ርክን ስወር
|
እሊ መርሐበ እት ልብል ክልኤ እዴሁ እንዴ ረፍዐ እብ ገጽ ፋርሕ ሰውረቱ ልትከበተ ለህለ አብ፡ እት ሰነት 1988 ናደው እዝ እትለ ደውሸሸ እተ ኢነት፡ ጄሽ ሸዕቢ ተሕሪር ኤረትርየ አፍዐበት ለአተ እቱ ወቅት ጄሽ ወዐውቴሁ ክምሰል ረኣቱ፡ ፋርሕ ወልውቅ ዲብ እንቱ ምናድሊን ለትከበተ። ለዲበ ሕቅፉ ህሌት ወለቱ ትግበእ ወወለት ውላዱ ኣላሁ ዓልም ዮም፡ እብ ሐያተ ምን ተሀሌ ወበዐል ነግብ ምን ትገብእ ላተ እም ዕያል ክምሰል ተሀሌ ሸክ አለቡ።እለ ሱረት እለ ለሰወረ ምሰውር ፍሬሚናጦስ እስትፋኖስ ቱ። |
|
እለ ሱረት እለ እት ሰነት 1936 ለትሰወረት እት ገብእ፡ ሸዐብ ሐባብ እት ሰብክ ወሳግም ለተርኤተ። |
|
እለ ትመስልመ ተሐለፈት!! ለክልኦት ዐባዪ መሓዛት በህለት ዐንሰበ ወበርከ እት ሰልዐ ለትትበሀል አካን እት ሕድ ክምሰል ተሓበረው፡ ምኑ ምድር ሱዳን ክምሰል አተው ኮር-በረከ ለትብል ስሜት እንዴ ነስአው ሄራሮም ለአተላሌ። ኮር በረከ፡ ቶከር እንዴ ኢለአቴ ላኪን እት ሒን ከረም ምን ፖርሱዳን ወሰዋክን አስክ ሜዳን ወምን ሜዳን አስክ ሱዳን ጅወ ለአቴ ለዐለ መዋሰላት ጀብሀት ሸዕብየት እት ወክድ ንዳል ሰኒ ተክሉ ዐለ። እተ ወክድ ለሀይ ክልነ ለመካይን ወቦጣት እብ እለ ዲብ ማይ ሽምት እንርእየ ለህሌነ ኦራል ለጅንሰ መኪነት ዲብ ልትከርከር ፈግር ዐለ። ከለሕሊል ኮርበረከ፡ ለመኪነት ኦራል ወዲብ መሸንገለ ህለው ህዬ ምሔርበት ቶም። |
|
ምን ስካን ተሰነይ ላቶም ሰብ፡ ክል ምኖም እት እዴሁ ምን ገኖ ለልሸቄ ህርድ ላብስ ህለ። እሊ ህርድ እሊ ህዬ ክምሰል ፋሽን ሰበት ልትሐሰብ ዎሮ ምን ሰርጎ ሰብ ተብዕን ዲብ ቆሚያት ትግሬ ወሕዳረብ ቱ። እምበል እሊመ እሎም አንፋር እሎም ክል ምኖም ዲብ አምዒቱ ለለውለዩ ሀባብ ወሰወትል ወለትወናዘፈው ብላይ ምስለ እት እት ደገግዶም ሱቁቃሙ ለህለው አክለት ወላብሳሙ ለህለው እስእኖታትመ እሻረት ናይለ እት 1940ታት ሰብ ምውዳቅ ጸሓይ ቀላቅሎታት ኤረትርየ ለቡሱ ለዐለው ለበብስ ወጽዋር ለልአርኤቱ። እለ ሱረት እለ ህዬ ሐቴ ምነ እት ሰነት 1940ታት ዲብ መደት ሕክም ጥልያን እት ኤረትርየ ለትሰወረት ተ። |