ᥛᥣᥐᥱ ᥜᥣᥲ ᥘᥭᥳ ᥓᥫᥳ ᥚᥢᥰ ᥛᥢᥰ ᥛᥫᥢᥴ ᥐᥢ ᥖᥒᥰ ᥛᥣᥐᥱ ᥕᥤᥢᥲ, ᥛᥣᥐᥱ ᥓᥩᥐᥴ, ᥛᥣᥐᥱ ᥟᥨᥝᥰ ᥖᥒᥰ ᥛᥣᥐᥱ ᥕᥤᥢᥲ ᥝᥣᥢᥴ ᥟᥢ ᥙᥥᥢ ᥓᥫᥳ ᥚᥢᥰ Rutaceae ᥘᥭᥳ ᥕᥝᥳ. ᥛᥣᥐᥱ ᥜᥣᥲ ᥘᥭᥳ ᥒᥝᥲ ᥖᥥᥱ ᥛᥢᥰ ᥘᥧᥐ ᥖᥤ ᥐᥧᥢ ᥓᥧᥳ ᥟᥤᥢᥰ ᥖᥤᥰ ᥕᥣᥰ ᥚᥣᥭᥱ ᥟᥩᥐᥱ ᥛᥣᥰ ᥘᥭᥴ ᥕᥝᥳ. ᥘᥧᥐ ᥖᥤ ᥗᥢᥳ ᥔᥥᥴ ᥓᥒᥱ ᥟᥝ ᥓᥫᥳ ᥚᥢᥰ ᥛᥣᥰ ᥔᥥᥴ ᥛᥣᥰ ᥔᥩᥛᥳ ᥖᥤ ᥛᥫᥒᥰ ᥛᥣᥢ ᥖᥒᥰ ᥛᥫᥒᥰ ᥖᥤ ᥐᥧᥢ ᥟᥥᥰ ᥔᥦᥰ ᥟᥩᥒᥱ ᥚᥣᥭᥱ ᥓᥣᥢᥰ ᥕᥝᥳ. ᥘᥧᥐ ᥖᥤ ᥐᥧᥢ ᥟᥥᥰ ᥔᥦᥰ ᥔᥥᥴ ᥐᥩᥲ ᥓᥒᥱ ᥚᥦᥝᥴ ᥗᥪᥒ ᥐᥧᥢ ᥟᥣᥱ ᥚᥣᥳᥱᥘᥤᥳ ᥐᥣᥳ ᥚᥣᥭᥱ ᥞᥩᥒᥱ ᥖᥒᥰ ᥐᥧᥢ ᥕᥧᥱ ᥘᥨᥙ ᥚᥣᥭᥱ ᥓᥣᥢᥰ ᥕᥝᥳ. ᥛᥫ ᥙᥤ 1600 ᥙᥤᥱ ᥔᥤᥱ ᥘᥢᥳ, ᥐᥨᥢᥰᥱᥓᥫᥳ ᥔᥙ ᥙᥥᥒᥱ ᥖᥒᥰ ᥙᥨᥝᥱ ᥖᥤᥱ ᥐᥤᥱ ᥑᥝ ᥟᥝ ᥓᥫᥳ ᥚᥢᥰ ᥛᥣᥐᥱ ᥜᥣᥲ ᥔᥥᥴ ᥐᥣᥱ ᥔᥩᥛᥲ ᥖᥤ ᥐᥧᥢ ᥟᥣᥱ ᥛᥥᥱ ᥘᥤᥳ ᥐᥣᥰ ᥘᥦᥲ ᥟᥤᥢᥰ ᥖᥤᥰ ᥕᥣᥰ ᥚᥣᥭᥱ ᥟᥩᥐᥱ ᥕᥝᥳ. ᥐᥩᥙ ᥘᥣᥭᥴ ᥕᥣᥛᥰ ᥕᥭᥳ ᥖᥤ ᥟᥫᥒᥰ ᥛᥖᥴ ᥔᥤᥱ ᥐᥨᥝᥱ ᥟᥢ ᥛᥤᥰ ᥖᥤ ᥐᥧᥢ ᥟᥣᥱ ᥛᥥᥱ ᥘᥤᥰ ᥐᥣᥰ ᥖᥒᥰ ᥐᥧᥢ ᥓᥧᥳ ᥟᥤᥢᥰ ᥖᥤᥰ ᥕᥣᥰ ᥟᥢ ᥛᥤᥰ ᥖᥤ ᥚᥣᥭᥱ ᥖᥨᥐ ᥘᥢᥳ ᥘᥭᥲ ᥞᥢᥴ ᥖᥨᥢᥲ ᥛᥣᥐᥱ ᥜᥣᥲ ᥐᥛᥳ ᥘᥛᥴ ᥕᥝᥳ.
ᥖᥨᥢᥲ ᥛᥣᥐᥱ ᥜᥣᥲ ᥘᥭᥳ ᥟᥩᥐᥱ ᥖᥣᥒᥰ ᥙᥤ ᥖᥣᥒᥰ ᥘᥫᥢ ᥔᥥᥴ ᥖᥣᥳ, ᥔᥤᥒᥱ ᥟᥢ ᥟᥩᥐᥱ ᥘᥛᥴ ᥔᥤᥴ ᥙᥫᥢ ᥙᥥᥢ ᥔᥤᥒᥱ ᥜᥨᥢᥴ ᥕᥝᥳ. ᥘᥫᥢ ᥓᥧᥢᥱ, ᥓᥧᥱ ᥘᥣᥭᥱ, ᥟᥩᥰ ᥐᥦᥖ, ᥔᥦᥖ ᥖᥤᥢᥱ ᥙᥣᥱ ᥖᥒᥰ ᥟᥩᥐᥱ ᥖᥨᥝᥱ ᥙᥣᥱ ᥕᥝᥳ. ᥛᥣᥐᥱ ᥜᥣᥲ ᥟᥢ ᥟᥩᥐᥱ ᥖᥤ ᥛᥫᥒᥰ ᥛᥣᥢ ᥘᥭᥳ ᥐᥩᥙ ᥙᥫ ᥕᥒ ᥙᥨᥝᥰ ᥐᥤᥢ ᥘᥬᥰ ᥛᥫᥒᥰ ᥘᥦᥲ ᥘᥭᥲ ᥔᥪᥳ ᥟᥝ ᥖᥤ ᥛᥫᥒᥰ ᥟᥤᥢᥰ ᥖᥤᥰ ᥕᥣᥰᥱ ᥐᥩᥢᥱ ᥟᥫ. ᥛᥣᥐᥱ ᥜᥣᥲ ᥘᥭᥲ ᥐᥛᥱ ᥘᥛᥴ ᥙᥫᥢ ᥐᥤᥢ ᥓᥩᥛ ᥖᥛ ᥔᥨᥛᥲ, ᥖᥣᥒᥰ ᥐᥤᥢ ᥟᥢ ᥘᥭᥲ ᥔᥣᥳ ᥟᥝ ᥕᥝᥳ. ᥘᥛᥳ ᥛᥣᥐᥱ ᥜᥣᥲ ᥘᥭᥳ ᥐᥩᥲ ᥙᥥᥢ ᥘᥛᥳ ᥝᥣᥢ ᥛᥥᥝᥰ ᥘᥪᥒ ᥟᥢ ᥐᥨᥢᥰ ᥛᥫᥒᥰ ᥛᥣᥢ ᥘᥭᥳ ᥓᥬ ᥐᥤᥢ ᥖᥥᥳ ᥖᥥᥳ ᥕᥝᥳ.
