ለትትስኤ ፍገሪት ድራሰት
• እት ደንጎበ ናይ እሊ ምህሮ እሊ፡ ደረሰ እብ ክሱስ አሊ ለተሌ ንቀጥ ፈህም መአንብታይ እግል ልርከቦ ልትሰአው።
• አከይ - ሓል እቅትሳድ ወአስባቡ
• መርሐለት መትከያድ ሕቁቅ ዲሞቅራጥያይ እብ ሕኩመት እርትርየ
• ተረት ወምህመት መሕበር ውሕደት ሕርየት እርትርዪን ሸቃለ
• እብ ዋጅብ ለመጅልስ ለደስቱራይ፡ መብነ ሕኩመት እርትርየ ክምሰል ትሳደቀ እንዴ ትፈንጠረ ምን ሐዲስ እብ ሕርያን መጅልስ ጀዲድ እግል ልበድሉ ዐለት እግሉ። ምናተ አለ ሰበት ኢገብአት፡ ለመጅልስ እባሁ አተላለ። ምነ ቀበቱ ህይ ህይአት ተንፊዝየት ተሐሬት። ተድለ ባይሩ ርኢስ ሕኩመት ገብአ። ዐሊ ራድኣይ ርኢስ መጅልስ ወብሳላተ ' ድምሳስ ወልዴዱሚካኤል ናይብ ርኢስ መጅልስ አንዴ ገብአው ተሐረው። ቢተወደ ' ድ እንደርጋቸው ማሳ ' ይ ( ብእሰ እግል ወለት ህይሌስላሴ ) ህይ ወኪል ንጉስ ( እንደራሴ ) እንዴ ገብአው ተሐረው።
አከይ - ሓል እቅትሳድ
• ደለ ምህም እት እንቱ ዐለ መአሰሳት እቅትሳድ ናይ ሕኩመት ፈደራልየት ቱ እበ ትብል ምስምሰ እት እዴ ሕኩመት አቶብየ ሰበት ትከረ፡ ሕኩመት እርትርየ ዒን እተይ ሐግለት።
• ምነ አግደ ዒን እተይ ሕኩመት እርትርየ አግል ልግበአ ለዐለት እግሉክ አቶብየ ለተህይበ መአሰሳት እቅትሳድ፡ ሚናት፡ ደረይብ፡ ማልየት ናይ ነድእ ወራታት ተጃረት አግል ልትሰሜ ቀድር። ባቡር - ምድር ወጽርግያታት እት ሕኩመት አቶብየ አተ።
• እቅትሳድ ሰበት ሐወነ፡ መሳኔዕ ትጀመደ ወነሻጥ ተጃረት ሐወነ። እት መደይን ሐገሌብ ሽቅል ሰበት በዝሐ መንበረት ገቢል እት ትትኬለም ጌሰት።
• ሕኩመት እርትርየ ወሬሕ እንዴ ኢተሐክም፡ መንበረት ለአኬት እቶም ወጨለቶም ሸቃለ፡ አሴራር ሰላም ወደው። ሓለት እቅትሳድ ወጠን ወማህየት እግል ልስኔ፡ ቀሎት ዐዳገ ወግድዐት ገቢል እግል ልትባለሕ ጠልበው። ለመጽአ ተቅዪር ህይ ይዐለ።
መትከያድ ሕቂቅ ዲሞቅራጥያይ
• እብ አሳስ ናይ መጅልስ - ቅራን ቀራር ፈደራልያይ፡ ጌምየት ህጸይ ህይሌስላሴ ለገብኦ ምን እርትርየ ወአቶብየ ለፉግራም፡ አክል - ሕድ Aide AN OF አንፋር ለክውንት ቤት - ጎማት ፈደራልየት እግል ትትከወን ዐለት እግለ። ምናተ፡ አንፋር ቤት - ጎማት ፈደራልየት አግል ልግብኦ መጅልስ ለሐረዮም እርትርዪን ለሺቪመት ለተህየበቶም ሴመ እንዴ ኢልትነፍዖ እበ፡ ልትከበቶም እንዴዱ ኢረክበው ምን አዲስ - አበበ ዐቅበለው።
• ጀሪደት ረስምየት ናይ ሐረ ' ት ሕርየት ለዐለት ጀሪደት ” ሐንቲ ኤርትረ ” እት መደት ፈደሬሸን ስሜተ እት “ ደሃይ ኤርትረ ”" በደለተ። እለ መሐመድ ሳሌሕ መሕሙድ ወኤልያስ ተኽሉ ለአትዳልወ ለዐለው ጀሪደት፡ ጀሪደት ረስምየት ናይለ ገቢል እንዴ ገብአት፡ መረር
• እግል እሊ ፍክርከ እብ ሕርየት ናይ ሽርሐት ሐቅ እግል ልትሐመሎ ለኢቀድረው AN ሰልጠት ሕኩመት አቶብየ፡ መራቀበት ትርድት እንዴ ወዱ ዐለው፡ እግል መዳልየት ናይለ ጀሪደት እንዴ ሸከው፡ እት መሕከመት ቀደመዎም። ለጀሪደት ህዪ እግል ሰነት ካምለት ክምሰል ትበጥር ገብአት።
• ሕክመ እንዴ አትመመት እት ሰነት 1954 ምን ሐዲስ እግል ትትጠበዕ ክምሰል አንበተትመ፡ ብዞሕ እግል ኢከልኦ፡ ለቀድየት እት መሕከመት ፈደራልየት ( ናይ አቶብየ ቤት - ፍርድ አት እንተ ዐለት ) እንዴ ሓለፈወ ረአሶም - ቀደም ደብአወ። መዳልየተ መሐመድ ሳሌሕ መሕሙድ ወኤልያስ ተኸሌሉ ህይ ምን ሰለስ አስክ ሰማን ሰነት እግል ልትጃዘው እት ስጅን ዐዲ - ኳለ ተሐበሰው።
• ሕኩመት አቶብየ ቤት - ፍርድ ለዓሊት ናይ አቶብየ እት አካነት ፈድራልየት ቤት - ጎማት ለዓሊት እንዴ ገብአት እግል ትክደም፡ ወናይ ንጎበ እስትእናፋት ክምሰል ትሰሜዕ እንዴ ወደወ፡ እግል ሰልጠት ቤት - ፍርድ እርትርየ ለዓሊት እብ እዲ - ኖሶም ሐደደወ።
• እሊ ክሉ ምስዳራት እሊ፡ ድድ ናይለ ቀራር ፈደሬሽን መጅልስ - ቅራን ቱ ለዐለ። ወእብሊ ሕቁቅ ዲሞቅራጥያይ ናይ ሸዐብ እርትርየ ትከየደ።
መሕበር ሕርየት ውሕደት ሸቃለ እርትርየ
• ሸቃለ እርትርየ ጀላብ ሐቆም ለካፈሕ መሕበር እግል ልከውኖ ብዞሕ ከድሞ ወልትጻገሞ ሐቆለ ጸንሐው፡ እት ወሬሕ ዩናይር ሰነት 1952 ሕክም እንግሊዝ እት መደት ዘዋል እዳረቱ፡ መሕበር ሸቃለ እግል ልትከወን ለለአጅዝ ቃኑን ሽቅል አወ፭።
• መሕበር ሕርየት ውሕደት ሸቃለ እርትርየ፡ ደስቱሩ እንዴ ትሳደቀ፡ እት ወሬሕ ኖቨምበር ሰነት 1952 ሕርያን ወደ። ወልደኣብ ወልዴማርያም ርኢሱ ወስራጅ ዐብዱ ህጹ ናይቡ እንዴ ገብአው ተሐረው።
• አሊ መሕበር እሊ፡ እተ አያመ ሰልፍ ናይ ፈደሬሽን፡ መካፍሓይ ሕርየት ከርስ እርትርየ ክምሰል ቱ ወምል ' ክ አቶብየ ክምሰል ልትቃወም ወሰቅቅ አከደ። ወአእብሊ ሰበብ እሊ ለአይክ አቶብየ እሊ መሕበር እሊ እግል ልጨፍልቆ እግል ልትጻገሞ አንበተው።
• ወልደኣብ እግል ሳቤዕ መደቱ ለአይክ አቶብየ ጀርቤ ቀትል ወደው እቱ። ወእብሊ ሰበብ እሊ እት ወሬሕ አጉስቶስ ሰነት 1953 ምነ መጃራሬሕ ክምሰል ሐየ አስክ መስር አግል ልልጀእ ትጅጀበረ።
• ሰብ - ሰልጠት አቶብየ እግል መሕበር ሸቃለ ጨቅጥ ትሩድ እት ትወዱ እቱ፡ እት ሽቅሉ ዐዋርድ ገብአው እቱ።
ሰኣላት
1. እት መደት ፈደሬሽን ሐንቱ ሕኩመት አቶብየ ለአተ መአሰሳት እቅትሳድ ሽርሖ።
2. ናይ ሰነት 1952 እድራብ ሸቃለ ለቀደመዩ ጠለባት ዘርዝሮ።
3. ሕኩመት እርትርየ እግል ደሃይ ኤርትረ ለደብአት እቡ አግደ አስባብ ሚ ዐለ ?