Ko te Tala Lelei kia iehu e tuha ma te mau a Maleko, e kamata i te fakakupuga veia, "Ko tenei te kamataga o te Tala Lelei kia Iehu Keliho te Ataliki o te Atua." I na tuhituhiga ienei, e fakailoa mai ai ki Iehu he tino e makeke oi galue, ma e ia te ia te pule. Ko tana pule e kitea i ana akoakoga, i tona mana e ia pulea ai na temoni, ma te ia fakamagaloa o agahala a tagata. E lia ia Iehu ko ia ko te Ataliki o te tagata, na hau ke fōki tona ola ke fakahaoloto ai ia tagata mai te agahala. E kaumai hako lava e Maleko te tala kia Iehu i he tulaga e malamlam lelei ai, ma fakamamafa e ia ia galuega a Iehu nae fai, i lō ana kupu ma ana akoakoga. E uma te fakatomuaga pukupuku e uiga kia Ioane te Papatiho, te papatihoga ma te fakaohoohoga o Iehu, oi hohoko ai ma na galuega a Iehu nae fai, ko te fakamālōlō o na tauala ma te akoako atu ki tagata. Kua fano fano lava, ko na tino nae talitonu ma mulimuli kia Iehu, kua malamalama lahi e uiga kia te ia, kao ko na tino nae teteke kiei, kua kamata oi feita lahi ki ei. Ko na toe matakupu, e taku mai ai na mea na tutpu kia Iehu i te toe vaiaho o tona olaga i te lalolagi nei, kae maihe lava tona fakahatauloga ma tona toetu. Ko na fakaikuga e lua o te Tala Lelei, iena e fakailoga puipui, e tokalahi na tino e manatu e heki tuhia e te tuhitala na ia tuhia te Maleko.
Fakaataga o na vāega o te Tuhi
edit- Ko te kamataga o te Tala lelei.
- Ko galuega tautua a Iehu i kalilaia
- Mai kalilaia ki Ieluhalema
- Ko te toe vaiaho i ieluhalema ma na koga pili atu ki ei.
- Ko te toetu mai o Iehu.
- Ko a kiteaga o Iehu ma tona afio ake ki te lagi.