ከሊመት ጤብዓይ
ሐቆ ጥብዐት “ዝክርያት ቀብር ናደው” እብ መናሰበት 30 ሰነት ዝክረት መደውሻሽ ውቃው እዝ “መዐደዩት (መቀይሮ)” ለትተንበለ ክታብ ብዕድ እንጠቤዕ ህሌነ። ክምሰለ ዲብ ከሊመት መዳልያይ ለእምቤሉ፡ ዲብ ክትበት ተእሪክ ግድለነ ርዙቅ ናይ አዳም ተጃርብ እንዴ ቡ እግል ነአመስምስ እቡ ለይእንቀድር መትደንጋር ምንመ ህለ፡ ዕጹፋት እንዱ ሸቄነ እግል ንፍደዩ ሰበት እንቀድር፡ ናይ እሊ ካልኣይ ክታብ እሊ ጥብዐት መትበጋስ ወወቀይ ሰበት ለአሸር ሰእየት ለለሀይብቱ። ምናተ፡ዲብ ሰነት ሐቴ ዶል እንዴ ኢገብእ፡ ሐምስ፡ ዐስር ወዝያዳሁ ናይለ ትፈናተ አምር-ክቱብ፡ ቅሰስ ከያል፡ ቅሰስ ሐጪር፡ ድራመ…… ክምሰልሁመ አክትበት በሐስ ዲብለ ልጠበዕ እተ ደረጀት ሰበት ኢበጽሐነ ልሰዕ ግረ ክምሰል ህሌነ ጥብዐት ዎሮት ክታብ ካፊ ኢኮን።
መዐድዩት እግለ ዲብ ሳትሮታት ቅብለት ምፍጋር ጸሓይ ሳሕል ምን 1979 አስክ 1984 ለተሐለፈ ተጃርብ ግድለ ለለሓክየ 27 ቅሰት ሓቅፍ ህለ። ዲብ ሳትሮታት ቅብለት ምፍጋር ጸሓይ ሳሕል ምን እንሰሓብ እንዴ አንበተ አስክ ፈሸል ሳድስ ወራር ወአስክመደውሻሸውቃው እዝለዐለ እብሰባተት ወደም ብዝሓምምሔርበት ለትበነ ተጃርብ ፍርስነት ወእስትሸሃድ እብ ሑድ ቅሰስ እግል ልትሸረሕ ኢልትሐሰብ። ሰበት እሊ፡ ዝክርያት ቀብር ናደው ወመዐድዩት ናይ ዎሮት ሕድ ለተሌ ተርቲብ ጀዲድ አክትበት (Series) እግል ልግበእ ምህም እንዴ ገብአ ሰበት ረከብናሁ ‘ቅሰስ ተጅሪበት ግድለ‛ እበ ልብል አርእስ ተርቲብ ዓም ጀዲድ(Series) ነአትበግስ ህሌነ፡፡ እብ አሳስ እሊ ናይ “ቅሰስ ተጅሪበት ግድለ‛ አወላይ ክፈል ‘ዝክርያት ቀብር ናደው' ካልኣይ ክፈል ህዬ መዐደዩት ጋብእ ህለ፡፡ ለልተላሌ ከፈፍል እግል ለዐሬ ህዬ ክሊነ ለከሰነ እንዴ ይእንመሸግ እግል ነአውቄ ለአስትህል።
ተጅሪበት ግድለ አዳም ዶል ለሓክዩ እግል ቄርኣይ ለበስጥ ሰበት ቱ፡ እግለ ተሐባለከ መጃላት ስያሰት ዕስክርየት ወዓዳት እብ ዕን ሙሸተርከት ሰበት ልትሸረሕ፡ ለተጃርብ እብ ረአይ ጀዲድ ግንሐቱ ወፍሂሙ በክት ከስት፡፡ ክእነ ለመስል አግቡይ ሓከዮት በደለ ናይ እት በሐስ ዕልም ለአተርገዘ ወሰቆት ተእሪክ እግል ልግበእ ሐቆ ገብአ፡ ክልኢቱ ለለአትሐዜ ወሕድ ለሰንድ ክምቱ ፍሂም ለአትሐዜ። ሰበት እሊ፡ “ ቅሰስ ተጅሪበት ግድለ‛ እግለ እብ አዜ እብ መትአያስ እግል ልትበገስ ለቡ ወራታት በሐስ ላብድ እንዴ ኢገብእ ሰዳይት ለወዱቱ፡፡
እግል እሊ ክታብ እሊ ዲብ አዳለዮት ዶር መዳልየት ወመርተዐት ዛይድ ክምሰል ዐለ እግል ንሸርሕ ምህትምቱ፡፡ ሰበቡ፡ ክሉ ዲብ እሊ ክታብ እሊ ለህለ ቅሰስ እብ መርተዐት ወቀይ ድቁብ ገብአ እቱ፡፡ ብዞሕ ምኑ ህዬ ምን አርተዖት ወኬን ክታበት ሐዳስ ለአትሐዝዩ ሰበት ዐለ ምን ሐዲስ ትከተበ፡፡ ሰበት እሊ፡ እሊ ክታብ እሊ፡ እምበል መትአያስመዳልየት በርሀት እግል ልርኤወኢቀድረ፡፡ ሰብር ወከሃላት እንዴወደው ለለአትዕብ ወለአመሸግ ሸቅል እግል ልሰርግሎ ለትጻገመው መዳልየት ሐምዱ እንቀድም እግሎም፡፡ ምስለ ክሉ ለጠልበዩ ወቀይ ላኪን፡እሊ ክታብ እሊ እግለንታከየ ደረጀት በቃዐት ምን ይአትመመ ነቃስመዳልየቱ እንዴ ኢገብእ፡ አግደ እብ ኢረኪብ ወቅት ክምቱ ዐፉነ እምብል።
ዶል ሓር ምስል ሳልሳይ ክፈል “ቅሰስ ተጃርብ ግድለ" ለአትዋጀሀነ፡፡
ጤብዐት ሕድሪ
ማርስ 2014