pag'igun in hurup.

Igma' sin Pagpinda Hurup

Awn manga hurup sin bahasa dugaing amu in wala' ha Sinūg biya hurup Z, X iban dugaing pa. Subay in manga yan pindahun iban maagad in sistam punulugi iban murpulugi sin Sinug. Yari ha baba' in listahan sin manga hurup subay pagpindahun.

1. c (hikahurup in katingug s) → s : cylinder (Anggalis) → silindar
2. c (hikahurup in katingug ch) → ch : cheque (Kastila) → chik
3. c (hikahurup in katingug k) → k : cartogram (Anggalis) → kartugram
4. f → p : fonología (Kastila) → punulugi
5. ia → ya : amfibia (Malayu) → ampibya
6. q → k : qari (Malayu) → kari, quartz (Anggalis) → kwarts
7. ua → wa :
8. v (bang bukun ha ulihan kalimah) → b : votar (Kastila) → but (magbut)
9. v (bang ha ulihan kalimah) → p : ultraconservative (Anggalis) → ultrakunsarbatip, productive (Anggalis) → pruduktip
10. x (bukun ha unahan kalimah) → ks : látex (Kastila) → latiks
11. x (ha unahan kalimah) → saliun pa : x-ray (Anggalis) → x-ray
12. y (bang naguguna biya hurup bokal) → i : philosophy (Anggalis) → pilusupi
13. z (bukun ha ulihan kalimah) → j : zoology (Anggalis) → juwlugi
14. z (bang ha ulihan kalimah) → s : musica jazz (Kastila) → musik jas

Kiyabus Kalimah dayn ha Kastila

Awn mataud apiks sin Bahasa Kastila sawpama -dor, -o iban dugaing pa yaun subay makapinda lāgi' pag'īgun in pagmakusug jaman kulunyal. Hambuuk ginis sin Bahasa Kastila in piyag'awn in jindar sin manga kalimah biya usug atawa babai. Sagawa' wala' jindar in manga kalimah Bahasa Sūg, Kagunahan pag'īgun in jindar bakas hikabūs in kalimah dugaing yan.

1. bang mag-ahil in hurup o atawa a ha ahil kalimah, pag'iguna sila. (Sawpama: caso → kas, ranggo → rang, cerveza → sirbis)
2. bang mag-ahil in hurup e ha ahil kalimah, pagpinda'a ha hurup i : presidente → prisidinti
3. paghawpu'a in -cion ha -si : administración → administrasi
4. pag'īguna in -ar, -er iban -or : votar → but (magbut), sabotear → sabut (magsabut, sabutun)
5. pag'īguna in apiks -no iban -ino : termino → tirma,
6. pag'īguna in -os iban -as : religioso → riligi, eskandaloso → iskandal
7. pagpindaha in -bre ha -ber : noviembre → nubimbir, febrero → pebrer → pibrir.
8. paggunggunga in apiks -dad : probabilidad → prubabilidad, oportunidad → upurtunidad
9. pagpindaha in apiks -dor → -dur : gobernador → gubirnadur, emperador → impiradur
10. pagpindaha in apiks -ma, -mo, -me → -m atawa -ma : demonym → dimunim, histograma → histugram, patriotismo → patryutisma

Pagkiyabūs kalimah dayn ha Anggalis

Yari in listahan pagpinda sin hurup.

1. bang awn kunsunan napukilit, subay pagduganga hambuuk bukal ha gitung sin manga kunsunan yan : silable → silabal
2. hawpuun in -cion ha -si : revolution → ribulusi
3. igun in apiks -al (duwal kalimah awn duwa atawa tu silabal sadja) : agricultural → agrikultur
4. pindahun in hurup e ha a : silable → silabla → silabal, longitude → lungituda
5. pindahun in apiks -tor ha -dur : numerator and denominator → numiradur iban dinuminadur.

Pagpapapihak sin Kiyabus Kalimah

Bang awn 2 atawa 3 silibal sadja in kiyabus kalimah, iban awn hurup e iban o ini kalimah yan. Manjari pindahun in hurup e iban o ha hurup i iban u. Biya:

• estrecho → estrech → estrek → istrik (bagu terma: Istrik sin Basilan)
• sabotear → sabote → sabot → sabut (bagu terma: magsabut, sabutun, sabutan)
• golfo → golp → gulpu

Indanan: Bang awn deribatip in kalimah yan, minsan awn duwa iban tu silabal in kalimah yan, di manjari papihakun. Sabab mapinda in manga pagkahidja sin kalimah yan katan. Biya kalimah 'awtonom', malaynkan awn tu silabal sadja, sagawa di manjari pindahun sabab in deribatip niya, in 'awtonomi' awn upat silabal na. In pagpapapihak sin kalimah manjari sulakun bang in bagu pagkahidja sin hikabus kalimah di maluuy iban maluhay in paghuhurup niya. Biya: eleksi vs iliksi. In ahil kalimah di maluuy in paghuhurup niya dayn ha awwal.

Lagi, awn duwa hal para pindahun in pagkahidja sin kalimah, yari:

• Di maluuy iban maluhay in pagkahidja bagu sin kallimah. (Politik vs pulitik)
• Awn hurup e,i ataw u,o ha lawm kalimah sali. (eleksi vs iliksi)

Sawpama manga kalimah in di pindanun in pagkahidja:

• eleksi, di illiksi.
• presiden, di prisidin

Tabal sin Kiyabus Kalimah

Kalimah	Dayn Bahasa	Kalimah Puun	Kalimah Alternatip (Hinang ha Sinug)
administrasi	Kastila	administración	pagpaparagan (dayn ha pag + paragan)
administratip	Kastila	administrativo/administrativa	pamagpaparagan
ampibya	Latin (dayn Malayu)	amphibia
awtonom	Kastila	autonomo
awtonomi	Kastila	autonomi
bank	Kastila	banco
bukal	Kastila	vocal
demonima	Grik	demonym
demograpi	Kastila	demografía	kamaghuhulaan (dayn ha Malayu, kependudukan)
denominadur	Anggalis	denominator
densidat	Kastila	densidad	kadasukan (dayn ha Malayu, kepadatan)
distrit	Kastila	distrito	kawman
edukasi	Kastila	educación	paghihindu
ekonomi	Kastila	economía
eleksi	Kastila	elección	pagpipi (dayn ha Malayu, pemilihan)
elektabilidat	Kastila	electa/electo - bilidad	kamapian (dayn ha Malayu, keterpilihan)
istrik	Kastila	estrecho
etimologi	Kastila	etimología
etnolinguystik	Kastila	etnolingüístico
finans	Kastila	finanzas	kasinan (dayn ha Malayu, keuangan)
gewgrapi	Kastila	geografía
gobernadur	Kastila	gobernador/gobernadora	nakura sin probinsi, tagmagpoprobinsi
gramatik	Kastila	gramática
gulpu	Kastila	golfo/golfa
hari-daira (royal capital)	Malayu	bandar diraja (daira nahari)
histuri	Kastila	historia	usulan (dayn ha usul + an)
histurik	Kastila	histórica/histórico	mausul (dayn ha ma + usul)
iklim	Kastila	clima	kabanuwaan
ina-daira (capital)	Malayu	ibu kota	kapital (dayn ha Kastila, capital)
inprastruktur	Anggalis	infrastructure
kandidat	Kastila	candidato/candidata
katunguran (position, in ranking)	Malayu	kedudukan	atawa rang (dayn ha Kastila, ranggo)
klab	Anggalis	club
klasipikasi	Kastila	clasificación	pagkaklasun
koda	Anggalis	code
kumpunan	Kastila	componente
kunsunan	Kastila	consonante
kultur	Kastila	cultura	kaartihan (dayn ha apiks ka- -an, iban arti)
lamud katag-upisyalan	Malayu	ahli jawatankuasa	katag-upisyalan = in hambuuk organisasi sin tau awn upisyal (tag-upisyal)
lukal	Kastila	local	pampasisil
maksima	Kastila	máxima/máximo
minima	Kastila	mínima/mínimo
mamaliya	Latin (dayn Malayu)	mamalia	binatang magduduru
nasyonal	Kastila	nacional
nul (wala, zero)	Kastila	nulo
numeradur	Anggalis	numerator
lupa-dunya	Malayu	rupa bumi	tereyn (dayn ha Anggalis, terrain)
organisasi	Kastila	organización	pag-iisahan (dayn ha Malayu, per-satu-an)
pagbabank	Malayu	pembankan (dayn ha peM-bank-an)
parka	Kastila	parque
pista	Kastila	fiesta
plura iban pawna	Kastila	flora y fauna	tumbu-tumbuhan iban binatang
politik	Kastila	politico
ponologi	Kastila	fonología
probinsi	Kastila	provincia
rang	Kastila	ranggo
religi	Kastila	religioso	maagama (dayn ha ma + agama)
reptiliya	Latin (dayn Malayu)	reptilia
sita	Anggalis	site
suku kalimah	Malayu	suku kata	atawa silabal (dayn ha Anggalis, silable)
tabal	Kastila	tabla	atwa jadwal (dayn ha Malayu, Jjdwal)
tagaran kasap (gross income)	Malayu	pendapatan kasar (tagaran + kasar)
tagaran lissin (net income)	Malayu	pendapatan bersih (tagaran + lissin)
tag-upisyal (officeholders)	Tausug	tag + upisyal
terma	Kastila	término
turisma	Kastila	turismo
upisyal	Kastila	oficial
utilidat	Kastila	utilidad	kagunahan (dayn ha Malayu, kegunaan)
wakil gobernadur	Malayu + Kastila	wakil gubernur
wilaya	Arab	ولاية / wilayatun

In Ngan sin manga Bulan

Kiyabus Kalimah dayn ha Kastila		Kiyabus Kalimah dayn ha Anggalis
Napapanjari Kalimah/ Kiyabus Kalimah	Puun	Napapanjari Kalimah/ Kiyabus kalimah	Puun
Inir	Enero	Janwari	January
Pibir	Febrero	Pibwari	February
Mars	Marzo	March	March
Abril	Abril	April	April
May	Mayo	May	May
Juni	Junio	Juna	June
Juli	Julio	Juli	July
Agus	Agosto	Awgus	August
Siptimbir	Septiembre	Siptimbar	September
Uktubir	Octubre	Uktubar	October
Nubimbir	Noviembre	Nubimbar	November
Disimbir	Diciembre	Disimbar	December

In kalangan sin Lubi-Lubi ha bersi Sinug:

Inir, Pibir, Mars, Abril, May,
Juni, Juli, Agus,
Siptiymbir, Uktibir,
Nubiymbir, Disiymbir,
Lubi-Lubi.

Kari na 'ban paghapalan,
Ngan sin hangpu tagduwa buwan,
Isab-isabun ta hurupun,
Agad-agarun ta kalangun.

In Ngan sin manga Musim

Ngan	Puun Bahasa	Puun Kalimah
timpu panuga	Tausug	pihak kalimah*
timpu pangulan
musim pamukul	Malayu	musim semi (spring)
musim pamasu'		musim panas (summer)
musim panglulu		musim luruh (autumn or fall)
musim panghagpay		musim dingin (winter)