Wp/tig/ናይ ሽዑር ዐቅል

ናይ ሽዑር ዐቅል (Emotional intelligence) በህለት መቅደረት ፈረጎት፡ መትነፈዖት፡ ፍሂም ወአመቅረሖት ሽዑር አው ስምዒት እብ አሆታይት ገበይ እግል አንቀሶት ጨቅት፡ አብጠሮት በአስ፡ መትዐዳይ ተሐድያት፡ ራቴዕ መትነፍዖት ዕላቃት ወረሕመት እግል ሕጉዛም ለአሽር። ናይ ሽዑር ዐቅል እግል ብዞሕ ጀሃት ሐያትነ ወአምዕላይ መንበሮነ ተምትም። እግል መሰል ጠባይዕነ ወምስል አዳም ለእንወድዩ መፋሀማት።
መናፍዕት ናይ ሽዑር ዐቅል
ምስል ብዕዳም አዳም ዕላቃት ሰኒ እግል ክልቀት
ዑፊት ምስንዮት እግል ብንየት
ውቅል ዐውቴ እት ሽቅል እግል ረኪብ
ምራድከ ለተምም እተ እብ ለውቀት ለትመለአት ሐያት እግል ብንየት አርባዕ ጠባይዕ ናይ ሽዑር ዐቅል
ሀ. ጅወትከ ኣመሮት ናይ ጅወቱ ሽዑር ለለአምር ነፈር፡ ሽዑሩ እብ ከአፎ እት አፍካሩ ወአክላቁ ተአሲር ወዴ ለአምር። ብዕድመ ናይ ጅወቱ ሽዑር ለለአምር ነፈር ትርዱ፡ ሕምቅናሁ ወደማነት እት ነፍሱ እግል ለኣምር ብዞሕ ክቡድ እቱ ኢኮን።
ለ. እዳረት ነፍስ ናይ ሽዑር ዐቅል ለቡ ነፈር፡ ኢፋሎታይ ሽዑሩ ወስምዒቱ እብ ክርዐት ወራቀቦት፡ ምስዳር እብ ንስአት ገለዱ ለአተምም። እሊ ሌጠ እንዴ ኢገብእ እዳረት ነፍሱ ለመልክ ነፈር ምስል መትቃያር እድንየ ወወቅት እግል ልትማሰል ቀሊል እሉ ቱ።
ሐ. ናይ ገቢልከ ሽዑር ኣመሮት ናይ ሽዑር ዐቅል ለመልክ ነፈር ሽዑራት፡ ምራድ፡ ፈሀም መቅደረት ወብዕድ ናይለ ነብር እቱ ገቢል እግል ልፍሀም ለአቀድሩ። ክእኒ ግብአት ህዬ ምስል ሽዐብከ እንዴ አርተሕከ እግል ትንበር ለአቀድረከ።
መ. እዳረት ዕላቃት ናይ ሽዑር ዐቅል ለቡ ነፈር፡ እብ ከአፎ ዕላቃት ለአነብት ወጠውር፡ እብ ከአፎ ልትፋሀም፡ አንፋር ሰአየት ለሀይብ፡ እት ብዕዳም አንፋር ተአሲር ሰኒ ወዴ፡ እብ መጅሙዐት ሸቄ፡ እብ ከአፎ ኢመፋሀምት ትባሌሕ እግል ትኣምር ለአቀድረከ። እት ሐያትከ ርዮሕ ወዕዉት እግል ትግባእ እብ ሰኔት ገበይ ዕላቃት አመቅረሖት ወሰኔት እዳረት በደለ አለቦም። መስለሐት ናይ ሽዑር ዐቅል ሚ ተ?
ክም ዋዴሕ ወእት እድንየ ለልትአመር፡ ለፈሀሞም(IQ ) ውቁል ላቱ አንፋር እንዴ ኢገብኦ ለልትዐወቶ፡ ለሽዑሮም እንዴ ራቀበው ላሊ ወአምዕል ለከድሞ ቶም። ናይ ሽዑር ዐቅል ብዞሕ ጀሃት ሓያት ውላድ አዳም እቱ ተአሲር ወዴ። እግል መሰል ናይ ሽዑር ዐቅል እት ሽቅልከ ሰርገል እት ውደየት ተረቱ ዐባይ ተ። ክእኒ እብ ግብአቱ እት አካን ሽቅልከ ምስል አዳም እግል ትትፋሀም፡ ሽዑሮም ትፍሀም፡ ትስደዮም ወብዕድ እብ ሰዲ ምለዐል ብዕዳም መሻቂትከ እግል ትትቀደም ለአቀድር። ብዕድ ናይ ሽዑር ዐቅል እግል ዓፍየት ገሮብከ ተምትም። ሽዑርከ እግል ትራቅብ ኢቀደርከ ምን ገብእ፡ ጨቅት እብ ሰበቦት ምስል ወቅት እት ዓፍየትከ ትሩድ ተአሲር እግል ልውዴ ወእብ ሕማም ትደመዕ ትቀድር። ብዕድ ራትዕ ናይ ሽዑር ዐቅል ኢሀለዮት እት ናይ ምክ አምራድ እግል ለአብጸሐነ ቀድር። እብ ተውሳክ እት ጨቅት ወሐሩቀት እግል ልንሰአነ ቀድር። ብዕድመ ናይ ሽዑር ዐቅል እት ዕላቃት ጠወሮት ተረቱ ዐባይ ተ። ትሩድ ናይ ሽዑር ዐቅል ሀለዮት ምስል አዳም እብ ከአፎ ዕላቃት ጠውር ወትበኔ እት ወዲ ልትጃገሩ አለቡ።