ᥛᥣᥐᥱ ᥓᥩᥐᥴ ᥘᥭᥳ ᥑᥝᥲ ᥙᥣᥰ ᥘᥬᥰ ᥓᥫᥳ ᥛᥣᥐᥱ ᥕᥤᥢᥲ ᥕᥝᥳ. ᥛᥢᥰ ᥙᥥᥢ ᥓᥫᥳ ᥛᥣᥐᥱ ᥕᥤᥢᥲ ᥟᥢ ᥛᥤᥰ ᥘᥛᥳ ᥝᥣᥢᥴ ᥟᥫ. ᥛᥣᥐᥱ ᥓᥩᥐᥴ ᥘᥭᥳ ᥛᥤᥰ ᥓᥫᥳ Clementine, Mandarin, Tangerine ᥖᥒᥰ Satsuma ᥕᥝᥳ. ᥓᥪ ᥓᥫᥳ ᥒᥝᥲ ᥖᥥᥱ ᥙᥥᥢ Rutaceae ᥘᥭᥴ ᥕᥝᥳ. ᥙᥩᥰ ᥛᥣᥐᥱ ᥓᥩᥐᥴ ᥕᥒ ᥙᥭᥱ ᥔᥧᥐ, ᥖᥤᥴ ᥙᥥᥢ ᥝᥭᥳ ᥟᥣ ᥕᥩᥒᥱ ᥔᥥᥝᥴ. ᥙᥩᥰ ᥔᥧᥐ ᥘᥤ ᥕᥝᥳ ᥖᥤᥴ ᥙᥥᥢ ᥐᥣᥱ ᥟᥣ ᥕᥩᥒᥱ ᥘᥫᥒᥴ ᥕᥝᥳ ᥐᥩᥲ ᥖᥤᥴ ᥛᥤᥰ ᥘᥛᥳ ᥘᥛᥴ ᥖᥫᥰ ᥛᥣᥰ ᥕᥝᥳ. ᥛᥣᥐᥱ ᥓᥩᥐ ᥓᥫᥳ Mandalin ᥘᥭᥳ ᥙᥫᥐ ᥛᥣᥒ, ᥞᥨᥭᥱ ᥟᥦᥢᥴ ᥟᥫ. ᥛᥣᥐᥱ ᥓᥩᥐ ᥘᥭᥳ ᥙᥩᥰ ᥔᥤᥛᥰ ᥝᥭᥳ ᥘᥬᥰ ᥖᥧ ᥕᥥᥱ ᥑᥥᥰ ᥘᥭᥴ ᥔᥦᥢᥰ ᥖᥫᥰ ᥑᥦᥛᥳ ᥕᥝᥳ. ᥛᥣᥒ ᥓᥫᥭᥰ ᥐᥩᥲ ᥞᥥᥖᥴ ᥘᥛᥳ ᥛᥣᥐᥱ ᥓᥩᥐ ᥔᥥᥴ ᥐᥤᥢᥴ ᥕᥝᥳ. ᥖᥨᥢᥳ ᥛᥣᥐᥱ ᥓᥩᥐᥴ ᥘᥭᥳ ᥛᥤᥰ ᥟᥣ ᥕᥩᥒᥱ ᥔᥥᥝᥴ ᥝᥭᥳ ᥖᥣᥱ ᥔᥥᥱ ᥕᥒᥳ. ᥖᥣᥒᥰ ᥔᥧᥒᥴ ᥔᥛᥳ ᥛᥤᥰ ᥛᥩᥐ 8 ᥛᥤᥱ ᥖᥣᥱ ᥗᥪᥒᥴ 15 ᥛᥤᥱ ᥖᥣᥱ ᥕᥝᥳ. ᥓᥫᥳ Mandarin ᥔᥛᥳ ᥛᥤᥰ ᥛᥩᥐ 7.5 ᥛᥤᥱ ᥖᥣᥱ ᥕᥝᥳ. ᥓᥫᥳ Kumwuat ᥖᥥᥳ ᥙᥥᥢ ᥓᥫᥳ ᥖᥨᥢᥳ ᥖᥦᥛᥱ ᥔᥥᥴ ᥖᥣᥒᥰ ᥔᥧᥒᥴ ᥖᥥᥴ ᥛᥤᥰ ᥛᥩᥐ 4 ᥛᥤᥱ ᥖᥣᥱ ᥐᥩᥭᥰ.
.jpg)