ᥕᥧᥒᥰ (ᥟᥤᥒᥰ ᥐᥣ ᥘᥥᥖ: Mosquito) ᥘᥭᥳ ᥘᥧᥐ ᥖᥤ ᥑᥣᥛᥰ ᥔᥖᥱ ᥙᥥᥒᥱ ᥛᥣᥰ ᥘᥦᥲ ᥙᥩᥒᥱ ᥝᥣ ᥛᥦᥒᥰ ᥛᥧᥢᥰ ᥟᥦᥢᥴ ᥘᥭᥴ ᥕᥝᥳ. ᥜᥧᥒᥴ ᥕᥧᥒᥰ ᥛᥤᥰ ᥘᥛᥴ ᥗᥪᥒᥴ ᥛᥩᥐ 3500 ᥙᥣᥭ ᥘᥢᥳ ᥘᥦᥲ ᥘᥩᥒ ᥞᥨᥒᥰ ᥟᥥᥴ ᥑᥝᥴ ᥐᥩᥲ ᥚᥬᥰ ᥖᥥᥳ ᥕᥝᥳ. ᥖᥣᥱ ᥖᥥᥴ ᥞᥨᥒᥰ ᥟᥥᥴ ᥘᥭᥳ, ᥙᥥᥢ ᥙᥧᥢ ᥚᥩᥢᥰ ᥕᥧᥒᥰ ᥛᥥ ᥘᥦᥲ ᥛᥤᥰ ᥕᥧᥒᥰ ᥛᥥ ᥐᥩᥭᥰ ᥟᥢ ᥓᥧᥖᥴ ᥘᥨᥖ ᥐᥨᥢᥰ. ᥕᥧᥒᥰ ᥒᥣᥢᥴ ᥑᥝᥱ ᥐᥩᥭᥰ ᥓᥧᥖᥴ ᥓᥤᥢ ᥘᥛᥳ ᥛᥩᥐᥱ ᥛᥣᥐᥱ ᥐᥩᥭᥰ ᥕᥧᥱ ᥕᥝᥳ.
ᥘᥩᥒ ᥓᥧᥖᥴ ᥘᥨᥖ
ᥕᥧᥒᥰ ᥒᥣᥢᥴ ᥐᥩᥭᥰ ᥓᥧᥖᥴ ᥘᥛᥳ ᥛᥩᥐᥱ ᥛᥣᥐᥱ ᥘᥦᥲ ᥛᥤᥰ ᥕᥧᥒᥰ ᥛᥥ ᥐᥩᥭᥰ ᥛᥨᥝᥴ ᥓᥧᥖᥴ ᥘᥫᥖ. ᥕᥧᥒᥰ ᥛᥥ ᥑᥝᥴ ᥓᥧᥖᥴ ᥘᥛᥳ ᥛᥩᥐᥱ ᥛᥣᥐᥱ ᥖᥣᥱ ᥟᥝ ᥟᥥᥢ ᥞᥦᥒᥰ ᥘᥦᥲ ᥓᥧᥖᥴ ᥘᥫᥖ ᥖᥣᥱ ᥟᥝ ᥗᥣᥖ ᥙᥣᥱ ᥘᥨᥝᥱ ᥖᥤᥒᥰ ᥖᥩᥢ ᥖᥣᥱ ᥖᥥᥴ ᥞᥨᥒᥰ ᥟᥥᥴ ᥕᥝᥳ. ᥕᥧᥒᥰ ᥛᥥ ᥘᥭᥳ ᥟᥛᥱ ᥓᥬ ᥝᥣ ᥓᥧᥖᥴ ᥘᥫᥖ ᥐᥨᥢᥰ ᥟᥢ ᥘᥥᥝ ᥐᥩᥭᥰ, ᥘᥫᥖ ᥓᥣᥒᥳ, ᥘᥫᥖ ᥘᥧᥴ ᥐᥩᥲ ᥑᥝᥴ ᥓᥧᥖᥴ ᥕᥝᥳ. ᥕᥧᥒᥰ ᥓᥫᥰ ᥟᥢ ᥕᥧᥱ ᥖᥤ ᥢᥣᥱ ᥕᥧᥰ ᥓᥣᥱ ᥔᥤᥱ ᥘᥢᥳ, ᥚᥩᥐ ᥘᥒᥴ ᥖᥝᥱ ᥔᥥᥴ ᥓᥧᥖᥴ ᥟᥝ ᥘᥫᥖ ᥛᥢᥰ ᥖᥒᥰ ᥘᥭᥲ ᥘᥭᥴ ᥝᥣ.
ᥘᥬᥰ ᥜᥧᥒᥴ ᥕᥧᥒᥰ 3500 ᥙᥣᥭ ᥘᥢᥳ, ᥕᥧᥒᥰ ᥐᥛᥳ ᥘᥛᥴ ᥓᥧᥖᥴ ᥘᥫᥖ ᥛᥫ ᥑᥣᥝᥰ ᥞᥨᥝ ᥑᥛ ᥘᥦᥲ ᥐᥣᥒ ᥑᥪᥢᥰ ᥕᥝᥳ. ᥔᥥᥒᥱ ᥐᥣᥒ ᥝᥢᥰ, ᥑᥝᥴ ᥘᥪᥲ ᥛᥩᥭ ᥖᥤ ᥟᥩᥒᥲ ᥖᥤ ᥟᥢ ᥕᥥᥢ ᥔᥩᥭᥱ ᥔᥩᥭᥱ ᥘᥢᥳ ᥕᥝᥳ.
ᥕᥧᥒᥰ ᥘᥭᥲ ᥛᥫ ᥑᥝᥴ ᥑᥣᥴ ᥖᥨᥝ ᥕᥫᥱ ᥘᥢᥳ ᥑᥝᥴ ᥑᥣᥴ ᥓᥩᥛᥰ ᥗᥣᥖ ᥙᥩᥒᥰ ᥟᥩᥱ ᥐᥦᥢᥰ ᥢᥤᥖ ᥛᥫᥢᥴ ᥘᥒᥱ ᥐᥣᥱ ᥙᥧᥢᥱ ᥖᥦᥒᥱ ᥟᥩᥐ ᥔᥦᥐ, ᥟᥩᥐ ᥖᥣ ᥢᥩᥰ, ᥘᥦᥖ ᥖᥤᥖ ᥟᥦᥖ ᥔᥤᥖᥳ, ᥟᥢᥱ ᥙᥫᥳ ᥕᥛᥰ, ᥟᥢ ᥞᥣᥝᥳ ᥛᥭᥲ ᥘᥦᥲ ᥘᥩᥒ ᥖᥨᥒᥳ ᥘᥪᥒᥴ ᥑᥝᥴ ᥕᥝᥳ. ᥕᥧᥒᥰ ᥘᥭᥲ ᥑᥝ ᥛᥤᥢ ᥛᥨᥝᥰ ᥔᥥᥒᥴ ᥝᥤ ᥝᥤ ᥖᥤ ᥞᥤᥛᥰ ᥖᥨᥝ ᥕᥫᥱ ᥑᥝᥴ ᥔᥥᥴ ᥔᥧᥖᥱ ᥟᥣᥭ ᥖᥨᥝ ᥑᥝᥴ ᥕᥝᥳ. ᥝᥣᥭᥰ ᥔᥥᥴ ᥘᥥᥙ ᥞᥥᥢᥰ ᥟᥣᥭ ᥖᥨᥝ ᥖᥨᥝ ᥕᥫᥱ ᥑᥝᥴ ᥕᥝᥳ, ᥙᥩᥰ ᥘᥭᥲ ᥓᥬ ᥓᥒᥱ ᥖᥥ ᥓᥧᥖᥴ ᥘᥫᥖ ᥑᥝᥴ ᥘᥭᥴ ᥕᥝᥳ.