Wp/tig/Main Page/ተእሪክ እርትርየ/ምህሮ 31 - ቅዋት ተሕሪር እርትርየ ( ተውሊደት ወመተ ' ራድ )

ለትትስኤ ፍገሪት ምህሮ

እት ደንጎበ ናይ እሊ ደርስ እሊ ደረሰ እብ ክሱስ እሊ ለተሌ ንቀጥ፡ ፈህም መአንብታይ እግል ልርከቦ ልትሰአው።

• መሲረት መትፈላ ' ይ ለትፈናተ ቖሃት

• አወላይ ሙእተመር ፳ተ . እ . ወረድ - ፍዕሉ እት መትፈላይ

• ቀኒጽ ሐርብ ኖስ - ኖስ ወመሲረት መትከምካም መትቃውመት

• በጢር ሐርብ ኖስ - ኖስ

• ቅዋት ተሕሪር እርትርየ ( ቅ . ተ . እ .) ወሐር ጀብህት ሸዕብየት ተሕሪር እርትርየ ( ጀሰሲተ . እር .) ለልትበህል ተንዚም ፍገሪት ናይለ ሰለስ ምን ደጀብህት ተሕሪር እርትርየ በናቢን እንዴ ትፈለየ ሐር ለአተሐደየ መጃሜዕ ተ። መትፈላ ' ይ ናይ እሊ LV እሊ ለትፈናተ መራሕል ወአግቡይ እት ልተ ' በዕ ምን ሰነት 1970 አስክ 1971 እተ ዐለት መደት ሐስለ። እትሊ ምህሮ እሊ፡ መሲረት መትፈላይ ወመትከምካም ናይ እሊ መጃሜዕ እሊ እግል ንህደግ ቱ።

ሰልፈይት ጀህት ቅ . ተ . እ .

• ቅያደት ዓመት እንዴ ትቃወመው ምን ሐረ ' ት እርትርየ ለቅያደት ለትዳገነቶም ወምነ ለነግፈው ምሔርበት፡ እት ሶዳን እንዴ ትከምከመው ግድላሆም ለለኣተላሉ እቡ አግቡይ ፈትሸ ዐለው። እትለ መደት እለ፡ ዕሙመይት ሰክረታርየት ክዉን ሰዐለ ዑስማን ሳሌሕ ሰቤ፡ AD ሰደዮም ምን ሶዳን እብ ጥያራት አስክ ግብለት የመን ሐቆ ተዐደው፡ እብ ጀልበት በሐር - ቀየሕ እንዴ ተዐደው ግብለት ደንከል ደዋዪይሕ ዕዲ ለልትበህል ምድር አተው። እለ አርትርየ ለአቱት መጅሙዐት፡ እት ስዶሕ - ዓለ ለትትበህል አካን አወላይ እጅትመዐ ወዴት። እለ መጅሙዐት እትሊ እጅትመዐ ምን ጀተ .;. ክምሰል ትፈሌት ወደሐት። ስሜተ ህዪ ቅዋት ተሕሪር እርትርየ ( ቅ . ተ . ኢ .) ክምሰል ተ አትአመረት። ሴዕ ነፈር ለበ ልጅነት ሜርሐይት ህዪጹ ሐሬት። ’ ለእአጅትመዕ ምስዳራት ቅያደት - ዓመት እንዱ ሰቀ፡ AA. ለተሌ ቀራራት ሓለፈ።

• ድድ ወጠንየት ላቱ ከጥ ቅያደት ዓመት እንዴዱ ጋብህከ፡ ምራድ ጅኑድ ወገቢል ወከሎት

• ጀላብ አከዶት ውሕደት ናይ ቀበይል፡ ጀህት ወዲን ስምዒታት አብደዮት

• ድራሰት ነዘሞት እት ተህይብ ወዐይ ወፈህም ጅኑድ ወገቢል ወቀሎት

• አማነት - ዓመት ወመጅልስ ለዓል ኢመትከባት፡ ዑስማን ሳሌሕ ሰቤ ወወልደኣብ ወልዱማርያም ህጹይ መሻቂት ለሳረት ተ። መትምመት ቀድየት ክምሰል ኢኮን ኣመሮት።

• ሐቆ ናይ እጅትመዕ ሰዶሕ - ዓለ እት መደት ሐጫ ' ር እለ መጅሙዐት እግል ትትፈናቱ ወትትካፈል አንበተት። ሰበብ ክላፍ ህይ፡ ቅ . ተ . እ . እት አዪ ምድር ለዐስክር ለትብል ጎማት ዐለት። ለበዜሕ ምኖም እት ግብለት ደንከል ንጽነሕ ልብሎ እት ህለው፡ ዎሮት ክፋል እንዴ ትከረመ ምኖም አስክ ቅብለት ሳሕል ትበገሰ። ምናተ ክልኤ መጅሙዐት ምን ዮም 30 ዩንዮ አስክ ዮም 9 ዩልዮ እት አእምበህረ ( እት ህበሮ ) ፡ ወዐለ እንዴ ወደየ፡ ምን ሐዲስ አተሐደየ። እት ወዕለ እምበህረ ህይ ረመዳን መሐመድ - ኖር ለመረሐ ቅያደት ሐዳስ ተሐሬት። አንፋረ ህዬ አሕመድ ህላል፡ አቡበከር መሐመድ - ሐሰን፡ ሳሌሕ ጠጠው ወአቡበከር መሐመድ ጅሜዕ ዐለው።

• ዑስማን ሳሌሕ ሰቤ እብ እንክሩ ለዎሮ፣ እት ሐረ ' ት እርትርየ ናዩ ለልብለ' ሒለት ዐስከርየት ተአትሐዝዩ ሰበት ዐለት፣ ወእበ እንክር ለካልእ እግል ቅ : ተ . እ . ሴፈ ወጽዋር ረኪብ ድሩሪ ሰበት ዐለ፡ ፍንጌ ቅተ +. እ . ወዑስማን ሳሌሕ ሰቤ ለዐለት ዕላቀት እት መሳሌሕ ለብኒት ዕላቀት እት እንተ ዐለት።

‘ እአንፋር ናይለ ለጅነት ለሜርሐይት፡ መሐመድ - ዐሊ ዑመሮ፡፣ መስፍን ሐጎስ፡ መዐሸ እምባዜ፡ መሐመድ ዑመር ዐብደለ ( አቡ - ጥያረ ) ፡ አልአሚን መሐመድ - ስዒድ፡ መሓሪ ደበሳይ፡ ዑመር ዳመር፡ መሐመድ ዑስማን አሕመድ፡ ዐሊ መሐመድ ዑስማን ዐለው።

ካልኣይት ጀህት ቅዋት ተሕሪር እርትርየ

• እት ወሬሕ ማርስ ሰነት 1970 መጅሙዐት ቦደት ( መብዝሖም ምን ውላድ ከበሰ ) ምን ጀብህት ተሕሪር እርትርየ እንዱ ትፈሌ ’ ት፡ እት ምድር ዐለ ተሕየበት። እት ዐለ ምነ ' ምን እንክር አቶብየ ወቅያደት ዓመት ሳድፎም ለዐለ ንዕዮ እግል ልንገፎ ወልድሐኖ እት ሐስያት ምፍጋር - ጸሓይ ( ሰሜናዊ በሕሪ ) ተሐበዐው።

• እት ፍንጌ ሰልፈይት ወካልአይት መጅሙዐት ናይ ቅ ተአእ . ለገብአ መዋጀሃት እት ውሕደት ኢበጽሐ። ለምን ጀ . ተ . እ . ለትወረሰ ሸክ ወይአማነት ሕድ አግል ገሌ አውቃት፥፡ አግል ዕላቀት ክልኢቶም ደመደዩ።

• ምስል ሰልፈይት ጀህት ቅ . ተ . አ . ለዐለ መዋጀሃት ክምሰል ትጀመደ፡ ካልአይት መጅሙዐት ( ጀህት ) ዲብ ተኽሊ ለትትበህል ናይ ሰሜናዊ በሕሪ ወዕለ ናይ ኖሰ ወዲዴት። እትሊ ወዕለ እሊ ኢሰያስ አፍወርቂ ለርኢሰ። መስፍን ሐጎስ። አስመሮም ገረዝጊሄር። ተወልዱ እዮብ ወሰለሙን ወልዴማርያም ለአንፋረ ልጅነት ማርሒት ተሐሬት። ካልአይት ጀህት ቅዋት ተሕሪር እርትርየ እት ወዕለ ተኽሊ “ሕነ ወመባጹሕነ ” ለትብል ወሲቀት ተእሪከይት፡ እንዴ አፈገረት፡ ምን ጀብህት ተሕሪር እርትርየ ለትፈለው እቡ አስባብ እንዴ ዘርዘረው እሊ ለተሌ ቀራራት ነስአው።

• ድድ ቅያደት - ዓመት ወኢዲሞቅራጥያይ ከጥ በጢር

• መትካፋል እብ ዲን፡ ቀበይል ወዐጃ - ዐድከ አንዴ ትነፈዕከ ለገብአ ዝልም መትቃዋም ወእቱ ለተ ’ ንከበ ዕላቃት ይአሰሶት

• አዳም ሕድ ለኢዘልም እቱ መዕየ እግል አሰሶት መትጋዳል ወአግል ናይ አቶብየ እስትዕማር ወድ - ጋነ ህይ እብ ስለሕ ጋብሆት

• ምስል ሕየል ወጠናይ ብዕድ ለለአትመሳኔ በርናምጅ አፍገሮት

ሳልሰይት ጀህት ቅዋት ተሕሪር እርትርየ ( ያዖበል )

• መትፈላ ' ይ እለ መጅሙዐት እለ ' እብ ዱቅሪ ምስለ ' እት ቀበት ቅያደት - ዓመት - ገብአ - ለዐለ ጅፍራታት እት ሰልጠት ( Power Struggle ) ልትጸበጥ። እለ መጅሙዐት እተ እግል ሰልፍ እት ሕሊል ያበል፡ ( ላመ ያዖበል ትብል ስሜተ ለእምርት ምኑ ነስአው ) እንዴ ትዋጅህው፡ ቅያደት - ዓመት ሰቀ ' ው።

• ረአሶም ቀደም ምን ጀደብህት ተሕሪር ለትፈለ ' ው እተ መደት ሳተ፡ ለቅያደት - ዓመት ለወዲዱቱ ኢይሱ ’ ር ወዕለ ዐዋቴቲቴ ( እሊ እተ መጽእ አርእስ አግል ልትህደግ ቱ ) እት ወሬሕ ዲሰምበር ሰነት 1971 ለመጅሙዐት ምን ጀተአእ ክምሰል ፈግረት እብ ረስሚ አትአመረት። ስሜተ ህዪይ ቅዋት ተሕሪር እርትርየ ትበህለት። ኣደም ሳሌሕ ለመረሐ 11 ነፈር ለበ ልጅነት ሜርሐይት ህይ ሐረው።

መትከምካም ናይ ሰልሲተን ጀሃት

• ለምን ጀተ . አ . ለትፈለ ' ጃሃሃት፡ እብለ ' ገበይ እለ ህለዮቱ እት እርትርየ አስበተ። እት ወሬሕ ዩናይር ሰነት 1972 ህይ ለአይክ ሰልሲቱ ለጀሃት ምን ዑስማን ሳሌሕ ሰቤ ሰደይት እግል ልርከቦ አስክ በይሩት ( ሊባኖስ ) ትበገሰው። ወከይል አወለይት ወካልአይት ጀህት ምስል ዑስማን ሳሌሕ ሰቤ እንዴ ኢልትዋጅሆ፡ ኖስ - ኖሶም እንዴ ትዋጅህው፡ -

• ለዐለት አግሎም ኢመፋህመት ቁመት ክምሰል አለበ ወካልአይት ደረጀት ክምሰል ትጸብጥ እት ሐረ ' ት እርትርየ እንዴ አጅተምዐው ህጹይ እግል ልባልሕወ ክምሰል ቀድሮ

• ለእሉ ረክቦ ስለሕ ወሰደይት ናይ ሕበር ልጅነት እብ ተአስትህል አግል ተአትመቃርሑ

• ናይ ሕበር አሽቃል ለትሰትት ወለተአትመቃራሬሕ ናይ ሕበር ልጅነት ምን ክልኢቶም እግል ትትከወን

• ናይ ሕበር በርናምጃት እንዴ ኤተንከ ለህለ እግሎም ክላፍ አዝወሎት ወእተ ናስብ ውቀቅት ክልኢተን ጀህት እት ሕድ ሓበሮት

• ወምስል አማነት - ዓመት እተ ወድዉ መዋጀሃት ሕድ አግል ልጽበጦ ወቅዋት ተሕሪር እርትርየ ሕበር እግል ልወክሎ ትዋፈቀው።

• ሐቆ እለ መዋጀህት እለ ክልኢተን ቖጀሃት አእብ ገበይ ረስምየት አወለይት ወካልአይት ጀህት ቅዋት ተሕሪር እርትርየ አግል ልትበህለ አነብተየ።

• እት ወሬሕ ፈብራይር ሰነት 1972 ወከይል አወለይት ወካልአይት ደሃት ቅዋት ተሕሪር እርትርየ ዖበል ወሰክረታርየት ዓመት ናይ ዑስማን ሳሌሕ ሰቤ ለሐድረዉ እጅትመዕ ገብአ። እትሊ እጅትመዕ እሊ እንዴ ተሓበርከ ውሕደት ካምለት እግል ትግበአ ወሐቆ ሰነት ናይ ውሕደት ሙእተመር እግል ሊደው ቀረረው። አማነት - ዓመት እበ ትከስስ ህይ፡፥ ናይ ቅዋት ተሕሪር እርትርየ ሕስር ካርጅየት እንዴ ገብአት እግል ትክደም ወለእለ ረክበት ሰደይት ማል ወጽዋር አስክ ሐረ ' ት እርትርየ እግል ትንደእ ትዋፈቀው።

•

ሐርብ ሕድ ወመትአሳስ ቅዋትት ተሕሪር እርትርየ

• ቀደም እለ ክምሰለ ህደግናሁ፡ ቅያደት - ዓመት እብ ፍንቲት እብ ሰበብ እሊ ለትፈለ ' ምነ ጀሃት እንዴ ትቀሰበት ወዕለ ዐዋቱ ለትሰመ ወዕለ እግል ልግበአ እት ክለን ጀሃት ልክየ ቅድምት ዐለት። አወለይት ወካልአይት ጀሃት ቅተ . እ . እግለ ጠለብ ነክራሁ እት ህለየ፡ ዖበል ትከበተቱ። ምን ዮም 26 ፈብራይር አስክ ማርስ ሰነት 1971 ለገብአ ወዕለ፡ ሙእተመር ወጠናይ እግል ልግበአ እንዴ ቀረረው፡ እአግሉ ለተአዳሌ ልጅነት ሐረው።

• ወእብሊ ሰበብ እሊ፡ ጀብህት ተሕሪር እርትርየ ምን ዮም 14 ኦክቶበር አስክ ዮም 16 ኦክቶበር ሰነት 1971 እት ኦር ለልትበህል እት ናይ ቅብለት - ምውዳቅ - ጸሓይ ሕዱድ እርትርየ ወሶዳን ለልትረከብ ምድር አወላይ ሙእተመረ ወዴት።

• ቅያደት - ዓመት እት አወላይ ሙእተመር እንዴ ትከሬት አብ ቅያደት ብዕደት ትበደለት። መጅልስ - ሰውሪ ወልጅነት - ተንፊዝየት ለልትበህለ ህይ ተአሰሰየ። ለትወቀለት ሰልጠት ህጹይ እት እዴ መጅልስ - ሰውሪ ገብአት። ርኢስ መጅልስ - ሰውሪ እድሪስ መሐመድ ኣደም ወናይቡ ሕሩይ ተድለ ባይሩ እንዴ ገብአው ህዬ ተሐረው።

• እትሊ ሙእተመር አሊ ጀ . ተ . አ . እግል ሰውረት እርትርየ፡ “ ሰውረት ዲሞቅራጥየት ወጠንየት ተ " እንዴ ትቤ አግል ውሕደት ወጠን፡ መሳዋት ወጠወሮት ዓዳት ሰውርያይ ክምሰል ትከድም ለሸሬሕ ኤታን ስያሰት ሳደቀት። እሊ ህጹ ምስለ ቀደሜሁ ለዐለየ ዐስር ሰነት ልትቃረን እት ህለ፡ እት ተእሪክ ሰውረት እርትርየ ምስዳር ወምዕራፍ ደዳድ እት እንቱ መጽአ። ምናተ፡ ረኣሰት እድሪስ መሐመድ ኣድም አተላላይ ናይለ እት 1960 ታት ለመጽአ ናይ ፈናተዮት ወቀበልያት ስያሰት ወዕላቃት እት እንተ ዐለት።

• ለሙእተመር ለጀሃት ለትፈለየ አእበ ከስስ፡ ሰውረት እርትርየ ምን ዎሮት ተንዚም ወለዐል ኢትትሐመል እንዴ ቤለው እት ጀተእ . እግል ለዐቅብለ አዘዘ። እለ ' ለትሰረረት ተ፡ መጅልስ ሰውሪ፡ ‘ እግል መንገፎ ሰውረት " ለአትሐዜ ለቤለዩ ምስዳራት አስክ ምስዳር ዐስከርየትመ እግል ልንሰእመ ሰልጠት ተህየበቱ።

• እብሊ ሰበብ እሊ መጅልስ - ሰውሪ እት ዮም 14 ፈብራይ ሰነት 1972 ፡ እት ረአስ ቅ . ተእ . ምስዳር ዐስከርየት እግል ትትነሰእ ቀረረ። እሊ ቀራር እሊ ህይ መአንበት ናይለ ፍንጌለ ክልኦት ለተንዚም ሰለስ ሰነት ለአተላለ ወዐውል ቃሊ ለትደፈዐ እቱ ሐርብ ሕድ ገብአ።

• ምስዳር ዐስከርየት ናይ ጀ . ተ . አ . እት ዮም 29 ፈብራይር ሰነት 1972 እት ያበል አንበተት። ህለዮት ያበል እት ሐረ ' ት እርትርየ ህይ እግል ዶሉ አክተመ። ብዞሕ እንዴ ኢትከልእ ጀተ . አ እግል አወለይት ጀህት ናይ ቅ . ተ . አ . ዘብጠት።

• ሐቆ እሊ ዘብጥ እሊ፡ አወለይት ጀህት ናይ ቅተ . እ . ምስለ መትዘባጠ ኢተርፈኒ ለትቤ ካልአይት ጀህት ቅፈተ . ኢ ( ጀ . ተ . አ . እት ረአስ ካልአይት ጀህት ቅ . ተ . አ . ምስዳር ዐስከርየት ክምሰል ኢትነስእ ምንመ አወጀት ) ፡ እንዴ ገብአየ ሳሕል ገዐዘየ። ተረርፍ ዖበልመ እብ ሶዳን እንዴ አበለው ሳሕል አተው ወእተ ክልኤ ለጀህት ተሓበረው።

• ሐርብ ሕድ እት ለአተላሌ፡ እግለ አተሐዶት ናይለ ሰለስ ለጅህት ጸገም ገብእ ዐለ። እት ወሬሕ ኦክቶበር ሰነት 1972 ህይ እት ግሕተብ ለልትበህል እት ሕዱድ አርትርየ ወሶዳን ለልትረከብ ምድር ወከይል ናይ ሰልሲቱ ለጀሃት እንዴዱ ትጀመዐው፡ ወራታት ዕስክርየት ወስያሰት ለተአትመቃሬሕ ልጅነት እዳርየት ሐረው። ሐቆ ስስ ወሬሕ ህጹ ወኪል ካርጅየት ለሻርክ እቱ ሙእተመር እንዴ ገብኣአ ሰልሲተን ለጀሃት እግል ለኣትሕደ ትዋፈቀው።

• እት መአንበት ሰነት 1973 እት ገረግር ሶዳን ለልትበህል ምድር ሶዳን፡ ሐርብ - ሕድ እንዴ ትኬለመ ምን ሐዲስ ቀንጸ። አስክ ዴሽ ሶዳን እንዴ ተሓበረ እቱ ለአበጥሩ ህጹ አተላለ። እብ ዜረኖት ናይ ሕኩመት ሶዳን ውፋቅ አብጠሮት ሐርብ ትፈረመ፡ ሐቆ ስስ ወሬሕ ህጹ ህድግ ዕሬ እግል ትትአንበት ዋፈቀው። እብ ጠለብ ሕኩመት ሶዳን ምን ምድር ሶዳን እንዴዱ ተሐየበው እርትርየ አተው። እት ዮም 20 ማዮ ሰነት 1973 ጀ . ተ . እ . ምን ሐዲስ እት ረአስ ቅተ . እ . ህጅም እንዴ ጠለቀት፡ ሐርብ - ሕድ ምን ሐዲስ አተላለ።

• እት ክእነ ለመስል ቴለል ሐርብ - ሕድ ቱ ቅዋት ተሕሪር ሸዕብየት እግል ልትአሰስ አወለይት ወካልአይት ጀህት ቅተ . እ . እት ወሬሕ ሰብተምበር 1973 አተሐደየ፡ መጅሙዐት ያበል ህዪ እት ወሬሕ ዩንዮ ሰነት 1974 ተሓበረተን። ለቅዋት ለአተሐደየ ህይ፡፥ ቅዋት ተሕሪር ሸዕብየት ትበህለ። AA ስሜት አለ ዲበ ' እት ሰነት 1977 ለገብአ አወላይ ሙእተመር ናይለ ተንዚም ጀብህት ሸዕብየት ተሕሪር እርትርየ ትቀየረት።

አብጠሮት ሐርብ - ሕድ

1. እት ከረም ናይ ሰነት 1974 ውሕዳት ዴሽ ቅ . ተአእ . አስክ ከበሰ እት ፈግር፡ ምን ጀ . ተ . እ . መቃወማት ሳደፈዩ። ሐርብ ህድ ህጹይጹ እት ከበሳመ አተላለ። ለቀደም እለ ምን ገቢል ብዞሕ ለነብሩ ድዋራት ወኬን ገብእ ለዐለ ሐርብ ሕድ ህጹ ዲብ ሸዐብ እብ ብዝቈ ለነብሩ ድዋራት ክምሰል ለዐ፡ ሸዐብ እት ምግብ እንዴ አተ፡ ክልኢቱ ለጀሃት እግል ለአትዓሬ ወጠን። ልጅነ ዕሬ እንዴዱ አፍገረ ህጹይ ሐርብ - ሕድ እግል ልብጠር ወክከምሰል በጥረ አግል ልትዐለን፡ ሕድ አምረሮት ወወንጀሎት እግል ልብጠር፡ ህድግ ዕሬ እግል ተአንብት፥፡ ቴልየት ናይለ ተንዚም ለዎሮ ምነ ካልኣይ ተህዲድ ወአትፋርሆት እግል ኢለህሌ ለልብል ጋራት ለከምክም ኤታን ቀደመት።

2. ሐርብ - ሕድ ምን አንበተ፡ ቅተ . እ . እሊ ካልአይት ደረጀት ለጸብጥ መጃል ሰበት ቱ፡ ወቀድየት ከርስ እብ ዕራ እግል ትስከብ ልብል መባጥር ጻብጠት ሰበት ዐለት፡ ሐርብ - ሕድ ካቲመ እግል ትግበእ እግሉ ወስለሕ ክሉ ድድ አባይ እግል ልትወጀህ ትጠልብ ጸንሐት። ሰበት እሊ፡ እግል ዕሬ እብ ገቢል አጊድ ትከበተቱ። ጅጀተእ . ላተ፡ ቅ . ተ . እ .: እሰልፍ ሳሕል እግል ተዐቅብል ለልብል ጠለብ እንዴ ቀደመት ለዕሬ ኢትከበተቱ። ህጅም ጀተ -; አ . እት ዛግር አተላለ። ክልኤ ለጀህት ክልኢተን ከሳር ድቅብት ክምሰል ጀሬት እተን፡ ዴሽ ጅደተ . እ . አስክ ምድር መንሰዕ አንሰሐበ። ሐቆ መዕረከት ዛግር ህጹይ ምን ዴሽ እተ ሜርሐት መጽእ ለዐለ ጨቅጥ ወረአይ ገቢል እንዴ ተሓበረ እቱ ሐርብ - ሕድ እት ደንጎበ ሰነት 1974 በጥረ።

ሰኣላት

1. መባይሕ ወዕለ እምበህረ ሚ ዐለ ? ፍገሪቱ ህዪ ?

2. ፅላቀት አወለይት ወካልአይት ጀህት ቅ . ተ . አ እበ ሰልፈ ሰበብ መትቒጀማደ ሚ ዐለ ?

3. እድትመዕ በይሩት እት አተሐዶት ቅ . ተ . አ . ሚ ተረት ዐለት እግሉ ሽርሖ።

4. ምን ጀ . ተ . እ . ለትፈለ ' ጀሃት እበ ' ከስስ እት አወሳይ ሙእተመር ጀ . ተ . እ . ለሐልፈ ቀራራት ሚ ዐለ ? እት ሐርብ - ሕድ ለዐለት እግሉ ተረት ሽርሖ።