ᥘᥨᥐ ᥖᥧᥲ ᥘᥭᥳ ᥑᥝᥲ ᥙᥣᥰ ᥘᥬᥰ ᥛᥥᥝᥰ ᥐᥨᥝᥱ ᥘᥛᥱ ᥝᥤᥱ ᥖᥤᥱ ᥓᥫᥒᥳ ᥘᥒᥱ ᥐᥣ ᥟᥪᥲ ᥔᥥᥴ ᥛᥢᥰ ᥖᥨᥝ ᥟᥩᥢᥱ ᥔᥥᥴ ᥐᥣ ᥟᥪᥲ ᥟᥤᥖᥴ ᥘᥫᥒ။ ᥐᥣ ᥟᥪᥲ ᥘᥦᥲ ᥘᥨᥐᥳ ᥖᥧᥲ ᥘᥭᥳ ᥕᥩᥢᥳ ᥙᥥᥢ ᥛᥥᥝᥰ ᥘᥥᥝ ᥘᥦᥲ ᥘᥩᥒ ᥐᥣᥱ ᥘᥩᥒ ᥙᥭ ᥘᥩᥒ ᥞᥣᥴ ᥐᥤᥢ ᥑᥣᥴ ᥕᥦᥛᥳ ᥞᥣᥒ ᥚᥣᥒᥴ ᥖᥨᥒᥳ ᥘᥪᥒᥴ ᥑᥝᥴ ᥟᥛᥱ ᥙᥩᥰ ᥙᥫᥒ ᥐᥢ။ ᥐᥩᥭᥰ ᥐᥣ ᥘᥨᥐᥳ ᥖᥧᥲ ᥘᥭᥳ ᥛᥥᥝᥰ ᥛᥢᥰ ᥛᥤᥰ ᥖᥒᥰ ᥘᥛᥴ ᥘᥦᥲ ᥚᥥᥴ ᥕᥣᥙᥱ ᥝᥭᥳ ᥕᥧᥱ။
ᥐᥨᥢᥰ ᥞᥤᥱ ᥝᥣ ᥘᥧᥰ ᥑᥝᥴ ᥛᥫ ᥐᥩᥢᥱ ᥘᥢᥳ ᥑᥝᥴ ᥟᥝ ᥓᥥᥢ (ᥙᥥᥳ ᥓᥥᥢ) ᥔᥥᥴ ᥙᥧᥱ ᥓᥨᥝᥱ ᥚᥤᥴ ᥝᥣ ᥘᥭᥳ ᥔᥥᥴ ᥖᥣᥳ ᥓᥫᥰ ᥐᥨᥢᥰ ᥚᥣᥢᥴ ᥟᥢ ᥟᥛᥱ ᥙᥥᥢ ᥘᥭᥲ ᥘᥒᥱ ᥘᥢᥴ ᥘᥢᥳ ᥔᥛᥳ ᥘᥭᥲ ᥟᥝ ᥘᥨᥐ ᥖᥧᥲ ᥙᥧᥱ ᥓᥨᥝᥱ ᥚᥤᥴ ᥘᥭᥴ ᥕᥝᥳ။ ᥘᥨᥐᥳ ᥖᥧᥲ ᥘᥭᥳ ᥖᥤ ᥘᥬᥰ ᥘᥤᥐ ᥔᥛᥱ ᥛᥣᥱ ᥘᥢᥳ ᥘᥣᥖ ᥝᥭᥳ ᥝᥣ ᥙᥥᥢ ᥘᥨᥐ ᥟᥢ ᥟᥛᥱ ᥛᥤᥰ ᥖᥣᥒᥰ ᥚᥤᥖᥴ ᥘᥭᥴ ᥕᥧᥱ။ ᥛᥫ ᥘᥢᥳ ᥐᥨᥢᥰ ᥞᥤᥱ ᥝᥣᥳ ᥘᥧᥰ ᥑᥝᥴ ᥐᥩᥲ ᥛᥐᥴ ᥛᥢᥲ ᥝᥣ ᥘᥨᥐᥳ ᥖᥧᥲ ᥘᥭᥳ ᥙᥥᥢ ᥘᥨᥐ ᥑᥪᥐᥳ ᥖᥩᥢᥰ ᥙᥧᥢᥳ ᥖᥣᥱ ᥑᥝᥴ ᥕᥧᥱ၊ ᥐᥣᥙ ᥙᥣᥢ ᥕᥣᥛᥰ ᥘᥥᥝ ᥘᥨᥐ ᥖᥧᥲ ᥘᥭᥳ ᥐᥨᥢᥰ ᥖᥒᥰ ᥐᥛᥱ ᥚᥣᥱ ᥛᥣᥭᥴ ᥙᥥᥢ ᥝᥣ ᥘᥨᥐ ᥒᥛᥰ ᥕᥥᥢ ᥘᥭᥴ ᥕᥧᥱ။
ᥘᥨᥐ ᥖᥧᥲ ᥘᥬᥰ ᥓᥥ ᥛᥫᥒᥰ ᥖᥭᥰ ᥞᥝᥰ ᥘᥭᥳ ᥛᥤᥰ ᥕᥧᥱ ᥘᥣᥭᥴ ᥘᥣᥭᥴ ᥛᥥᥝᥰ ᥘᥒᥱ ᥐᥝᥱ၊ ᥘᥨᥐ ᥖᥧᥲ ᥛᥨᥢᥱ၊ ᥘᥨᥐ ᥖᥧᥲ ᥖᥩᥒᥰ၊ ᥘᥨᥐ ᥖᥧᥲ ᥑᥨᥝᥰ ᥑᥥᥝᥴ ᥘᥭᥴ ᥛᥤᥰ ᥖᥒᥰ ᥘᥛᥴ။ ᥑᥫᥒ ᥟᥣᥒᥱ ᥐᥣᥱ ᥘᥧᥐ ᥟᥩᥢᥱ ᥓᥣᥭᥰ ᥘᥢᥳ ᥐᥩᥲ ᥟᥝ ᥙᥥᥢ ᥑᥣᥛᥰ ᥞᥣᥒ ᥘᥤ ᥔᥥᥴ ᥞᥩᥒᥳ ᥝᥣ"ᥘᥨᥐᥳ ᥖᥧᥲ ᥟᥩᥢᥱ" ᥘᥭᥴ ᥕᥧᥱ။