ᥘᥦᥖᥱ ᥘᥭᥳ ᥙᥥᥢ ᥘᥣᥝ ᥞᥨᥭᥱ ᥘᥫᥒ ᥟᥢ ᥛᥤᥰ ᥘᥬᥰ ᥖᥨᥒᥱ ᥝᥨᥒᥰ ᥘᥦᥖᥱ ᥕᥝᥳ. ᥓᥨᥝᥱ ᥟᥢ ᥛᥤᥰ ᥘᥬᥰ ᥖᥨᥒᥱ ᥝᥨᥒᥰ ᥘᥦᥖᥱ ᥘᥢᥳ, ᥕᥧᥱ ᥖᥤ ᥔᥥᥢᥲ ᥖᥣᥒᥰ ᥚᥬᥴ ᥛᥢᥰ ᥔᥥᥴ ᥙᥢᥱ ᥞᥩᥙ ᥘᥦᥖᥱ ᥝᥭᥳ ᥕᥝᥳ. ᥘᥦᥖᥱ ᥘᥭᥳ ᥙᥥᥢ ᥞᥨᥭᥱ ᥙᥧᥱ ᥘᥧᥒᥰ ᥘᥫᥒᥴ ᥟᥢ ᥘᥫᥒ ᥕᥝᥳ.
ᥙᥩᥰ ᥖᥥᥳ, ᥘᥦᥖᥱ ᥘᥭᥳ ᥙᥥᥢ ᥙᥧᥱ ᥘᥧᥒᥰ ᥘᥨᥒᥴ ᥟᥢ ᥘᥫᥒ ᥟᥢ ᥖᥦᥐᥱ ᥝᥭᥳ ᥕᥧᥱ ᥖᥣᥱ ᥔᥥᥱ ᥕᥝᥳ. ᥐᥩᥙ ᥙᥫ ᥖᥦᥐᥱ ᥛᥥᥝᥰ ᥘᥢᥴ ᥘᥬ, ᥛᥢᥰ ᥗᥧᥐᥴ ᥙᥢ ᥞᥦᥒᥰ ᥔᥣᥭᥴ ᥘᥦᥖᥱ ᥖᥒᥰ ᥘᥛᥴ. ᥘᥦᥖᥱ ᥘᥭᥳ ᥕᥧᥱ ᥐᥭ ᥞᥝᥰ ᥞᥦᥒᥰ ᥝᥭᥳ ᥔᥥᥴ ᥖᥣᥳ, ᥐᥨᥢᥰ ᥞᥝᥰ ᥐᥩᥲ ᥘᥭᥲ ᥞᥙ ᥑᥣᥛᥱ ᥟᥝ ᥞᥦᥒᥰ ᥔᥣᥭᥴ ᥘᥦᥖᥱ ᥖᥒᥰ ᥘᥛᥴ. ᥐᥩᥙ ᥙᥫ ᥘᥦᥖᥱ ᥘᥭᥳ ᥙᥫᥒᥰ ᥞᥦᥒᥰ ᥚᥦᥝᥴ, ᥞᥝᥰ ᥖᥤᥴ ᥟᥝ ᥖᥣ ᥞᥝᥰ ᥖᥨᥭᥰ ᥛᥢᥰ ᥕᥒ ᥘᥭᥳ. ᥙᥩᥰ ᥕᥧᥒᥱ ᥖᥪᥰ ᥟᥣᥢᥱ ᥖᥣᥱ ᥞᥥᥳ ᥘᥦᥖᥱ ᥖᥥᥳ ᥖᥥᥴ ᥘᥭᥲ ᥞᥢᥴ ᥛᥢᥰ ᥕᥧᥱ. ᥘᥦᥖᥱ ᥘᥭᥳ ᥛᥢᥰ ᥗᥧᥐᥴ ᥙᥢ ᥔᥣᥭᥴ ᥞᥫ ᥘᥦᥒᥰ, ᥗᥣᥖ ᥛᥭᥲ ᥘᥦᥲ ᥘᥨᥛᥰ ᥘᥦᥖᥱ (Solar Wind) ᥕᥝᥳ. ᥖᥣᥱ ᥐᥨᥢᥰ ᥞᥝᥰ, ᥖᥨᥝ ᥔᥖᥴ ᥘᥦᥲ ᥖᥨᥢᥲ ᥛᥭᥳ ᥖᥨᥢᥲ ᥛᥩᥐᥱ, ᥖᥥᥴ ᥛᥤᥰ ᥔᥣᥭᥴ ᥓᥬ ᥘᥢᥳ, ᥘᥦᥖᥱ ᥘᥭᥳ ᥛᥢᥰ ᥙᥥᥢ ᥟᥢ ᥘᥩᥒ ᥕᥬᥱ ᥔᥤᥴ ᥙᥫᥢ ᥕᥝᥳ.
ᥘᥦᥖᥱ ᥘᥭᥳ ᥛᥤᥰ ᥝᥭᥳ ᥖᥤ ᥘᥬᥰ ᥐᥣᥒ ᥖᥨᥒᥱ ᥝᥨᥒᥰ ᥘᥦᥖᥱ ᥔᥥᥴ, ᥓᥨᥝᥱ ᥖᥒᥰ ᥛᥨᥖᥴ ᥐᥩᥲ ᥙᥢᥱ ᥞᥩᥙ ᥛᥢᥰ ᥝᥭᥳ ᥕᥝᥳ. ᥔᥥᥢᥲ ᥖᥣᥒᥰ ᥓᥨᥝᥱ ᥟᥢ ᥙᥢᥱ ᥞᥩᥙ ᥘᥦᥖᥱ ᥘᥢᥳ, ᥛᥫᥢᥴ ᥞᥣᥒ ᥑᥭᥱ ᥙᥥᥖᥱ ᥝᥭᥳ ᥕᥝᥳ. ᥓᥨᥝᥱ ᥟᥢ ᥕᥧᥱ ᥓᥛ ᥘᥦᥖᥱ ᥘᥢᥳ ᥖᥫᥰ ᥛᥭᥳ ᥖᥫᥰ ᥟᥧᥢᥱ ᥔᥤ ᥓᥨᥝᥱ ᥟᥢ ᥕᥧᥱ ᥐᥭ ᥘᥦᥖᥱ ᥝᥭᥳ ᥕᥝᥳ.
ᥖᥤ ᥘᥬᥰ ᥘᥦᥖᥱ ᥘᥢᥳ, ᥛᥤᥰ ᥝᥭᥳ ᥗᥣᥖ ᥛᥭᥲ ᥟᥢ ᥞᥣᥝᥳ ᥞᥦᥒᥰ ᥘᥦᥲ ᥞᥦᥒᥰ ᥖᥥᥐᥴ ᥟᥢ ᥘᥐᥴ ᥞᥦᥒᥰ ᥖᥥᥳ ᥖᥥᥳ. ᥐᥩᥙ ᥘᥣᥭᥴ ᥘᥦᥲ ᥞᥣᥭᥱ ᥖᥣᥱ ᥘᥨᥝᥱ ᥓᥤᥢᥱ ᥘᥣᥭ ᥙᥥᥢ ᥞᥤᥱ ᥘᥤᥱ ᥕᥢᥱ ᥔᥥᥴ ᥗᥧᥐᥱ ᥟᥩᥐᥱ ᥙᥢ ᥟᥥᥢ ᥞᥦᥒᥰ ᥘᥦᥖᥱ ᥖᥣᥒᥰ ᥘᥛᥴ ᥞᥝᥳ. ᥘᥩᥒ ᥘᥣᥭᥴ ᥙᥫᥢ ᥞᥩᥒᥳ ᥝᥣ Atomic Fusion ᥘᥭᥴ ᥕᥝᥳ. ᥘᥬᥰ ᥘᥦᥖᥱ ᥘᥢᥳ ᥛᥤᥰ ᥞᥣᥭᥱ ᥖᥣᥱ ᥘᥨᥝᥱ ᥓᥤᥢᥱ ᥐᥢᥳ ᥘᥛᥴ ᥘᥦᥲ ᥘᥫᥴ ᥔᥤᥴ ᥓᥫᥭᥰ ᥙᥥᥢ ᥙᥤᥱ ᥘᥤᥱ ᥕᥢᥱ ᥕᥝᥳ. ᥗᥣᥖ ᥘᥨᥛᥰ ᥟᥢ ᥛᥤᥰ ᥘᥛᥳ ᥘᥐᥴ ᥛᥨᥢᥴ ᥓᥫᥒᥳ ᥟᥩᥐᥱ ᥔᥤᥱ ᥓᥤᥢᥱ, ᥐᥣᥱ ᥙᥨᥢᥱ, ᥢᥤᥱ ᥕᥧᥢᥱ ᥘᥦᥲ ᥟᥣᥭᥰ ᥕᥧᥢᥰ ᥐᥩᥲ ᥛᥤᥰ ᥝᥭᥳ ᥕᥧᥱ ᥓᥦᥖᥴ ᥓᥦᥖᥴ.