Kafai koutou e tatalo, ia koutou nā ve ko faiga a na tino amio pepelo. E fiafia oi tutū ma tatalo i loto ona hunako ma na auala kae ke kitea kilatou e tagata. E takutino atu e au kia te koutou, ko tema oioti lava to latou taui ka maua. Kafai koe e tatalo, fano ki tō Tamana. Ko tō Tamana, e hē kitea e he tino, kae kitea e ia au mea e fai munimuni, ka fōki atu e ia tō taui. kafai koutou e tatalo, nahe kotou fakaaogā ni kupu e lahi e heai ni uiga, e ve ko faiga a tagata nukukehe. E veake kafai e loloa a latou tatalo, ka lagona ai kilatou e o latou atua. Koutou nahe fakatakitaki ki ei. Kua uma te iloa e toutou tamana na mea e fofou koutou ki ei ka ko heki lea atu koutou kia te ia.
E venei la kafai koutou e tatalo:
- 'To matou Tamana i te lagi, Ke tapu tō igoa. Ke pa mai tō Mālo
- Ke fai tō loto i te lalolagi e ve ona faia i te lagi
- Fōki mai i te aho nei na mea kai e ola ai kimatou
- Fakamagalo o matou hehē o ietahi tino kia te timatou.
- Ma nahe takitakia kimatou ki na fakaohooga, kae laveaki kimatou mai te kino.'
Auā kafai e fakamagalo e koutou ia hehē o ietahi tino kia te koutou, ka vena foki oi fakamagalo koutou e te koutou Tamana i te lagi. Kae kafai e hē fakamagaloa e koutou ia hehē o ietahi tino kia te koutou, ka vena foki oi hē fakamagaloa koutou e te koutou Tamana, i autou mea hehē kua fai.