Feil - Bə hol-hərəkəti nüşon doə nitği poəon feil votedən.
Feilon bə "çiç kardışe?", "çiç kardedə?", "çiç bəkarde?" parson cəvob doedən.
Feili zamanon
Feilon hərəkəti çı kom zəmanədə icro be nüşon doedən. Tolışi zıvonədə feili se zamanış heste:
Dəvardə zaman
Feili dəvardə zaman hərəkəti icra be dəvardə vaxtədə nüşon doedə. Dəvardə zaman bə "çiç kardeşe?" "çiç kardəşe?" "çiç kardedəbe", "çiç əkə?" soalonədə qıləy cəvob doedə. Feilon həm bə zamani, həmən bə şəxson qoroş dəqeş bedən.
Çı feilon dəvardə zamanədə bə şəxsi iən zamani qoroş dəqeş be nüşon doə cədvəl:
| Şəxson | Təkədə | Cəmədə |
|---|---|---|
| İminə şəxs | Mı handıme Mı vindıme Mı şim |
Əmə handımone Əmə vindımone Əmə şimon |
| Dıminə şəxs | Tı handı (je) Tı vindı (je) Tı şış |
Şımə handıyone Şımə vindımone Şımə şiyon |
| Seminə şəxs | Əv handışe Əv vindışe Əv şe |
Əvon handışone Əmə vindışone Əvon şin |
Isətnə zaman
Feili ısətnə zaman çı hərəkəti ısətnə zamanədə be nüşon doedə. İsətnə zamanədə feil bə şəxson qoroş dəqeş bedə. Məsələn: Mı votedəm, Tı votedəş, Əv votedə, Əmə votedəmon, Şımə votedəyon, Əvon votedən.
Feili isətnə zaman bə "çiç kardedə?" soali cəvob doedə.
Feilon ısətnə zamanədə bə şəxsi iən zamani qoroş dəqeş be nışon doə cədvəl:
| Şəxson | Təkədə | Cəmədə |
|---|---|---|
| İminə şəxs | Mı aşmardedəm Mı nəvedəm Mı doedəm |
Əmə aşmardedəmon Əmə nəvedəmon Əmə doedəmon |
| Dıminə şəxs | Tı aşmardedəş Tı nəvedəş Tı doedəş |
Şımə aşmardedəyon Şımə nəvedəyon Şımə doedəyon |
| Seminə şəxs | Əv aşmardedə Əv nəvedə Əv doedə |
Əvon aşmardedən Əmə nəvedən Əvon doedən |
Omə zaman
Feili omə zaman çı hərəkəti omə zamanədə be nüşon doedə. In zamani bə əməl varde qoroş bə feilon əvvəl "bə-" ünsüri əlovə karde lozime. Məsələn: Həsən bərome maşini; Maşin bəşe də bo.
Feili omə zaman bə "çiç bəka?" soali cəvob doedə.
Omə zamani feilon bə şəxson qoroş dəqeş be nüşon doə cədvəl:
| Şəxson | Təkədə | Cəmədə |
|---|---|---|
| İminə şəxs | Mı bəməsem Mı bərəxem Mı bəvotem |
Əmə bəməsemon Əmə bərəxemon Əmə bəvotemon |
| Dıminə şəxs | Tı bəməseş Tı bərəxeş Tı bəvoteş |
Şımə bəməseyon Şımə bərəxeyon Şımə bəvoteyon |
| Seminə şəxs | Əv bəməse Əv bərəxe Əv bəvote |
Əvon bəmesən Əmə bərəxen Əvon bəvoten |