ᥛᥩᥐᥱ ᥐᥣᥭᥰ ᥘᥝᥰ edit
ᥛᥩᥐᥱ ᥐᥣᥭᥰ ᥘᥝᥰ ᥘᥭᥳ ᥙᥥᥢ ᥛᥩᥐᥱ ᥖᥨᥢᥲ ᥐᥦᥢᥱ ᥟᥣᥱ ᥔᥣᥐ ᥕᥣᥝᥰ ᥔᥥᥴ ᥙᥥᥢ ᥛᥥᥝᥰ ᥛᥩᥐᥱ ᥐᥣᥭᥰ ᥘᥝᥰ Rosa. ᥙᥥᥢ ᥛᥩᥐᥱ ᥟᥢ ᥑᥣᥛᥱ ᥘᥭᥲ ᥑᥣᥝᥰ ᥞᥪᥒᥴ။ ᥛᥩᥐᥱ ᥐᥣᥭᥰ ᥘᥝᥰ ᥘᥭᥳ ᥓᥫᥳ ᥚᥢᥰ ᥙᥦᥐᥱ ᥙᥫᥒ ᥛᥢᥰ ᥛᥤᥰ 3,000 ᥘᥫᥴ ᥔᥥᥴ ᥐᥨᥢᥰ ᥟᥢ ᥑᥝᥲ ᥓᥬ ᥙᥧᥐᥱ ᥔᥩᥛᥲ ᥐᥩᥲ ᥛᥤᥰ ᥖᥒᥰ ᥘᥛᥴ။ ᥛᥢᥰ ᥙᥥᥢ ᥓᥧᥛᥰ ᥖᥨᥢᥲ၊ ᥛᥤᥰ ᥘᥣᥛᥴ ᥔᥥᥴ ᥛᥣᥒ ᥓᥫᥰ ᥐᥩᥲ ᥙᥥᥢ ᥖᥨᥢᥲ ᥕᥧᥛᥰ၊ ᥙᥥᥢ ᥖᥨᥢᥲ ᥑᥫᥰ ᥕᥣᥝᥰ ᥟᥛᥱ ᥘᥢᥴ ᥖᥨᥢᥲ ᥖᥣᥐᥱ ᥖᥫᥢᥰ ᥕᥝᥳ။ ᥘᥨᥒᥱ ᥛᥩᥐᥱ ᥛᥢᥰ ᥖᥥᥳ ᥛᥤᥰ ᥐᥧ ᥔᥦᥢᥰ ᥔᥦᥢᥰ ᥛᥤᥰ ᥙᥫᥒ ᥚᥣᥒᥴ ᥖᥒᥰ ᥘᥛᥴ ᥔᥥᥴ ᥞᥢᥴ ᥓᥦᥒ ᥓᥢ ᥓᥬ ᥐᥨᥢᥰ ᥞᥝᥰ ᥖᥥᥳ ᥕᥝᥳ။
ᥟᥣ ᥕᥩᥒᥱ ᥛᥢᥰ ᥖᥥᥳ ᥖᥥᥱ ᥟᥝ ᥟᥣ ᥕᥩᥒᥱ ᥚᥫᥐᥱ ᥖᥨᥝᥱ ᥟᥣ ᥕᥩᥒᥱ ᥘᥫᥒᥴ ᥗᥪᥒᥴ ᥐᥣᥱ ᥟᥣ ᥕᥩᥒᥱ ᥘᥦᥒ ᥛᥤᥰ ᥐᥧ ᥙᥫᥒ ᥕᥧᥱ။ ᥒᥫᥢ ᥒᥝᥲ ᥓᥣᥱ ᥖᥤ ᥛᥩᥐᥱ ᥐᥣᥭᥰ ᥘᥝᥰ ᥑᥫᥒ ᥙᥣᥰ ᥘᥛᥴ ᥘᥭᥳ ᥙᥥᥢ ᥖᥤ ᥟᥥᥰ ᥡᥣᥰ ᥕᥝᥳ။ ᥓᥫᥰ ᥙᥥᥢ ᥓᥣᥱ ᥖᥤ ᥕᥧᥰ ᥘᥨᥙᥳ၊ᥟᥣ ᥛᥥᥱ ᥘᥤᥳ ᥐᥣᥰ ᥞᥩᥒᥱ ᥘᥦᥲ ᥟᥦᥙᥳ ᥜᥣ ᥘᥤᥳ ᥐᥫᥳ ᥓᥥᥒᥱ ᥞᥩᥒᥱ ᥝᥢᥰ ᥖᥨᥐᥱ ᥐᥩᥲ ᥛᥤᥰ ᥐᥛᥳ ᥚᥩᥒ ᥕᥧᥱ။ ᥓᥩᥛᥰ ᥘᥨᥭ ᥓᥫᥳ ᥚᥢᥰ ᥙᥐ ᥖᥤ ᥟᥤᥐᥱ ᥓᥫᥳ ᥚᥢᥰ ᥙᥣᥢᥱ ᥓᥣᥙ ᥔᥥᥴ ᥙᥥᥢ ᥛᥩᥐᥱ ᥞᥣᥒ ᥘᥤ ᥓᥢ ᥓᥬ ᥙᥥᥢ ᥛᥩᥐᥱ ᥛᥤᥰ ᥟᥣᥭ ᥔᥦᥝᥴ ᥞᥩᥛᥴ ᥘᥦᥲ ᥟᥩᥢ ᥐᥢ ᥘᥥᥳ ᥐᥢ ᥚᥧᥐᥱ ᥔᥩᥛᥲ ᥖᥒᥰ ᥕᥬᥱ ᥖᥒᥰ ᥘᥛᥴ။ ᥖᥤ ᥘᥬᥰ ᥖᥨᥒᥱ ᥝᥨᥒᥰ ᥐᥨᥢᥰ ᥞᥝᥰ ᥓᥛᥳ ᥛᥩᥐᥱ ᥐᥣᥭᥰ ᥘᥝᥰ ᥘᥭᥳ ᥘᥩᥐᥴ ᥘᥣᥭᥰ ᥙᥧᥐᥱ ᥔᥩᥛᥲ ᥘᥧᥛᥰ ᥘᥣᥰ ᥛᥢᥰ ᥛᥤᥰ ᥖᥒᥰ ᥘᥛᥴ။ ᥘᥨᥒᥱ ᥛᥩᥐᥱ ᥛᥢᥰ ᥛᥤᥰ ᥔᥦᥢᥰ ᥘᥥᥐ ᥕᥬᥱ ᥘᥣᥴ ᥛᥣᥒ ᥐᥧ ᥙᥫᥒ ᥙᥫᥒ၊ ᥛᥣᥒ ᥓᥫᥰ ᥙᥥᥢ ᥖᥨᥢᥲ ᥑᥫᥰ ᥔᥥᥴ ᥔᥧᥒᥴ ᥕᥣᥝᥰ ᥘᥭᥲ 7 ᥛᥤᥱ ᥖᥫᥱ (21 ᥗᥖᥴ)။ ᥖᥣᥱ ᥖᥤᥴ ᥟᥝ ᥖᥨᥢᥲ ᥛᥢᥰ ᥛᥩᥐᥱ ᥛᥢᥰ ᥟᥢ ᥟᥛᥱ ᥛᥫᥢᥴ ᥐᥢ ᥘᥢᥳ ᥐᥙᥴ ᥐᥢ ᥐᥩᥲ ᥒᥣᥭ ᥕᥧᥱ။ ᥕᥩᥢᥳ ᥘᥢᥴ ᥖᥤ ᥔᥨᥢᥴ ᥛᥩᥐᥱ ᥐᥣᥭᥰ ᥘᥝᥰ ᥘᥢᥳ ᥓᥒᥱ ᥑᥪᥒ ᥙᥩᥒ ᥙᥧᥐᥱ ᥔᥩᥛᥲ ᥞᥣᥒᥲ ᥑᥫᥒ ᥖᥥᥳ ᥖᥥᥳ ᥝᥣ ᥝᥣ။
ᥐᥙᥱ ᥐᥣᥭᥱ ᥘᥨᥭ ᥘᥩᥒ ᥙᥧᥐᥱ ᥔᥩᥛᥲ ᥘᥢᥳ ᥛᥩᥐᥱ ᥐᥣᥭᥰ ᥘᥝᥰ ᥙᥥᥢ ᥛᥩᥐᥱ ᥟᥢ ᥐᥨᥢᥰ ᥖᥒᥰ ᥘᥛᥴ ᥗᥧᥐᥴ ᥓᥬ ᥛᥦᥢ ᥓᥬ။ ᥘᥫᥴ ᥔᥥᥴ ᥟᥩᥒᥲ ᥖᥤ ᥘᥛᥳ ᥛᥨᥭᥴ ᥐᥣᥛᥲ ᥘᥢᥳ ᥖᥨᥢᥲ ᥛᥢᥰ ᥟᥩᥐᥱ ᥘᥭᥲ ᥐᥧ ᥖᥤ ᥔᥥᥴ ᥙᥧᥐᥱ ᥘᥭᥲ ᥐᥧ ᥑᥣᥝᥰ၊ ᥟᥣ ᥕᥩᥒᥱ ᥛᥩᥐᥱ ᥛᥢᥰ ᥐᥩᥲ ᥛᥤᥰ ᥟᥣ ᥕᥩᥒᥱ ᥐᥧ ᥙᥫᥒ ᥙᥫᥒ ᥔᥥᥴ ᥟᥛᥱ ᥐᥣᥰ ᥟᥣᥭ ᥔᥦᥝᥴ ᥞᥩᥛᥴ ᥛᥢᥰ ᥐᥩᥲ ᥞᥩᥛᥴ ᥟᥨᥢᥲ ᥞᥩᥛᥴ ᥟᥩᥢᥱ ᥘᥦᥲ ᥐᥛᥳ ᥚᥩᥒ ᥕᥒᥰ ᥔᥬᥱ ᥓᥪ ᥙᥦᥒᥰ ᥛᥢᥰ ᥝᥣ ᥛᥩᥐᥱ ᥘᥣᥒᥰ ᥞᥨᥝᥴ ᥑᥛᥰ (Queen of Flower) ᥘᥭᥴ ᥞᥝᥳ။ (br)
ᥛᥩᥐᥱ ᥐᥣᥭᥰ ᥘᥝᥰ ᥘᥭᥳ ᥙᥥᥢ ᥛᥩᥐᥱ ᥚᥣᥒᥴ ᥞᥣᥒ ᥓᥫᥳ ᥓᥣᥖ ᥛᥫᥒᥰ ᥟᥤᥒᥱ ᥐᥣᥱ ᥘᥣᥢᥱ ᥔᥥᥴ ᥙᥥᥢ ᥛᥩᥐᥱ ᥟᥢ ᥟᥝ ᥕᥧᥒᥱ ᥖᥪᥰ ᥕᥬᥱ ᥘᥨᥒᥴ ᥙᥧᥢ ᥖᥣᥱ ᥙᥩᥭᥰ ᥑᥣ ᥘᥤᥖᥳ ᥔᥣᥳ ᥛᥣᥖᥳ၊ ᥙᥩᥭᥰ ᥝᥢᥰ ᥐᥦᥝ ᥛᥥ၊ ᥙᥩᥭᥰ ᥝᥢᥰ ᥐᥦᥝ ᥐᥨᥝᥳ ᥞᥐᥳ ᥟᥥᥐᥱ ᥙᥩᥭᥰ ᥕᥬᥱ ᥙᥩᥭᥰ ᥘᥨᥒᥴ ᥓᥫᥰ ᥘᥢᥳ ᥕᥝᥳ။
ᥙᥫᥒ ᥟᥤᥒ edit
- ↑ Wikipedia Rose ᥚᥣᥭᥱ ᥟᥤᥒᥰ ᥐᥣ ᥘᥥᥖᥳ