ᥔᥣᥱ ᥔᥢᥱ ᥘᥣᥱ ᥑᥣ ᥘᥤᥖᥳ (ᥟᥤᥒᥰ ᥐᥣ ᥘᥥᥖ: Christianity) ᥛᥤᥰ ᥙᥪᥢᥳ ᥗᥣᥢ ᥛᥣᥰ ᥖᥤ ᥓᥨᥝ ᥙᥣᥢ ᥘᥦᥲ ᥐᥣᥢ ᥔᥩᥢᥴ ᥑᥩᥒᥴ ᥓᥝᥲ ᥕᥥᥱ ᥔᥧ ᥓᥩᥛᥱ ᥘᥒᥱ ᥟᥢ ᥘᥬᥰ ᥙᥙᥳ ᥗᥛᥰ ᥙᥣᥭᥱ ᥙᥬᥱ (canonical gospel). ᥚᥧᥱ ᥘᥙᥳ ᥗᥪᥴ ᥔᥣᥱ ᥔᥢᥱ ᥘᥣᥱ ᥑᥣ ᥘᥤᥖᥳ ᥘᥢᥳ ᥞᥩᥒᥳ ᥝᥣ ᥓᥣᥝᥰ ᥑᥣ ᥘᥤᥖᥳ ᥟᥛᥱ ᥘᥢᥴ ᥑᥣ ᥘᥤᥳ ᥡᥣᥢᥱ ᥓᥣᥝᥰ ᥑᥣ ᥘᥤᥖᥳ ᥑᥝᥴ ᥕᥧᥛᥱ ᥕᥛ ᥝᥣ ᥓᥝᥲ ᥕᥥᥱ ᥔᥧ ᥙᥥᥢ ᥚᥣᥰ ᥘᥣᥰ ᥙᥥᥢ ᥓᥝᥲ ᥘᥦᥲ ᥙᥥᥢ ᥓᥝᥲ ᥚᥣᥰ ᥘᥣᥰ ᥟᥢ ᥘᥭᥲ ᥞᥙᥳ ᥙᥣᥱ ᥖᥤᥖᥴ ᥛᥣᥰ ᥙᥥᥢ ᥐᥨᥢᥰ ᥘᥦᥲ ᥙᥥᥢ ᥓᥝᥲ ᥚᥣᥰ ᥘᥣᥰ ᥚᥧᥱ ᥜᥨᥖ ᥟᥝ ᥐᥩᥙ ᥘᥩᥒ ᥘᥭᥴ ᥔᥥᥴ ᥓᥣᥝᥰ ᥑᥣ ᥘᥤᥖᥳ ᥓᥒᥱ ᥘᥭᥲ ᥞᥩᥒᥳ ᥕᥥᥱ ᥔᥧ ᥝᥣ"ᥓᥝᥲ ᥚᥣᥰ ᥘᥣᥰ ᥑᥣ ᥘᥤᥖᥳ" ᥟᥛᥱ ᥘᥢᥴ "ᥓᥝᥲ ᥛᥣᥱ ᥔᥣᥭᥱ ᥕᥣᥱ"[1] ᥔᥣᥱ ᥔᥢᥱ ᥘᥣᥱ ᥑᥣ ᥘᥤᥖᥳ ᥕᥣᥛᥰ ᥓᥒᥱ ᥘᥭᥳ ᥓᥦᥐᥱ ᥙᥥᥢ ᥐᥫᥒᥰ ᥘᥨᥒᥴ ᥔᥣᥛᥴ ᥓᥧᥛᥰ - ᥓᥫᥰ ᥘᥢᥳ ᥓᥛᥰ ᥞᥨᥝᥱ ᥛᥦᥖᥳ ᥑᥦᥖᥳ ᥔᥣ ᥘᥤᥐᥳ ᥟᥤᥖᥳ ᥔᥣ ᥗᥫᥢᥰ ᥟᥩᥱ ᥖᥨᥝᥱ ᥖᥩᥐᥳ ᥘᥦᥲ ᥙᥣᥝᥱ ᥖᥦᥖᥳ ᥔᥣ ᥖᥦᥢᥳ ᥔᥥᥴ ᥕᥝᥳ ᥕᥒᥰ ᥓᥦᥐᥱ ᥚᥥᥴ ᥐᥣᥱ ᥗᥦᥢᥲ ᥘᥣᥭᥴ ᥘᥣᥭᥴ ᥐᥫᥒᥰ ᥘᥥᥐᥳ ᥘᥥᥐᥳ ᥟᥩᥢᥱ, ᥞᥨᥝᥱ ᥛᥦᥢᥱ ᥑᥦᥖᥳ ᥔᥣ ᥘᥤᥐᥳ ᥘᥦᥲ ᥟᥩᥱ ᥖᥨᥝᥱ ᥖᥩᥐᥳ ᥓᥦᥐᥱ ᥚᥥᥴ ᥐᥢ ᥐᥣᥱ ᥛᥫ ᥚᥩᥒᥰ ᥕᥣᥛᥰ ᥔᥣᥱ ᥔᥢᥱ ᥘᥣᥱ ᥙᥩᥖᥴ ᥝᥢᥰ ᥟᥩᥐᥱ-ᥙᥩᥖᥰ ᥝᥢᥰ ᥖᥨᥐᥱ (East–West Schism) ᥛᥫ ᥘᥬᥰ ᥙᥤ ᥑᥣ ᥘᥤᥖᥳ 1054 ᥘᥦᥲ ᥐᥫᥒᥰ ᥙᥣᥝᥱ ᥖᥤᥖᥳ ᥔᥣ ᥖᥦᥢᥳ ᥖᥥᥱ ᥛᥤᥰ ᥛᥣᥰ ᥝᥣᥭᥰ ᥔᥥᥴ ᥐᥣᥢ ᥛᥨᥢᥳ ᥛᥥᥰ ᥙᥨᥐᥴ ᥖᥒᥲ ᥔᥣᥱ ᥔᥢᥱ ᥘᥣᥱ ᥛᥫ ᥓᥨᥝ ᥙᥣᥐᥱ 16 ᥔᥥᥴ ᥕᥦᥐ ᥖᥨᥝ ᥟᥩᥐᥱ ᥛᥣᥰ ᥖᥤ ᥐᥫᥒᥰ ᥞᥨᥝᥱ ᥛᥦᥢᥱ ᥑᥦᥖᥳ ᥔᥣ ᥘᥤᥐᥳ[2] ᥛᥫ ᥕᥣᥛᥰ ᥓᥝᥳ ᥘᥢᥳ ᥔᥣᥱ ᥔᥢᥱ ᥘᥣᥱ ᥑᥣ ᥘᥤᥖᥳ ᥘᥭᥳ ᥔᥩᥢᥱ ᥝᥣ ᥙᥥᥢ ᥐᥫᥒᥰ ᥘᥫᥒ ᥑᥩᥒᥴ ᥔᥣᥱ ᥔᥣᥱ ᥘᥣᥱ ᥓᥤᥝᥰ ᥛᥫ ᥐᥣᥒ ᥓᥨᥝ ᥙᥣᥐᥱ ᥙᥤ ᥑᥣ ᥘᥤᥖ 1[3][4] ᥘᥭᥲ ᥙᥩᥰ ᥛᥤᥰ ᥛᥣᥰ ᥖᥤ ᥙᥩᥖᥴ ᥜᥣᥒᥱ ᥙᥣᥒᥱ ᥘᥣᥭᥱ ᥛᥦᥖᥳ ᥖᥤ ᥖᥬᥱ ᥞᥥ ᥢᥤᥰ ᥕᥢᥰ ᥖᥣᥒᥰ ᥙᥩᥖᥴ ᥝᥢᥰ ᥟᥩᥐᥱ ᥑᥩᥒᥴ ᥖᥩᥢᥲ ᥐᥣᥒ ᥙᥩᥖᥴ ᥟᥩᥐᥱ (ᥕᥣᥛᥰ ᥘᥥᥝ ᥙᥥᥢ ᥟᥤᥖᥳ ᥓᥣ ᥞᥥ ᥘᥦᥲ ᥙᥣᥱ ᥘᥦᥖᥳ ᥔᥣ ᥖᥣᥭᥰ) ᥟᥛᥱ ᥞᥪᥒᥴ ᥟᥛᥱ ᥘᥣᥢᥰ ᥐᥩᥲ ᥛᥥᥱ ᥜᥣᥲ ᥐᥣᥱ ᥙᥩᥖᥴ ᥖᥣᥒᥰ ᥔᥤᥰ ᥞᥤᥰ ᥕᥣᥰ ᥛᥥᥱ ᥔᥨᥝᥱ ᥙᥨᥝᥱ ᥖᥥᥰ ᥛᥤᥰ ᥕᥬᥰ ᥟᥥᥰ ᥔᥤᥰ ᥕᥣᥰ ᥛᥣᥭᥱ ᥘᥫᥱ ᥘᥦᥲ ᥟᥤᥱ ᥓᥤᥙᥳ ᥔᥣᥱ ᥔᥢᥱ ᥘᥣᥱ ᥑᥣ ᥘᥤᥖᥳ ᥛᥤᥰ ᥖᥣᥒᥰ ᥕᥬᥱ ᥘᥦᥲ ᥞᥦᥒᥰ ᥞᥨᥛᥱ ᥒᥛᥰ ᥓᥩᥖ ᥖᥨᥝ ᥘᥛᥴ ᥘᥫᥰ ᥛᥣᥰ ᥖᥥᥳ ᥖᥥᥳ ᥘᥬᥰ ᥓᥨᥝ ᥕᥣᥛᥰ ᥟᥩᥢᥱ ᥘᥣᥭᥴ ᥙᥣᥐᥱ ᥙᥤ ᥘᥦᥲ ᥖᥨᥝᥱ ᥙᥩᥰ ᥗᥪᥒᥴ ᥓᥨᥝ ᥙᥣᥐᥱ ᥙᥤ ᥑᥣ ᥘᥤᥖᥳ ᥗᥤ 4 ᥘᥭᥲ ᥕᥥᥢᥰ ᥛᥣᥰ ᥙᥥᥢ ᥔᥣᥱ ᥔᥢᥱ ᥘᥣᥱ ᥐᥪᥐᥴ ᥓᥪᥒ ᥛᥫᥒᥰ ᥓᥪᥒ ᥝᥨᥒᥳ ᥞᥨᥝᥱ ᥛᥦᥢᥱ [5] ᥘᥬᥰ ᥐᥥ ᥐᥣᥙ ᥙᥣᥢ ᥐᥣᥒ ᥘᥤᥢ ᥘᥦᥢ ᥘᥬᥰ ᥕᥧᥰ ᥞᥨᥙᥳ ᥟᥢ ᥐᥪᥖᥴ ᥘᥫᥴ ᥘᥢᥳ ᥐᥛᥲ ᥘᥛᥴ ᥞᥙᥳ ᥔᥣᥱ ᥔᥢᥱ ᥘᥣᥱ ᥑᥣ ᥘᥤᥖᥳ ᥕᥝᥳ. ᥐᥩᥭᥰ ᥘᥣᥱ ᥛᥣᥒ ᥘᥦᥢ ᥖᥩᥢ ᥓᥫᥒᥳ ᥘᥒᥱ ᥖᥩᥢ ᥐᥣᥒ ᥙᥩᥖᥴ ᥟᥩᥐᥱ ᥟᥣᥱ ᥜᥣ ᥘᥤᥰ ᥐᥬᥰ ᥞᥩᥒᥱ ᥟᥤᥱ ᥔᥤᥱ ᥕᥨᥝᥰ ᥙᥤᥰ ᥕᥣᥰ ᥘᥦᥲ ᥛᥣᥒ ᥙᥩᥖᥴ ᥛᥣᥒ ᥖᥩᥢᥲ ᥑᥩᥒᥴ ᥟᥤᥢᥰ ᥖᥤᥰ ᥕᥣᥰ ᥖᥥᥳ ᥓᥣᥝᥰ ᥑᥣ ᥘᥤᥖᥳ ᥕᥒᥰ ᥖᥪᥐᥳ ᥙᥥᥢ ᥓᥧᥛᥰ ᥐᥨᥢᥰ ᥟᥥᥱ ᥝᥭᥳ ᥕᥧᥱ .[6][7] ᥝᥣᥭᥰ ᥛᥣᥰ ᥕᥩᥢᥳ ᥙᥫ ᥛᥤᥖᥳ ᥡᥤᥢᥱ ᥢᥣᥱ ᥘᥤᥱ ᥘᥦᥲ ᥐᥣᥢ ᥑᥣᥐ ᥛᥫᥒᥰ ᥑᥨᥝᥱ ᥘᥨᥝᥱ ᥢᥤᥱ(ᥛᥫᥒᥰ ᥞᥣᥭᥰ) ᥔᥥᥴ ᥔᥣᥱ ᥔᥢᥱ ᥘᥣᥱ ᥑᥣ ᥘᥤᥖᥳ ᥐᥩᥲ ᥘᥭᥲ ᥚᥥ ᥐᥣᥱ ᥙᥩᥖᥴ ᥖᥣᥒᥰ ᥘᥪᥛ ᥘᥤᥢ ᥟᥣ ᥛᥥᥱ ᥘᥤᥰ ᥐᥣᥳ ᥟᥩᥰ ᥔᥣ ᥖᥥᥰ ᥘᥤᥰ ᥕᥣᥰ ᥟᥣᥱ ᥜᥣ ᥘᥤᥰ ᥐᥣᥳ ᥔᥙᥳ ᥔᥣ ᥞᥣᥱ ᥞᥣᥰ ᥘᥦᥲ ᥘᥣᥭᥴ ᥘᥣᥭᥴ ᥖᥤ ᥘᥬᥰ ᥘᥨᥐ ᥘᥭᥳ ᥕᥧᥱ ᥕᥝᥳ။ ᥓᥣᥝᥰ ᥑᥣ ᥘᥤᥖᥳ ᥑᥝᥴ ᥕᥧᥛᥱ ᥕᥛ ᥝᥣ ᥓᥝᥲ ᥕᥥᥱ ᥔᥧᥳ ᥙᥥᥢ ᥓᥝᥲ ᥛᥣᥱ ᥔᥣᥭᥱ ᥕᥣᥱ ᥟᥢ ᥙᥣᥱ ᥖᥤᥖᥴ ᥝᥭᥳ ᥘᥬᥰ ᥙᥙᥳ ᥗᥛᥰ ᥘᥤᥰ ᥙᥣᥰ ᥟᥢ ᥘᥬᥰ ᥔᥣᥱ ᥔᥢᥱ ᥘᥣᥱ ᥑᥣ ᥘᥤᥖᥳ ᥑᥝᥴ ᥞᥩᥒᥳ ᥝᥣ "ᥙᥙᥳ ᥗᥛᥰ ᥟᥢ ᥐᥝᥱ" ᥙᥪᥢᥳ ᥗᥣᥢ ᥙᥣᥭᥰ ᥜᥤᥒᥲ ᥖᥦᥖ ᥔᥣᥱ ᥔᥢᥱ ᥘᥣᥱ ᥑᥣ ᥘᥤᥖᥳ ᥘᥥᥴ ᥟᥩᥐᥱ ᥛᥣᥰ ᥘᥬᥰ ᥘᥐᥴ ᥙᥫᥒ ᥕᥧᥛᥱ ᥕᥛ (ecumenical creed) ᥟᥢ ᥛᥤᥰ ᥛᥣᥰ ᥓᥥᥛ ᥛᥫ ᥔᥣᥱ ᥔᥢᥱ ᥘᥣᥱ ᥑᥣ ᥘᥤᥖᥳ ᥙᥣᥢ ᥞᥦᥐ ᥘᥦᥲ ᥙᥥᥢ ᥖᥤ ᥟᥢ ᥖᥒᥰ ᥘᥣᥭᥴ ᥘᥬᥰ ᥓᥣᥝᥰ ᥑᥣ ᥘᥤᥖᥳ ᥑᥝᥴ ᥕᥩᥛᥰ ᥞᥙᥳ။ ᥛᥤᥰ ᥐᥣᥢ ᥙᥪᥢᥰ ᥘᥣᥖ ᥑᥨᥝᥲ ᥕᥧᥛᥱ ᥕᥛ ᥝᥣ ᥓᥝᥲ ᥕᥥᥱ ᥔᥧᥳ ᥘᥭᥲ ᥞᥙᥳ ᥙᥣᥱ ᥖᥤᥖᥴ ᥔᥥᥒᥲ ᥓᥨᥝ ᥘᥦᥲ ᥗᥧᥐᥴ ᥚᥒᥴ ᥝᥭᥳ ᥛᥫ ᥙᥭᥱ ᥑᥤᥰ ᥓᥬ ᥑᥪᥢᥰ ᥙᥧᥢ ᥖᥣᥱ ᥙᥢ ᥓᥨᥝ ᥙᥣᥢ ᥗᥣᥱ ᥝᥣᥱ ᥘᥣᥳ ᥓᥫᥰ ᥚᥧᥱ ᥕᥧᥛᥱ ᥕᥛ ᥓᥝᥲ ᥕᥥᥱ ᥔᥧᥳ ᥘᥦᥲ ᥓᥫᥰ ᥚᥧᥱ ᥝᥭᥳ ᥝᥣᥒᥰ ᥓᥬ ᥝᥣ ᥓᥝᥲ ᥕᥥᥱ ᥔᥧᥳ ᥙᥥᥢ ᥚᥧᥰ ᥜᥨᥖᥱ ᥟᥝ ᥖᥣᥒᥰ ᥚᥤᥖᥴ[8] ᥓᥣᥝᥰ ᥑᥣ ᥘᥤᥖᥳ ᥑᥝᥴ ᥕᥒᥰ ᥕᥧᥛᥱ ᥕᥛ ᥝᥣ ᥓᥝᥲ ᥕᥥᥱ ᥔᥧᥳ ᥑᥪᥢᥰ ᥛᥫᥒᥰ ᥚᥤᥴ ᥟᥢ ᥛᥢᥰ ᥓᥝᥲ ᥐᥧᥛᥰ ᥐᥣᥢᥰ ᥘᥦᥲ ᥐᥦᥖᥱ ᥑᥥᥴ ᥓᥝᥲ ᥚᥣᥰ ᥘᥣᥰ ᥙᥨᥝ ᥘᥨᥒᥴ ᥙᥥᥢ ᥓᥝᥲ ᥐᥫᥒᥰ ᥑᥣ ᥘᥤᥖᥳ ᥐᥛᥳ ᥘᥛᥴ ᥔᥩᥢᥱ ᥝᥣ ᥓᥝᥲ ᥕᥥᥱ ᥔᥧᥳ ᥖᥥᥴ ᥙᥩᥐ ᥛᥣᥰ ᥑᥪᥢᥰ ᥖᥩᥢᥱ ᥚᥤᥒᥲ ᥐᥨᥢᥰ ᥞᥝᥰ ᥐᥧ ᥐᥨᥝᥳ ᥖᥒᥰ ᥐᥨᥢᥰ ᥑᥤᥰ ᥘᥦᥲ ᥐᥨᥢᥰ ᥖᥣᥭ ᥖᥥᥴ ᥛᥣᥰ ᥙᥢ ᥓᥨᥝ ᥔᥣᥐ ᥛᥢᥰ ᥓᥝᥲ[9] ᥙᥫᥢ ᥖᥨᥭᥰ ᥞᥢᥴ ᥝᥣ ᥓᥝᥲ ᥕᥥᥱ ᥔᥧᥳ ᥙᥥᥢ ᥖᥨᥝ ᥕᥣᥒᥱ ᥓᥨᥝ ᥙᥣᥢ ᥟᥢ ᥞᥣᥒ ᥘᥤ ᥒᥣᥛᥰ ᥘᥦᥲ ᥙᥥᥢ ᥙᥣᥰ ᥚᥧᥱ ᥚᥥᥴ ᥑᥣᥛᥰ ᥔᥩᥢᥴ ᥘᥦᥲ ᥙᥥᥢ ᥓᥝᥲ ᥚᥣᥰ ᥘᥣᥰ ᥘᥨᥒᥰ ᥛᥣᥰ ᥐᥫᥖᥱ ᥙᥥᥢ ᥐᥨᥢᥰ[10] ᥛᥫ ᥕᥣᥛᥰ ᥓᥝᥳ ᥓᥨᥝ ᥙᥣᥐᥱ ᥙᥤ ᥑᥣ ᥘᥤᥖᥳ 21 ᥓᥣᥝᥰ ᥑᥣ ᥘᥤᥖᥳ ᥛᥩᥐ 2.2 ᥞᥥᥒᥴ ᥘᥣᥢᥳ ᥐᥨᥝᥳ ᥘᥬᥰ ᥘᥨᥐ[11][12] ᥕᥝᥳ ᥐᥩᥲ ᥙᥥᥢ ᥔᥣᥱ ᥔᥢᥱ ᥘᥣᥱ ᥐᥪᥐᥴ ᥓᥪᥒ ᥛᥫᥒᥰ ᥘᥣᥭᥴ ᥘᥣᥭᥴ ᥓᥪᥒ ᥛᥫᥒᥰ ᥙᥣᥰ ᥕᥧᥱ ᥕᥝᥳ.
ᥙᥫᥒ ᥟᥤᥒ
- ↑ Briggs, Charles A. The fundamental Christian faith: the origin, history and interpretation of the Apostles' and Nicene creeds. C. Scribner's sons, 1913. Books.Google.com
- ↑ (2005) in S. T. Kimbrough: Orthodox and Wesleyan Scriptural understanding and practice. St Vladimir's Seminary Press. ISBN 9780881413014.
- ↑ Robinson, Essential Judaism: A Complete Guide to Beliefs, Customs and Rituals, p. 229.
- ↑ Esler. The Early Christian World. p. 157f.
- ↑ Religion in the Roman Empire, Wiley-Blackwell, by James B. Rives, page 196
- ↑ Catholic encyclopedia New Advent
- ↑ McManners, Oxford Illustrated History of Christianity, pp. 301–03.
- ↑ Sheed, Frank. Theology and Sanity. (Ignatius Press: San Francisco, 1993), pp. 276.
- ↑ Christianity. Knowledge Resources. Berkley Center for Religion, Peace, and World Affairs. Archived from the original on 2013-03-15။ Retrieved on 2011-11-22။
- ↑ McGrath, Christianity: An Introduction, pp. 4–6.
- ↑ Hinnells, The Routledge Companion to the Study of Religion, p. 441.
- ↑ Zoll, Rachel။ "Study: Christian population shifts from Europe"၊ December 19, 2011။ ᥑᥪᥢᥰᥛᥦᥰᥐᥨᥖᥱᥗᥖᥰᥝᥭᥳᥕᥝᥳᥛᥫᥝᥲ- 19 December 2011။။