ኢንስታግራም ናይ ሞባይል ወኮምፒተር ሶፍትዌር አው አፕሊኬሽን እት ገብእ፣እብ ስወር ወቪድዮ ለተለ ርሳላት እት ዎሮ ልግበእ መብዝሓም አንፋር እግል ልእከት ነፌዕ ወእት እንተርኔት ዐባይ ከብቴ እት ረክብ መጽእ ለሀለ ዎሮ ምን መሻቀዪ ሸባካት ሐብሬቱ።
ገሌ ምን መናፍዕትቱ ምን እንረኤ፣እብ ኢንስታግራም እንዴ ወዴከ ምስለ ቀደም አዜ መልሂትከ እግል ልግበኦ ለሰመሐከ እሎም አንፋር እግል ትትሃጀክ፣ስወር ወቪድዮ እግል ትንደእ ትቀድር።
ኢንስታግራም እት ሰነት 2010 እብ ኬቨን ሲስትሮም ወማይክ ክሬገርን ለትበህለው አምሪክዪን ለትመሀዛ ቱ።እተ እያመ አወሉ ኢንስታግራም ኣይ ኦ ኤስ ለልትበሀል ኦፕረይቲን ሲስተም ለዐለ እግለን ሞባይለት ሌጣቱ ክድመት ለሀይብ ለዐለ።እት ወሬሕ አርበዕ ናይ ሰነት 2012 እተ አንድሮይድ ሲስተም ለበን ሞባይላት እግል ልሽቄ አንበተ።እተ ክምሰልህመ እት ኖሰ ለሰነት እት ዌብሳይት ኢንስታግራም ክድመት እግል ለሀብ አንበተ።
እትሊ ወቅት እሊ፣ኢንሳግራም እት ሐንቴ ምልክ ፈይስቡክ እት ገብእ፡እብ 33 ሀገጊት ክድመት ለሀይብ።እሊ ሌጠ እንዴ ኢገብእ፡እትሊ ወቅት እሊ እብ ኢንስታግራም እንዴ ወዴከ ለሐዜካሁ ቅያስ ናይ ቪድዮ እግል ትልአክ ትቀድር። እብ ኢንስታግራም እንዴ ወዴከ ምስል ለገአ ነፈር እግል ትትሃጀክ ለልትቀድር ምንማቱ ምስል መሴንጀር ወዋትስ-ኣፕ ዶል ተአጃግሩ ላኪን ድዕፍ ለቤላቱ።እሊ ምን ልትአሰስ እንዴ አንበተ ብዝሓም ዘባይን እት ረክብ ገይስ ለሀለ ኢንስታግራም፣እተ አወላያም 2 አዋሬሕ ሌጠ ሐድ ክልኤ ሚልዮን መትነፈዐት ወደ።
እትሊ ወቅት እሊ ኢንስታግራም ሐድ 700 ሚልዮን መትነፈዐት ለቡ መሻቀዪ ሸበከት ሐብሬ እት ገብእ፣ሐድ 40 ሚልዮን ስወር ራፍዕ ህለ።ወ375 ሚልዮን ህጅክ እብ ኢንስታግራም ክም ትቀደመ ወሳይቁ ለአክዶ።እሊ ለእት ሰነት 2012 እብ 1 ቢልዮን ዶላር ዲብ ፈይስቡክ ለትዘበ ኢንስታግራም እትሊ ወቅት እሊ፡ዎሮ ምነ እሙራም ወብዞሕ አዳም ለልትነፈዕ እቡ፣ዎሮ ምን መሻቀዪ ሸበካት መሕበራይ እጅትማዕየት ጋብእ ህለ።ሸባብ
