Wp/tdd/ᥘᥤᥒᥰ

< Wp‎ | tdd
Wp > tdd > ᥘᥤᥒᥰ

ᥘᥤᥒᥰ ᥘᥭᥳ ᥙᥥᥢ ᥖᥨᥝ ᥔᥖᥴ ᥟᥢ ᥔᥩᥛᥴ ᥘᥛᥳ ᥘᥨᥛᥰ ᥔᥥᥴ ᥑᥝᥲ ᥙᥣᥰ ᥘᥬᥰ ᥓᥧᥛᥰ ( ᥙᥣ ᥘᥣᥭᥰ ᥛᥥᥐ ) ᥐᥩᥭᥰ ᥐᥣ ᥛᥤᥴ ᥘᥤᥒᥰ ᥘᥨᥒᥴ ᥘᥢᥳ ᥖᥥᥳ ᥟᥛᥱ ᥑᥝᥲ ᥙᥣᥰ ᥘᥬᥰ ᥟᥣ ᥛᥥᥝᥰ ᥘᥤᥒᥰ , ᥘᥤᥒᥰ ᥘᥭᥳ ᥙᥥᥢ ᥔᥖᥴ ᥟᥢ ᥛᥨᥝᥴ ᥞᥧᥳ ᥟᥩᥐᥴ ᥟᥦᥐᥴ ᥘᥦᥖ ᥑᥢᥰ ᥚᥬᥰ ᥘᥢᥳ ᥔᥥᥴ , ᥙᥥᥢ ᥛᥥᥝᥰ ᥔᥖᥴ ᥕᥥᥢᥱ ᥒᥥ ᥑᥪᥢᥲ ᥖᥨᥢᥲ ᥛᥭᥳ ᥐᥦᥙ ᥘᥫᥴ ᥔᥥᥴ ᥐᥨᥢᥰ ᥞᥧᥳ ᥓᥐᥴ ᥘᥤᥒᥰ ᥘᥭᥴ ᥞᥝᥳ , ᥘᥤᥒᥰ ᥐᥧ ᥖᥨᥝ ᥐᥧ ᥛᥥᥝᥰ ᥛᥥᥝᥰ ᥖᥪᥢᥰ ᥛᥤᥰ ᥞᥣᥒᥴ ᥛᥝᥱ ᥘᥢᥴ ᥞᥣᥒᥴ ᥙᥩᥖᥴ ᥙᥩᥖᥴ ᥟᥦᥢᥴ ᥕᥧᥱ .

Lightmatter guenon
Allens swamp monkey
Baby ginger monkey

ᥘᥤᥒᥰ ᥘᥭᥳ ᥟᥣ ᥛᥥᥝᥰ ᥛᥢᥰ ᥛᥤᥰ ᥘᥛᥴ ᥘᥣᥭᥴ , ᥘᥤᥒᥰ ᥛᥣᥒ ᥛᥥᥝᥰ ᥕᥧᥱ ᥘᥫᥴ ᥖᥨᥢᥲ ᥛᥭᥳ ᥛᥣᥒ ᥛᥥᥝᥰ ᥕᥧᥱ ᥘᥫᥴ ᥘᥤᥢ ᥙᥫᥒ ᥟᥤᥒ ( ᥙᥣ ᥘᥣᥭᥰ ᥛᥥᥐ )ᥙᥦᥐ ᥙᥫᥒ ᥐᥢ ᥞᥦᥴ ᥘᥤᥒᥰ ᥐᥩᥲ ᥟᥣ ᥛᥥᥝᥰ ᥛᥢᥰ ᥙᥦᥐᥱ ᥐᥢ ᥘᥛᥴ ᥘᥣᥭᥴ , ᥘᥩᥒᥰ ᥐᥤᥢ ᥑᥝᥴ ᥐᥩᥲ ᥐᥧ ᥕᥣᥒᥱ ᥛᥥᥝᥰ ᥕᥝᥳ . ᥖᥣᥒᥰ ᥐᥤᥢ ᥑᥝᥴ ᥙᥥᥢ ᥝᥭᥳ ᥛᥣᥐᥱ ᥛᥭᥳ ᥛᥣᥐᥱ ᥖᥩᥐᥱ,ᥛᥬ ᥛᥭᥳ , ᥛᥨᥒᥲ ᥛᥦᥒᥰ, ᥛᥩᥐᥱ ᥕᥣᥲ , ᥛᥥᥝᥰ ᥖᥨᥝ ᥔᥩᥛᥴ ᥘᥨᥛᥰ ᥟᥩᥢᥱ,ᥖᥨᥝ ᥐᥣᥢᥰ ᥖᥨᥝ ᥕᥧᥱ ᥘᥬᥰ ᥘᥛᥳ ᥘᥫᥴ ᥘᥤᥢ , ᥙᥧ ᥐᥩᥭᥰ ᥟᥛᥱ ᥐᥣᥰ ᥘᥤᥒᥰ ᥛᥣᥒ ᥓᥫᥰ ᥕᥒᥰ ᥐᥩᥭᥰ ᥐᥤᥢ ᥘᥤᥒᥰ ᥑᥪᥢᥰ ᥟᥢ ᥟᥣ ᥛᥥᥝᥰ ᥟᥛᥱ ᥛᥫᥢᥴ ᥐᥢ ᥘᥢᥳ ᥐᥩᥲ ᥑᥝᥴ , ᥐᥨᥢᥰ ᥛᥣᥒ ᥓᥫᥰ ᥘᥭᥳ ᥟᥝ ᥘᥤᥒᥰ ᥘᥥᥒᥳ ᥝᥭᥳ ᥖᥤ ᥞᥫᥢᥰ ᥐᥩᥲ ᥑᥝᥴ , ᥘᥤᥒᥰ ᥘᥭᥳ ᥐᥩᥙ ᥙᥫ ᥟᥣ ᥕᥣᥢᥱ ᥑᥝᥴ ᥘᥦᥖᥴ ᥚᥣᥭᥴ ᥑᥢᥴ ᥚᥬᥰ , ᥐᥩᥙ ᥝᥣ ᥓᥬ ᥑᥝᥴ ᥘᥦᥖᥴ ᥘᥦᥒ ᥞᥦᥴ ᥟᥛᥱ ᥐᥪᥒᥱ ᥘᥤ ᥘᥥᥒᥳ ᥝᥭᥳ ᥖᥤ ᥞᥫᥢᥰ , ᥘᥤᥒᥰ ᥘᥭᥳ ᥔᥝᥰ ᥕᥧᥱ ᥓᥩᥛᥰ ᥖᥤ ᥗᥫᥢᥱ ᥙᥣᥱ ᥛᥭᥳ ᥙᥣᥱ ᥕᥫᥲ ᥔᥣᥰ ᥝᥣᥰ ᥘᥣᥰ, ᥞᥣᥖᥱ ᥔᥣᥭᥰ ᥐᥩᥭᥰ ᥟᥛᥱ ᥟᥛᥱ ᥐᥣᥰ ᥘᥤᥒᥰ ᥛᥣᥒ ᥛᥥᥝᥰ ᥘᥭᥳ ᥕᥧᥱ ᥓᥩᥛᥰ ᥘᥩᥭ ᥛᥨᥭᥴ ᥑᥢᥴ ᥞᥦᥴ.