İsim - İsim çı əşya nomi nüşon doə nitqə poəve. İsmon bə ki?, çiç?, kom vırə? soalon cəvob doedən.
Tək iyən cəmə isimonEdit
İsimon tək iən cəm bedən. Çı isimon cəmi düz karde qoroş bə sıxanon oxo -on cəm şəkilçi ümjən kardedən. Məsələn: kəş - kəşon, odəm - odəmon.
Oxoş də o saiti orəxə isimon cəmi tümo karde qo- roş bə isimon oxo qıləy -on şəkilçi əlovə karde lozime. Amma handeəsə çı o-nədə qləy tələffüz bedəni. Məsələn: sədo - sədoon.
Xüsusiə isimonEdit
Əşyaon iyəndıko də hostoni so karde qoroş bəvon xüsusi nomon doə bən. Bəvon xüsüsiə isim votedən. Məsələn: Kərim, Əli, Ozərboycon.
Xüsüsiə isimon cümlə ha vırədə də yolə hərfi nıvıştə bedən.
İsimi holEdit
İsimon cümlədə də so sıxanon bə əloğə dəşeədə dəqeş bedən. Bimi isimon bə holon qorış dəqeş be vote- dən. Tolışi zıvonədə isimi dı holış heste:
- Nominə hol
Nominə hol tolışi zıvonədə bə "ki?", "çiç?"/"çi?" soalon cəvob doə nitqə poəye. Məsələn: Şinənoz çəmə diədə həkim ko kardedə. In cümlədə Şinənoz bə "ki?" soali cəvob doe qoroş isime. Ki çəmə diədə həkim ko kardedə? -Şinənoz.
- Vasitəynə hol
Vasitəynə holədə bə isimon tolışi zıvonədə -i şəkilçi ğəbül kardə isimonin. Əğəm isim də saiti orəxedə- bü, əv şəkilçi ğəbül kardedəni. Məsələn: Hırdəni bə handevo bəvoğandem bə Bokü. Mələfə haftədə i kərə şıştedəmon. Bə Əğəbaci koğəzışon doe ki, bə məhkəmə bışü. Bə aləfi otəşışon jə süteşone. Də Əfqani bə Sonə Kümə şimon. Sori sardə vaxtonədə kəvələ, cıpə ve əbi, əğətimon də tori.