ᥛᥣᥐᥱ ᥙᥣᥢᥰ ᥖᥤᥰ ᥘᥭᥳ ᥙᥥᥢ ᥛᥣᥐᥱ ᥟᥢ ᥛᥤᥰ ᥘᥛᥳ ᥝᥣᥢ ᥔᥥᥴ ᥓᥤᥢ ᥘᥭᥲ ᥟᥫ. ᥛᥣᥐᥱ ᥙᥣᥢᥰ ᥖᥤᥰ ᥘᥭᥳ ᥙᥥᥢ ᥛᥣᥐᥱ ᥟᥢ ᥟᥩᥐᥱ ᥖᥤ ᥖᥨᥢᥳ ᥛᥣᥐᥱ ᥙᥣᥢᥰ ᥖᥤᥰ (Malus Pumila) ᥕᥝᥳ. ᥖᥨᥛᥳ ᥛᥣᥐᥱ ᥙᥣᥢᥰ ᥖᥤᥰ ᥘᥭᥳ ᥘᥬᥰ ᥐᥛᥱ ᥚᥣᥱ ᥞᥭᥲ ᥔᥩᥛᥳ ᥐᥢ ᥐᥧ ᥖᥤ ᥐᥧ ᥘᥦᥢ ᥕᥝᥳ. ᥒᥝᥲ ᥖᥥᥱ ᥖᥧᥢᥲ ᥛᥣᥐᥱ ᥙᥣᥢᥰ ᥖᥤᥰ ᥘᥭᥳ ᥖᥥᥱ ᥛᥣᥰ ᥖᥤ ᥚᥣᥭᥴ ᥐᥣᥒ ᥐᥧᥢ ᥟᥥᥰ ᥔᥦᥞ ᥕᥝᥳ. ᥗᥪᥒ ᥕᥣᥛᥰ ᥘᥥᥝ ᥐᥩᥲ, ᥖᥤ ᥚᥣᥭᥱ ᥐᥣᥒ ᥟᥥᥰ ᥔᥦᥰ ᥘᥭᥳ, ᥖᥪᥐ ᥘᥭᥲ ᥞᥢ ᥖᥨᥢᥲ ᥙᥣᥢᥰ ᥖᥤᥰ ᥟᥢ ᥕᥒ ᥐᥤᥢ ᥘᥭᥲ (Malus Sieversii) ᥕᥧᥱ ᥕᥝᥳ. ᥛᥫ ᥙᥨᥢᥳ ᥛᥣᥰ ᥞᥨᥝᥴ ᥞᥥᥒᥴ ᥙᥤ ᥘᥢᥳ, ᥖᥨᥢᥳ ᥙᥣᥢᥰ ᥖᥤᥰ ᥘᥭᥳ ᥘᥭᥲ ᥞᥢᥴ ᥖᥤ ᥐᥧᥢ ᥕᥧᥱ ᥘᥨᥙ ᥖᥒᥰ ᥐᥧᥢ ᥟᥥᥰ ᥔᥦᥰ ᥐᥨᥭᥰ. ᥗᥪᥒ ᥐᥣᥙ ᥐᥨᥝᥱ ᥘᥨᥝᥱ ᥢᥤᥱ ᥛᥣᥰ, ᥓᥒᥴ ᥟᥝ ᥖᥨᥢᥳ ᥛᥢᥰ ᥔᥥᥴ ᥖᥨᥝᥳ ᥐᥣᥱ ᥔᥩᥛᥳ ᥖᥣᥒᥰ ᥐᥧᥢ ᥟᥣᥱ ᥛᥥˇᥘᥤᥳ ᥐᥣᥳ ᥕᥝᥳ.
ᥛᥣᥐᥱ ᥙᥣᥢᥰ ᥖᥤᥰ ᥘᥭᥳ ᥟᥝ ᥚᥢᥰ ᥛᥢᥰ ᥔᥥᥴ ᥔᥩᥛᥳ ᥕᥝᥳ. ᥛᥫ ᥙᥤ 2017 ᥘᥢᥳ, ᥘᥬᥰ ᥐᥛᥱ ᥚᥣᥱ ᥞᥭᥳ, ᥛᥣᥐᥱ ᥙᥣᥢᥰ ᥖᥤᥰ ᥟᥩᥐᥱ ᥙᥥᥢ 83.1 ᥘᥣᥢᥳ ᥖᥧᥢᥰ ᥛᥢᥰ ᥕᥝᥳ. ᥘᥬᥰ ᥘᥢᥳ, ᥛᥫᥒᥰ ᥑᥥᥴ ᥑᥝᥴ ᥞᥥᥖᥴ ᥟᥩᥐ ᥙᥥᥢ 49.8 ᥘᥣᥢᥳ ᥖᥧᥢᥰ ᥘᥭᥴ ᥕᥝᥳ.