ᥙᥪᥢᥰ ᥔᥧᥢᥱ ᥖᥨᥝ edit
ᥓᥪ ᥟᥧᥲ - ᥓᥝᥲ ᥐᥣᥒᥰ ᥔᥫᥴ။
ᥓᥪ ᥛᥥ - ᥘᥣᥒᥰ ᥔᥦᥒᥴ ᥔᥨᥭᥱ။
ᥙᥤ ᥐᥫᥖᥱ - ᥙᥤ 2397 (ᥙᥤ ᥐᥨᥝᥰ ᥓᥣᥱ 1215) ᥘᥫᥢ ᥔᥤᥙᥴ ᥔᥩᥒᥴ ᥛᥬᥱ 7 ᥑᥛ၊ ᥝᥢᥰ ᥓᥢ။
ᥖᥤ ᥐᥫᥖᥱ - ᥛᥣᥢᥲ ᥐᥦᥒᥰ၊ ᥝᥥᥒᥰ ᥘᥣᥝᥰ ᥖᥨᥒᥱ ᥝᥥᥒᥰ ᥛᥫᥒᥰ ᥘᥣᥭᥰ။
ᥙᥣᥭᥰ ᥙᥦᥒᥱ ᥕᥣᥱ edit
ᥛᥫ ᥟᥣ ᥔᥣᥐ ᥘᥭᥲ (6) ᥙᥤ၊ᥘᥭᥲ ᥖᥥᥱ ᥚᥪᥐᥱ ᥞᥥᥢᥰ ᥟᥝ ᥘᥤᥐ ᥖᥤ ᥙᥨᥝ ᥐᥨᥢᥰ ᥗᥝᥲ ᥓᥝᥲ ᥑᥧᥰ ᥛᥨᥝᥴ ᥘᥨᥒᥴ ᥞᥝᥰ ᥓᥝᥲ ᥐᥣᥒᥰ ᥔᥫᥴ၊ ᥕᥧᥱ ᥞᥪᥒᥴ ᥘᥣᥢᥰ ᥛᥣᥰ ᥘᥣᥒᥰ ᥐᥩᥲ ᥟᥣ ᥔᥣᥐ ᥕᥬᥱ ᥑᥪᥢᥲ ᥛᥣᥰ ᥐᥧ ᥝᥢᥰ ᥘᥦᥲ ᥖᥒᥰ ᥞᥧᥳ ᥖᥣᥒᥰ ᥛᥨᥝᥴ ᥘᥣᥒᥰ ᥐᥩᥲ ᥖᥫᥰ ᥕᥬᥱ ᥔᥧᥒᥴ ᥑᥪᥢᥲ ᥓᥩᥛᥰ ᥛᥫᥢᥴ ᥐᥢ၊ ᥟᥧᥲ ᥐᥨᥢᥰ ᥗᥝᥲ ᥔᥩᥢᥴ ᥙᥢ ᥖᥣᥒᥰ ᥛᥨᥝᥴ ᥐᥧ ᥓᥫᥳ ᥐᥧ ᥙᥫᥒ ᥔᥥᥴ ᥘᥣᥒᥰ ᥐᥩᥲ ᥞᥥᥢᥰ ᥟᥝ ᥓᥩᥛᥰ ᥔᥛᥳ ᥙᥩᥰ ᥙᥥᥢ ᥛᥨᥝᥴ ᥔᥩᥢᥴ ᥘᥭᥲ ᥘᥧᥰ ᥕᥝᥳ။
ᥘᥣᥲ ᥞᥨᥝᥴ ᥖᥨᥝ ᥞᥫᥢᥰ edit
ᥖᥒᥲ ᥟᥝ ᥞᥨᥐᥱ ᥙᥤ ᥞᥥᥢᥰ ᥟᥝ ᥘᥤᥐ ᥘᥣᥭᥰ ᥖᥤ ᥙᥨᥝ ᥐᥨᥢᥰ ᥗᥝᥲ ᥗᥪᥒᥴ ᥙᥥᥢ ᥑᥧᥰ ᥛᥨᥝᥴ ᥛᥣᥰ ᥕᥝᥳ။ ᥖᥥᥱ ᥘᥣᥲ ᥞᥫᥢᥰ ᥖᥒᥰ "ᥔᥨᥝᥰ ᥓᥤᥢᥱ ᥘᥣᥳ " ᥛᥫ ᥘᥭᥲ ᥔᥣᥝᥰ ᥓᥥᥖᥱ ᥙᥤ ᥙᥤ 2424 ᥘᥫᥢ ᥓᥥᥒ ᥛᥬᥱ 8 ᥑᥛ။ ᥛᥢᥰ ᥘᥣᥒᥰ ᥘᥭᥲ ᥕᥧᥱ ᥗᥪᥒᥴ ᥞᥨᥐᥱ ᥔᥤᥙᥴ ᥔᥤᥱ ᥙᥤ။ ᥔᥧᥖᥴ ᥛᥨᥢ ᥔᥥᥒᥲ ᥐᥣᥛᥱ ᥐᥣᥱ ᥛᥫ 2461 ᥘᥫᥢ ᥔᥣᥛᥴ ᥛᥬᥱ 8 ᥑᥛ၊ ᥝᥢᥰ ᥓᥢ။
ᥙᥙ ᥟᥢ ᥖᥦᥛᥲ ᥟᥩᥐᥱ edit
ᥘᥤᥐ ᥟᥢ ᥛᥢᥰ ᥘᥣᥒᥰ ᥖᥦᥛᥲ ᥟᥩᥐᥱ ᥝᥭᥳ ᥓᥛᥰ -
1. ᥟᥣ ᥘᥩᥒᥰ ᥘᥨᥐ ᥑᥥᥝᥴ ᥟᥩᥢᥱ ᥔᥩᥒᥴ ᥛᥩᥢᥰ။
2. ᥟᥣ ᥘᥩᥒᥰ ᥑᥥᥴ ᥑᥛᥰ။
3. ᥟᥣ ᥘᥩᥒᥰ ᥛᥩᥒᥰ ᥔᥣᥛᥴ ᥘᥨᥛᥰ။
4. ᥟᥣ ᥘᥩᥒᥰ ᥑᥣᥭᥰ ᥐᥣ ᥔᥦᥒᥴ။
5. ᥘᥤᥐ ᥝᥤᥳ ᥔᥥᥱ ᥔᥢᥱ ᥘᥣᥱ ᥐᥣ ᥑᥛᥰ။
6. ᥘᥤᥐ ᥘᥨᥝᥰ ᥐᥣᥳ ᥝᥤᥳ ᥘᥥᥱ ᥕᥣᥳ။
7. ᥑᥧᥢᥴ ᥔᥣᥛᥴ ᥘᥨᥝᥰ ᥘᥣᥒᥰ ᥟᥧᥝᥲ ᥙᥥᥛᥱ။
8. ᥘᥣᥒᥰ ᥗᥣᥛᥴ ᥓᥣᥰ။
9.ᥘᥣᥒᥰ ᥟᥩᥢᥱ ᥐᥛ ᥔᥤᥢᥴ။
10.ᥟᥣ ᥘᥩᥒᥰ ᥒᥨᥝᥰ ᥑᥝᥴ ᥘᥥᥝᥴ။
ᥟᥛᥱ ᥙᥭᥱ ᥞᥢᥴ ᥐᥩᥲ ᥕᥒᥰ ᥛᥤᥰ ᥖᥒᥰ ᥘᥛᥴ။