Wp/trp/Smai kwtal

< Wp | trp
Wp > trp > Smai kwtal

Smai Kwtal wngkha Khristanrokni kwthar bwchap. Khristanrok poito khlaio je Smai Kwtal Phola Kwthar bai twiduljagwi swijakmase.

Chengmung

edit

Smai Kwtalno jora-jorao Kerong Kwtal hwnwibo hwnjago. Omo Grik kok bai teibo kwkwrwkkhe bujiwi mankuganw tamoni hwnkhe Grik kokbaise swijak kwchamkuk manjakmani. Abonose ulrogo Letin koktei Inglish kok hai Iurupni kokbai swnamjago. Smai Kwtalni bwchaprok wngkha kwbangma swinairokbai bisi 45 A.D. ni yagulo tei bisi 140 A.D.ni swkang swijakmanise. O Smai Kwtalno naikhe khristanrokni yaphang-buchuk tei bohrokni poitoni bokhri hwnwi mano.

Smai Kwtalni bwchaprok

edit

Swmai Kwtalo juda-juda kainwichisni bwchaprok tongbaio. Aborokno chwng botwi haikhe khagwi mano:

  • Hamthoma wngyakhe Kothoma Kaham, Jisu samung tanglangmani kokno twiwi bwchap kaibrwi.
  • Samung, bokhe wngkha Jisuni sagrirok samung tanglangmarokno swijakmani.
  • Koktunrok, swkangkuk swijakmani kainwichisa koktunrok je poito khlainairokno bwkha bacharwna bagwi kwbangma swinairokbai swihorjakmani.
  • Phunukmung, bokhe Phola Kwthar thinangno phunukhormani kokrokno twiwi swijakmani bwchap.

Bwchaprokni Mung

edit

Thahng di

edit