Wp/tdd/ᥛᥣᥐᥱ ᥚᥫᥒᥰ

< Wp‎ | tdd
Wp > tdd > ᥛᥣᥐᥱ ᥚᥫᥒᥰ

ᥖᥨᥢᥲ ᥛᥣᥐᥱ ᥚᥫᥒᥰ ᥘᥭᥳ ᥙᥥᥢ ᥖᥨᥢᥲ ᥟᥛᥱ ᥙᥨᥝᥰ ᥕᥬᥱ. ᥙᥥᥢ ᥟᥣ ᥛᥥᥝᥰ ᥖᥨᥢᥲ Oxalidaceae ᥔᥥᥴ ᥟᥩᥒᥲ ᥓᥣᥱ ᥖᥤ ᥛᥢᥰ ᥙᥥᥢ ᥓᥥᥒᥱ ᥓᥣᥢᥰ ᥝᥢᥰ ᥟᥩᥐᥱ ᥐᥧᥢ ᥘᥨᥒᥴ ᥟᥥᥰ ᥡᥣᥰ.

ᥛᥣᥐᥱ ᥚᥫᥒᥰ စောင်းလျားသီး

ᥛᥣᥐᥱ ᥛᥢᥰ ᥙᥥᥢ ᥔᥢᥴ ᥛᥤᥰ ᥝᥭᥳ 5 ᥔᥢᥴ. ᥙᥩᥰ ᥗᥫᥴ ᥛᥣᥰ ᥓᥪᥒ ᥛᥫᥢᥴ ᥞᥣᥒ ᥘᥣᥝ ᥞᥣᥲ ᥓᥥᥒᥱ ᥘᥦᥛᥴ ᥝᥭᥳ ᥘᥦᥲ ᥚᥣᥭᥱ ᥟᥦᥒᥰ ᥐᥣ ᥘᥥᥖ ᥑᥝᥴ ᥞᥩᥒᥳ ᥝᥣ Star Fruit။ ᥛᥬ ᥛᥢᥰ ᥟᥛᥱ ᥙᥩᥰ ᥕᥬᥱ. ᥑᥣᥝᥰ ᥛᥢᥰ ᥛᥩᥐᥱ ᥘᥢᥳ ᥖᥧᥛᥱ ᥛᥩᥐᥱ ᥟᥩᥢᥱ ᥛᥢᥰ ᥛᥫ ᥓᥝᥳ ᥛᥨᥢᥰ ᥖᥣ ᥘᥩᥛᥳ ᥙᥥᥢ ᥟᥣ ᥕᥩᥒᥱ ᥐᥛᥴ ᥘᥦᥒᥴ ᥟᥩᥢᥱ ᥔᥥᥴ ᥙᥩᥰ ᥐᥤ ᥛᥣᥰ ᥛᥫᥢᥴ ᥟᥣ ᥕᥩᥒᥱ ᥛᥩᥐᥱ ᥐᥩᥢ ᥘᥬᥰ ᥐᥦᥢ ᥐᥣᥒ ᥛᥢᥰ ᥑᥩᥒᥱ ᥐᥛᥱ ᥝᥭᥳ ᥔᥥᥴ ᥞᥣᥒ ᥘᥤ ᥝᥭᥳ ᥖᥥᥳ ᥖᥥᥳ. ᥛᥣᥐᥱ ᥛᥢᥰ ᥛᥫ ᥖᥪᥐᥳ ᥘᥧᥛᥱ ᥓᥪᥒ ᥙᥥᥢ ᥟᥣ ᥕᥩᥒᥱ ᥑᥥᥝᥴ ᥔᥥᥴ ᥖᥣᥳ ᥙᥩᥰ ᥐᥥᥱ ᥛᥣᥰ ᥙᥥᥢ ᥟᥣ ᥕᥩᥒᥱ ᥘᥫᥒᥴ ᥛᥫᥢᥴ ᥘᥒᥱ ᥟᥣ ᥕᥩᥒᥱ ᥚᥫᥒᥰ ᥘᥦᥲ ᥖᥭᥰ ᥓᥒᥱ ᥞᥩᥒᥳ ᥝᥣ ᥛᥣᥐᥱ ᥚᥫᥒᥰ. ᥙᥥᥢ ᥛᥣᥐᥱ ᥟᥢ ᥛᥤᥰ ᥔᥣᥭᥴ ᥔᥨᥛᥲ ᥔᥥᥴ ᥖᥣᥳ ᥛᥣᥒ ᥖᥨᥢᥲ ᥖᥥᥳ ᥟᥛᥱ ᥙᥨᥝᥰ ᥔᥨᥛᥲ ᥞᥦᥒᥰ ᥔᥥᥴ ᥛᥤᥰ ᥙᥣᥰ ᥔᥣᥭᥴ ᥝᥢ ᥕᥧᥱ. ᥖᥨᥢᥲ ᥛᥢᥰ ᥘᥭᥳ ᥐᥛᥳ ᥙᥣᥲ ᥘᥛᥴ ᥟᥩᥐᥱ ᥓᥩᥛᥰ ᥗᥫᥢᥱ ᥙᥣᥱ ᥐᥨᥭᥰ၊ ᥟᥛᥱ ᥔᥧᥲ ᥘᥣᥲ ᥘᥤ ᥚᥧᥐᥱ ᥑᥨᥝᥴ ᥑᥨᥝᥴ.

  • ᥘᥣᥭᥰ ᥐᥤᥢ

ᥐᥣᥙ ᥐᥤᥢ ᥘᥧᥐ ᥛᥢᥰ၊ ᥗᥫᥴ ᥞᥥᥖᥱ ᥔᥤᥐ ᥔᥥᥴ ᥐᥤᥢ၊ ᥐᥛᥳ ᥚᥩᥒ ᥐᥩᥲ ᥕᥦᥢ ᥘᥨᥝᥰ ᥘᥛᥳ ᥐᥫ ᥔᥥᥴ ᥐᥤᥢ၊ ᥐᥛᥳ ᥚᥩᥒ ᥐᥩᥲ ᥔᥩᥭᥰ ᥔᥬᥱ ᥘᥨᥝᥰ ᥐᥫ ᥛᥣᥐᥱ ᥚᥥᥖᥱ ᥔᥥᥴ ᥐᥤᥢ.

  • ᥘᥣᥭᥰ ᥚᥧᥐᥱ

(1) ᥟᥝ ᥛᥥᥖ ᥛᥢᥰ ᥔᥥᥴ ᥚᥧᥐᥱ

(2) ᥐᥩᥙ ᥐᥤᥒᥱ ᥛᥢᥰ ᥔᥥᥴ ᥚᥧᥐᥱ

ᥛᥣᥐᥱ ᥚᥫᥒᥰ စောင်းလျားသီး
ᥛᥣᥐᥱ ᥚᥫᥒᥰ စောင်းလျားသီး
ᥛᥣᥐᥱ ᥚᥫᥒᥰ စောင်းလျားသီး