Wp/tdd/ᥛᥩᥐᥱ ᥐᥧᥛᥲ
ᥑᥩᥢᥰ ᥘᥛᥳ ᥓᥫᥰ ᥟᥢ ᥕᥧᥱ ᥘᥫᥴ ᥐᥣᥒ ᥞᥣᥝᥴ ᥘᥢᥳ ᥞᥩᥒᥳ ᥝᥣ ᥛᥩᥐᥱ ᥐᥧᥛᥲ ᥕᥝᥳ. ᥛᥫ ᥖᥤᥴ ᥙᥥᥢ ᥛᥩᥐᥱ ᥐᥧᥛᥲ ᥘᥢᥳ ᥙᥥᥢ ᥛᥥᥖ ᥘᥛᥳ ᥞᥪᥴ, ᥘᥛᥳ ᥐᥣᥒ ᥟᥦᥢᥴ ᥞᥪᥴ ᥑᥝᥴ ᥛᥤᥰ ᥝᥭᥳ ᥕᥝᥳ. ᥛᥩᥐᥱ ᥐᥧᥛᥲ ᥟᥢ ᥛᥤᥰ ᥛᥥᥖ ᥘᥛᥳ ᥘᥢᥳ ᥙᥥᥢ ᥛᥨᥭᥴ ᥟᥧᥛᥲ ᥝᥭᥳ ᥐᥩᥭᥰ. ᥙᥨᥝᥰ ᥝᥣ ᥕᥧᥱ ᥖᥤ ᥘᥩᥭ ᥔᥧᥒᥴ, ᥓᥣᥒ ᥖᥥᥴ ᥘᥭᥲ ᥛᥨᥝᥴ ᥞᥢᥴ ᥛᥩᥐᥱ ᥐᥧᥛᥲ ᥕᥧᥱ ᥝᥭᥳ ᥖᥤ ᥖᥬᥲ ᥞᥝᥰ ᥕᥝᥳ.
ᥘᥩᥒ ᥖᥥᥰ ᥙᥥᥢ ᥛᥣᥰ
ᥛᥩᥐᥱ ᥐᥧᥛᥲ ᥟᥢ ᥝᥣ ᥘᥢᥳ ᥘᥧᥐᥳ ᥖᥤ ᥔᥣᥭᥴ ᥘᥦᥖᥱ ᥖᥩᥒᥱ ᥕᥣᥰ ᥘᥛᥳ ᥔᥥᥴ ᥙᥥᥢ ᥛᥣᥰ ᥐᥩᥭᥰ. ᥛᥫ ᥔᥣᥭᥴ ᥘᥦᥖᥱ ᥖᥨᥐᥱ ᥘᥫᥴ ᥘᥛᥳ ᥘᥢᥳ ᥘᥛᥳ ᥛᥣᥒ ᥓᥫᥰ ᥐᥩᥲ ᥛᥭᥲ ᥔᥥᥴ ᥙᥥᥢ ᥑᥩᥢᥰ ᥘᥛᥳ ᥲᥣᥱ ᥕᥝᥳ. ᥖᥤ ᥘᥭᥲ ᥝᥣ ᥔᥣᥭᥴ ᥘᥨᥛᥰ ᥓᥧᥖ ᥟᥝ ᥑᥩᥢᥰ ᥘᥛᥳ ᥐᥣᥱ ᥟᥫᥲ. ᥘᥦᥖᥱ ᥛᥭᥲ ᥐᥣ ᥞᥪᥴ ᥐᥩᥲ ᥔᥣᥭᥴ ᥘᥨᥛᥰ ᥘᥭᥳ ᥓᥧᥖᥱ ᥟᥝ ᥐᥩᥢᥰ ᥘᥛᥳ ᥘᥭᥲ ᥐᥣ ᥘᥢᥳ ᥕᥝᥳ. ᥔᥣᥭᥴ ᥘᥨᥛᥰ ᥟᥢ ᥛᥤᥰ ᥑᥩᥢᥰ ᥘᥛᥳ ᥖᥥᥛ ᥞᥦᥒᥰ ᥗᥪᥒᥴ ᥖᥤ ᥙᥨᥝᥰ ᥕᥒ ᥓᥧᥖᥴ ᥘᥭᥲ ᥗᥦᥢᥲ ᥘᥢᥳ ᥞᥩᥒᥳ ᥝᥣ ᥔᥣᥭᥴ ᥘᥨᥛᥰ ᥛᥤᥰ ᥐᥩᥢᥰ ᥘᥛᥳ ᥖᥥᥛ ᥝᥭᥳ ᥕᥝᥳ. ᥚᥩᥒᥰ ᥛᥫ ᥘᥨᥛᥰ ᥘᥣᥒᥲ ᥛᥣᥰ ᥐᥩᥢᥰ ᥘᥛᥳ ᥓᥫᥭᥰ ᥔᥛᥳ ᥚᥣᥢᥱ ᥕᥥᥢᥰ ᥙᥥᥢ ᥛᥥᥖ ᥘᥛᥳ ᥔᥥᥴ ᥓᥒᥱ ᥙᥥᥢ ᥛᥣᥰ ᥛᥩᥐᥱ ᥐᥧᥛᥲ ᥕᥝᥳ. ᥛᥩᥐᥱ ᥐᥧᥛᥲ ᥟᥢ ᥕᥧᥱ ᥘᥫᥴ ᥐᥣᥒ ᥞᥣᥝᥴ ᥘᥢᥳ ᥕᥒᥰ ᥟᥛᥱ ᥕᥧᥱ ᥝᥭᥳ ᥖᥤ ᥘᥥᥝ ᥔᥥᥴ ᥑᥣᥭᥳ ᥐᥣᥱ ᥑᥣᥭᥳ ᥛᥣᥰ ᥕᥝᥳ. ᥐᥩᥙ ᥙᥫ ᥖᥤ ᥘᥬᥰ ᥛᥩᥐᥱ ᥐᥧᥛᥲ ᥘᥢᥳ ᥛᥤᥰ ᥘᥨᥛᥰ ᥛᥭᥲ ᥝᥭᥳ ᥔᥥᥴ ᥛᥥᥖ ᥘᥛᥳ ᥓᥫᥰ ᥟᥢ ᥛᥤᥰ ᥝᥭᥳ ᥘᥢᥳ ᥐᥩᥲ ᥙᥥᥢ ᥑᥩᥢᥰ ᥘᥛᥳ ᥐᥣᥱ ᥑᥪᥢᥰ ᥕᥝᥳ.