ᥙᥣᥭᥰ ᥓᥣᥒ ᥟᥢ ᥝᥣ ᥘᥭᥳ ᥙᥥᥢ ᥘᥩᥒ ᥛᥨᥝᥴ ᥕᥧᥒᥱ ᥖᥪᥰ ᥑᥫᥒ ᥛᥪᥰ(tool)ᥘᥦᥲ ᥖᥣᥒᥰ ᥛᥨᥝᥴ (craft) ᥘᥢᥳ ᥕᥝᥳ။ ᥖᥤ ᥘᥬᥰ ᥖᥨᥒᥱ ᥝᥨᥒᥰ ᥐᥨᥢᥰ ᥞᥝᥰ ᥘᥭᥳ ᥘᥧᥐ ᥖᥤ ᥙᥣᥭᥰ ᥔᥣᥭ ᥘᥦᥲ ᥙᥣᥭᥰ ᥓᥣᥒ ᥓᥣᥐ(ᥟᥤᥢᥱ ᥓᥤᥢᥱ ᥢᥤᥱ ᥕᥣᥱ) ᥐᥩᥒᥳ ᥐᥣᥭᥱ ᥐᥢ ᥔᥥᥴ ᥙᥣᥭᥰ ᥓᥣᥒ ᥐᥩᥲ ᥓᥒᥱ ᥘᥭᥲ ᥛᥤᥰ ᥛᥣᥰ ᥘᥣᥭᥴ ᥘᥣᥭᥴ ᥛᥥᥝᥰ ᥕᥧᥱ ᥕᥝᥳ။ ᥙᥣᥭᥰ ᥓᥣᥒ ᥟᥢ ᥑᥣᥛᥰ ᥟᥤᥒᥰ ᥐᥣ ᥘᥥᥖᥳ ᥝᥣ technology ᥘᥭᥳ ᥒᥝᥲ ᥖᥪᥢᥰ ᥛᥢᥰ ᥘᥧᥐ ᥖᥤ ᥑᥣᥛᥰ ᥐᥤᥐ ᥟᥢ ᥝᥣ technologia ᥘᥢᥳ ᥛᥣᥰ ᥕᥝᥳ။ ᥛᥫ ᥖᥥᥱ ᥖᥥᥱ ᥛᥢᥰ ᥙᥣᥭᥰ ᥓᥣᥒ ᥖᥣᥒᥰ ᥛᥨᥝᥴ ᥐᥨᥢᥰ ᥞᥝᥰ ᥘᥭᥳ ᥘᥧᥐ ᥖᥤ ᥐᥣᥢ ᥕᥧᥒᥱ ᥖᥪᥰ ᥑᥫᥒ ᥛᥤᥰ ᥚᥥᥒᥱ ᥚᥥᥒᥱ(ᥕᥨᥝᥰ ᥕᥨᥝᥰ)ᥔᥥᥴ ᥕᥝᥳ ᥓᥒᥱ ᥘᥭᥲ ᥞᥨᥢ ᥛᥨᥢᥰ ᥑᥪᥢᥲ ᥕᥬᥱ ᥛᥣᥰ။ ᥓᥥᥛ ᥛᥫ ᥙᥭᥱ ᥛᥤᥰ ᥐᥣᥢ ᥛᥣᥭᥴ ᥖᥛᥰ ᥙᥪᥢᥰ ᥘᥢᥳ ᥐᥩᥙ ᥙᥫ ᥐᥨᥢᥰ ᥞᥝᥰ ᥛᥤᥰ ᥙᥣᥭᥰ ᥓᥣᥒ ᥘᥣᥭᥰ ᥐᥧᥛᥰ ᥜᥭᥰ ᥔᥥᥴ ᥘᥦᥲ ᥓᥒᥱ ᥓᥣᥒ ᥞᥥᥖᥱ ᥞᥬᥲ ᥖᥣᥒᥰ ᥐᥤᥢ ᥖᥣᥒᥰ ᥕᥦᥛᥳ ᥖᥫᥰ ᥘᥤ ᥐᥤᥢ ᥘᥤ ᥕᥦᥛᥳ ᥛᥣᥰ၊ ᥕᥝᥳ ᥐᥩᥲ ᥝᥣᥭᥰ ᥛᥣᥰ ᥕᥩᥢᥳ ᥘᥨᥭ ᥙᥣᥭᥰ ᥓᥣᥒ ᥟᥢ ᥛᥨᥝᥴ ᥑᥨᥒ ᥔᥣᥒᥲ ᥛᥣᥐᥱ ᥢᥤᥛᥰ(Wheel)ᥔᥥᥴ ᥘᥦᥲ ᥖᥫᥰ ᥞᥥᥖᥱ ᥞᥬᥲ ᥐᥣᥢ ᥐᥣᥱ ᥖᥣ ᥙᥭ ᥖᥣᥒᥰ ᥐᥨᥢᥰ ᥞᥝᥰ ᥒᥣᥭᥲ ᥕᥣᥛᥳ ᥛᥣᥰ ᥕᥧᥱ ᥕᥝᥳ။ ᥔᥪᥙᥱ ᥔᥥᥴ ᥕᥩᥢᥳ ᥘᥨᥭ ᥖᥣᥒᥰ ᥞᥨᥢ ᥛᥨᥢᥰ ᥙᥣᥭᥰ ᥓᥣᥒ ᥕᥣᥛᥰ ᥓᥒᥱ ᥘᥭᥳ ᥚᥦᥒᥴ ᥘᥒᥱ ᥞᥨᥒᥰ ᥚᥤᥛᥰ၊ ᥚᥩᥒ ᥚᥩᥒ(ᥖᥥᥱ ᥘᥤᥱ ᥜᥨᥢᥰ) ᥘᥦᥲ ᥟᥤᥢᥰ ᥖᥫᥲ ᥢᥦᥖᥳ ᥓᥫᥰ ᥘᥭᥳ ᥘᥦᥲ ᥐᥨᥢᥰ ᥞᥝᥰ ᥑᥣᥛᥲ ᥘᥭᥲ ᥘᥩᥒ ᥕᥣᥙᥱ ᥚᥪᥖᥱ ᥐᥣᥢ ᥐᥙᥴ ᥔᥣᥢᥴ ᥛᥣᥰ ᥔᥥᥴ ᥓᥣᥒ ᥐᥙᥱ ᥔᥪᥙᥱ ᥔᥪᥱ ᥔᥣᥢᥴ ᥖᥨᥝᥱ ᥖᥒᥰ ᥙᥧᥢᥳ ᥖᥤ ᥙᥣᥱ ᥐᥛᥱ ᥜᥣᥱ ᥛᥣᥰ ᥘᥭᥲ ᥕᥧᥱ ᥕᥝᥳ။ ᥐᥩᥭᥰ ᥘᥣᥱ ᥟᥛᥱ ᥓᥬ ᥘᥦᥲ ᥝᥣ ᥙᥣᥭᥰ ᥓᥣᥒ (ᥖᥣᥒᥰ ᥛᥨᥝᥴ) ᥐᥧ ᥟᥢ ᥘᥭᥲ ᥟᥝ ᥛᥣᥰ ᥕᥧᥒᥱ ᥖᥪᥰ ᥖᥩᥢ ᥖᥣᥱ ᥘᥩᥒ ᥒᥤᥛᥰ ᥕᥥᥢ ᥐᥨᥢᥰ ᥞᥝᥰ ᥐᥧ ᥛᥥᥝᥰ ᥘᥒᥱ ᥐᥝᥱ။ ᥙᥩᥰ ᥖᥨᥭᥰ ᥑᥪᥢᥰ ᥘᥬᥰ ᥙᥪᥢᥰ ᥘᥭᥴ ᥘᥧᥐ ᥖᥤ ᥟᥝ ᥛᥣᥐᥱ ᥞᥤᥢᥴ ᥞᥥᥖᥱ ᥑᥫᥒ ᥕᥤᥙᥱ ᥘᥣᥐ ᥘᥣᥐ ᥔᥥᥴ ᥔᥛᥳ ᥙᥨᥝᥰ ᥑᥪᥢᥲ ᥕᥬᥱ ᥗᥪᥒᥴ ᥛᥣᥰ ᥓᥢᥳ ᥘᥣᥐ ᥘᥣᥐ ᥢᥤᥝᥰ ᥑᥣ ᥘᥤᥰ ᥕᥬᥰ ᥛᥣᥰ ᥕᥧᥱ ᥕᥝᥳ။
ᥙᥣᥭᥰ ᥓᥣᥒ ᥘᥭᥳ ᥞᥨᥛᥱ ᥒᥛᥰ ᥝᥭᥳ ᥘᥫᥴ ᥖᥨᥒᥱ ᥝᥨᥒᥰ ᥐᥨᥢᥰ ᥞᥝᥰ ᥘᥦᥲ ᥘᥩᥒ ᥝᥦᥖᥳ ᥘᥩᥛᥳ ᥞᥝᥰ ᥘᥭᥳ ᥝᥭᥳ ᥕᥧᥱ ᥐᥧ ᥘᥣᥭᥰ ᥘᥣᥭᥰ ᥕᥝᥳ။ ᥙᥩᥰ ᥖᥤᥴ ᥖᥨᥭᥰ ᥖᥤ ᥛᥧᥱ ᥓᥧᥛᥰ ᥐᥩᥲ ᥙᥣᥭᥰ ᥓᥣᥒ ᥘᥭᥳ ᥞᥥᥖᥱ ᥞᥬᥲ ᥖᥫᥰ ᥛᥤᥰ ᥛᥣᥰ ᥐᥣᥢ ᥛᥣᥐ ᥛᥤᥰ ᥟᥢ ᥑᥪᥢᥲ ᥕᥬᥱ ᥔᥥᥴ ᥕᥨᥐ ᥛᥨᥢᥰ ᥙᥢ ᥓᥢᥳ ᥗᥣᥢ ᥞᥬᥲ ᥖᥫᥰ ᥛᥤᥰ ᥘᥩᥒ ᥕᥧᥱ ᥒᥣᥭ ᥘᥨᥛᥴ ᥓᥬ ᥛᥣᥰ ᥕᥧᥱ ᥕᥝᥳ။ ᥐᥩᥭᥰ ᥘᥣᥱ ᥐᥣᥢ ᥒᥣᥢᥰ ᥟᥢ ᥐᥣᥭᥱ ᥘᥨᥭ ᥙᥣᥭᥰ ᥛᥣᥒ ᥐᥛᥳ ᥘᥛᥴ ᥐᥩᥲ ᥔᥛᥳ ᥚᥧᥭᥱ ᥟᥩᥐᥱ ᥙᥣᥰ ᥑᥨᥝᥰ ᥑᥩᥒᥴ ᥟᥢ ᥓᥣᥒ ᥔᥣᥒ ᥖᥨᥝᥱ ᥑᥨᥝᥰ ᥒᥝᥰ ᥖᥪᥢᥰ ᥜᥤᥒᥲ ᥖᥪᥢᥰ ᥙᥥᥢ ᥔᥥᥴ ᥟᥛᥱ ᥐᥣᥰ ᥞᥥᥖᥱ ᥞᥬᥲ ᥘᥦᥒ ᥘᥨᥛᥰ၊ ᥘᥦᥒ ᥘᥤᥢ၊ ᥘᥦᥒ ᥘᥛᥳ ᥛᥤᥰ ᥘᥩᥒ ᥝᥨᥭᥱ ᥞᥒᥲ(pollution) ᥘᥭᥴ ᥐᥩᥲ ᥛᥤᥰ ᥕᥧᥱ ᥘᥒᥱ ᥐᥝᥱ ᥕᥝᥳ။
ᥖᥤ ᥖᥥᥳ ᥛᥢᥰ ᥘᥭᥴ ᥖᥨᥝᥱ ᥗᥪᥒᥴ ᥞᥢᥳ ᥖᥨᥝᥱ ᥘᥥᥝ ᥖᥥᥳ ᥚᥧᥱ ᥟᥢ ᥛᥨᥝᥴ ᥞᥨᥢ ᥛᥨᥢᥰ ᥘᥭᥲ ᥙᥣᥭᥰ ᥓᥣᥒ ᥘᥢᥳ ᥕᥧᥛᥱ ᥕᥛ ᥘᥭᥲ ᥝᥣ ᥖᥪᥐ ᥛᥤᥰ ᥟᥣ ᥛᥥᥝᥰ ᥐᥨᥢᥰ ᥑᥫᥰ ᥞᥝᥰ ᥐᥩᥭᥰ ᥘᥭᥴ ᥕᥧᥱ။ ᥐᥩᥭᥰ ᥘᥣᥱ ᥛᥫ ᥙᥨᥢᥳ ᥛᥣᥰ ᥟᥛᥱ ᥞᥪᥒᥴ ᥘᥢᥳ ᥓᥩᥛᥰ ᥘᥒᥱ ᥘᥩᥒ ᥔᥩᥐ ᥗᥨᥙᥱ ᥚᥣᥭᥱ ᥙᥣᥭᥰ ᥔᥣᥭ ᥔᥥᥴ ᥘᥭᥲ ᥞᥨᥙ ᥞᥢᥴ ᥛᥣᥰ ᥝᥣ ᥙᥣᥭᥰ ᥛᥥᥖ(Primate)ᥘᥦᥲ ᥙᥣ ᥘᥨᥒᥴ ᥛᥫᥒᥰ(Wale)ᥛᥣᥒ ᥚᥩᥒ ᥐᥩᥲ ᥛᥨᥝᥴ ᥑᥨᥒ ᥔᥣᥒᥲ ᥕᥧᥒᥱ ᥖᥪᥰ ᥑᥫᥒ ᥛᥪᥰ ᥚᥥᥒᥱ ᥚᥥᥒᥱ ᥔᥥᥴ ᥟᥛᥱ ᥐᥣᥰ ᥛᥨᥝᥴ ᥔᥩᥢᥴ ᥙᥣᥭᥰ ᥓᥣᥒ ᥓᥝᥲ ᥐᥝᥱ ᥙᥢ ᥓᥫᥳ ᥑᥫᥰ ᥟᥣ ᥛᥥᥝᥰ ᥖᥣᥒᥱ ᥓᥫᥰ ᥘᥭᥲ ᥙᥣᥰ ᥘᥭᥴ ᥕᥧᥱ ᥕᥝᥳ။