ᥛᥥ ᥘᥛᥳ ᥘᥭᥳ ᥙᥥᥢ ᥘᥛᥳ ᥟᥢ ᥘᥭᥴ ᥓᥩᥛᥰ ᥔᥖ ᥚᥣᥱ ᥝᥣᥲ ᥛᥢᥰ ᥘᥦᥲ ᥐᥢᥳ ᥘᥛᥴ ᥘᥛᥴ ᥑᥝᥴ ᥙᥥᥢ ᥘᥛᥳ ᥝᥣᥢᥴ. ᥛᥥ ᥘᥛᥳ ᥐᥢᥳ ᥘᥛᥴ ᥘᥭᥴ ᥑᥝᥲ ᥘᥬᥰ ᥔᥛᥱ ᥛᥧᥐ ᥖᥣᥱ ᥕᥣᥱ, ᥙᥣᥒᥱ ᥘᥣᥭᥱ, ᥘᥩᥒᥴ ᥘᥛᥳ ᥘᥦᥲ ᥛᥥ ᥘᥛᥳ ᥖᥣᥒᥱ ᥟᥢ ᥕᥝᥳ. ᥛᥥ ᥘᥛᥳ ᥐᥛ ᥚᥩᥒ ᥖᥥᥳ ᥕᥒ ᥘᥭᥴ ᥑᥝ ᥐᥣᥱ ᥘᥬᥰ ᥓᥫᥳ ᥘᥛᥳ, ᥑᥝᥴ ᥘᥭᥴ ᥔᥥᥴ ᥞᥣᥭᥴ ᥑᥝᥲ ᥐᥣᥱ ᥘᥬᥰ ᥘᥒᥴ ᥘᥤᥢ ᥟᥫᥳ. ᥙᥩᥰ ᥙᥥᥢ ᥛᥥ ᥘᥛᥳ ᥟᥦᥢᥴ ᥘᥭᥴ, ᥙᥢ ᥓᥪ ᥞᥩᥒᥳ ᥝᥣ ᥘᥛᥳ ᥑᥥᥰ, ᥘᥛᥳ ᥞᥩᥒ ᥘᥭᥴ ᥕᥝᥳ.
ᥛᥥ ᥘᥛᥳ ᥘᥭᥳ ᥙᥥᥢ ᥟᥢ ᥘᥛᥱ ᥘᥩᥒ ᥖᥣᥱ ᥐᥨᥢᥰ ᥖᥥᥳ ᥖᥥᥳ. ᥐᥩᥙ ᥝᥣ ᥛᥣᥢᥲ, ᥝᥥᥒᥰ ᥐᥢᥲ ᥘᥛᥴ, ᥘᥭᥲ ᥙᥫᥒ ᥟᥤᥒᥴ ᥘᥛᥳ ᥖᥤ ᥛᥥ ᥘᥛᥳ, ᥑᥥᥰ ᥘᥛᥳ ᥔᥥᥴ ᥖᥥᥱ ᥖᥣᥒᥳ ᥙᥥᥢ ᥛᥣᥰ ᥕᥝᥳ. ᥐᥨᥢᥰ ᥞᥝᥰ ᥘᥭᥳ ᥓᥬᥳ ᥘᥛᥳ ᥖᥣᥱ ᥞᥣᥴ ᥐᥤᥢ ᥘᥥᥒᥳ ᥖᥩᥒᥳ, ᥖᥣᥱ ᥟᥩᥐᥱ ᥑᥣᥝᥰ ᥖᥣᥒᥰ, ᥖᥣᥱ ᥟᥝ ᥜᥭᥰ ᥜᥣᥳ ᥘᥨᥭ ᥞᥦᥒᥰ ᥘᥛᥳ, ᥖᥣᥱ ᥟᥣᥙᥱ ᥘᥛᥳ ᥘᥦᥲ ᥖᥣᥱ ᥝᥧᥖᥳ ᥙᥦᥖ ᥑᥨᥝᥰ ᥐᥝᥱ ᥐᥩᥢᥱ ᥓᥫᥰ ᥘᥢᥳ ᥕᥝᥳ.
ᥖᥤ ᥘᥬᥰ ᥖᥨᥒᥱ ᥝᥨᥒ ᥘᥦᥖᥱ ᥘᥭᥳ, ᥘᥫᥴ ᥔᥥᥴ ᥓᥨᥝᥱ ᥐᥛᥱ ᥚᥣᥱ ᥞᥝᥰ ᥕᥝᥳ, ᥖᥤ ᥘᥫᥴ ᥓᥨᥝᥱ ᥐᥦᥛ ᥖᥣᥭᥱ ᥖᥢᥱ ᥟᥢ ᥙᥢᥱ ᥞᥩᥙ ᥓᥨᥝᥱ ᥔᥥᥱ ᥖᥢᥱ ᥘᥢᥳ ᥐᥩᥲ ᥘᥭᥲ ᥞᥢ ᥛᥥ ᥘᥛᥳ ᥟᥢ ᥙᥥᥢ ᥘᥛᥳ ᥞᥣᥭᥱ ᥖᥣᥱ ᥘᥨᥝᥱ ᥐᥣᥱ ᥙᥧᥢᥱ ᥘᥭᥴ ᥕᥝᥳ.