ᥑᥣᥝᥰ ᥝᥨᥒ ᥘᥭᥳ，ᥕᥤᥢᥳ ᥘᥣᥢᥳ ᥔᥫᥢᥰ ᥞᥥᥖᥱ ᥟᥩᥐᥱ ᥜᥤᥒᥲ ᥙᥦᥒ ᥘᥣᥖ ᥘᥭᥲ ᥜᥣᥭᥱ ᥐᥣᥢ ᥔᥨᥝᥴ ᥙᥝᥰ ᥔᥦᥢᥰ ᥕᥥᥛᥲ ᥕᥣ ᥖᥣᥒᥰ ᥙᥥᥢ ᥕᥤᥙᥴ ᥖᥪᥰ ᥙᥦᥒᥱ ᥕᥣᥱ “ᥕᥩᥛᥰ ᥐᥦᥝ、ᥘᥣᥢᥰ ᥓᥦᥝ、ᥔᥧᥖ ᥑᥣᥢᥰ ᥓᥦᥝ”（减、缓、延）ᥘᥢᥳ ᥛᥣᥰ ，ᥐᥛᥳ ᥓᥩᥭ ᥟᥩᥒᥲ ᥐᥣᥢ ᥚᥣᥢᥱ ᥔᥣᥒᥲ ᥑᥐ ᥖᥢᥰ ᥐᥣᥒ ᥑᥐ ᥟᥩᥢᥱ ᥓᥫᥰ ᥙᥩᥒ ᥐᥣᥢ ᥚᥣᥢᥱ ᥔᥣᥒᥲ ᥕᥣᥙᥱ ᥘᥢᥳ ，ᥘᥣᥛᥰ ᥖᥣᥐ ᥛᥣᥰ ᥞᥥᥖᥱ ᥞᥬᥲ ᥟᥩᥒᥲ ᥐᥣᥢ ᥚᥣᥢᥱ ᥔᥣᥒᥲ ᥘᥭᥲ ᥕᥩᥛᥰ ᥟᥩᥐᥱ ᥔᥨᥝᥴ ᥒᥪᥢᥰ 35 ᥛᥧᥢᥱ ᥛᥧᥢᥱ ᥕᥦᥢᥳ。
ᥖᥨᥝᥱ ᥗᥪᥒᥴ ᥕᥣᥛᥰ ᥓᥒᥱ ᥘᥭᥳ，ᥘᥧᥛᥰ ᥔᥣᥭᥲ ᥓᥫᥢᥱ ᥖᥒᥰ ᥔᥫᥢᥰ ᥖᥒᥰ ᥘᥨᥒᥴ ᥞᥬᥲ ᥟᥩᥐᥱ ᥔᥨᥝᥴ ᥒᥪᥢᥰ ᥙᥩᥒ ᥐᥣᥢ ᥞᥤᥛᥴ ᥓᥥᥝᥱ ᥘᥢᥳ ᥐᥣᥱ 89 ᥛᥧᥢᥱ ᥛᥧᥢᥱ ᥙᥣᥭ ᥕᥦᥢᥳ，ᥞᥬᥲ ᥔᥨᥝᥴ ᥙᥝᥰ ᥔᥦᥢᥰ ᥐᥣᥱ ᥘᥬᥰ ᥔᥥᥰ ᥕᥨᥒ ᥙᥩᥒ ᥐᥣᥢ ᥕᥥᥛᥲ ᥕᥣ ᥖᥣᥒᥰ ᥙᥥᥢ ᥘᥢᥳ 3.86 ᥛᥧᥢᥱ ᥛᥧᥢᥱ ᥕᥦᥢᥳ，ᥙᥨᥝᥰ ᥙᥝᥱ ᥘᥭᥲ ᥔᥨᥝᥴ ᥕᥥᥛᥲ ᥕᥣ ᥖᥣᥒᥰ ᥙᥥᥢ ᥐᥣᥱ 123 ᥛᥧᥢᥱ ᥙᥣᥭ ᥕᥦᥢᥳ。