Wp/tdd/ᥕᥤᥢᥲ ᥘᥣᥢᥲ ᥔᥫᥢᥰ ᥓᥧᥳ ᥘᥧᥛᥰ ᥙᥩᥒ ᥐᥣᥢ ᥗᥩᥭᥱ ᥚᥣᥐ ᥘᥩᥒ ᥕᥣᥐ ᥚᥣᥢᥴ ᥞᥬᥲ ᥘᥭᥲ ᥟᥩᥒᥱ ᥛᥦᥒᥱ ᥑᥣᥝᥰ ᥕᥣᥛᥰ ᥙᥣᥐᥱ ᥝᥢᥰ ᥘᥢᥳ

ᥘᥧᥐ ᥛᥫ ᥘᥫᥢ 3 ᥘᥭᥲ 6 ᥝᥢᥰ ᥗᥪᥒᥴ ᥛᥫ ᥘᥫᥢ 6 ᥘᥭᥲ 30 ᥝᥢᥰ，ᥕᥤᥢᥲ ᥘᥣᥢᥲ ᥔᥫᥢᥰ ᥓᥧᥳ ᥘᥧᥛᥰ ᥙᥩᥒ ᥐᥣᥢ ᥗᥩᥭᥱ ᥚᥣᥐ ᥘᥩᥒ ᥕᥣᥐ ᥚᥣᥢᥴ ᥞᥬᥲ ᥘᥭᥲ ᥟᥩᥒᥱ ᥛᥦᥒᥱ ᥑᥣᥝᥰ ᥕᥣᥛᥰ ᥙᥣᥐᥱ ᥝᥢᥰ ᥘᥢᥳ。从3月6日到6月30日，云南省在全省组织开展决战决胜脱贫攻坚百日总攻行动。

ᥘᥩᥒ ᥙᥩᥒ ᥐᥣᥢ ᥙᥩᥐ ᥘᥭᥳ ᥖᥤᥴ ᥞᥥᥖᥱ ᥗᥪᥒᥴ ᥐᥧ ᥞᥫᥢᥰ ᥕᥥᥰ ᥘᥭᥲ ᥑᥪᥢᥲ ᥑᥐ，ᥐᥧ ᥛᥣᥢᥲ ᥔᥨᥢᥴ ᥘᥭᥲ ᥕᥨᥐ ᥔᥧᥒᥴ ，ᥜᥣᥭᥱ ᥐᥣᥢ ᥖᥥᥱ ᥔᥣᥒᥲ ᥖᥣᥒᥰ ᥓᥧᥰ ᥓᥪᥲ ᥑᥐᥳ ᥙᥣᥲ ᥖᥬᥲ ᥘᥬᥰ ᥛᥣᥢᥲ ᥔᥨᥢᥴ ᥕᥣᥐ ᥚᥣᥢᥴ ᥑᥣᥢᥴ ᥓᥬ 8502 ᥛᥣᥢᥲ ᥘᥭᥲ ᥘᥤ ᥛᥣᥰ，ᥔᥦᥢᥱ ᥕᥣᥐ ᥚᥣᥢᥴ ᥑᥣᥢᥴ ᥓᥬ ᥘᥭᥲ ᥗᥩᥭᥱ ᥚᥣᥐ ᥘᥩᥒ ᥕᥣᥐ ᥚᥣᥢᥴ ᥐᥧ ᥔᥦᥢᥱ。

ᥖᥨᥝᥱ ᥘᥭᥲ ᥔᥦᥢᥱ ᥕᥣᥐ ᥚᥣᥢᥴ ᥑᥣᥢᥴ ᥓᥬ 7 ᥘᥣᥒ ᥟᥢ ᥟᥛᥱ ᥙᥣ ᥒᥛ ᥕᥩᥢᥰ ᥗᥩᥭᥱ ᥚᥣᥐ ᥘᥩᥒ ᥕᥣᥐ ᥚᥣᥢᥴ ᥖᥒᥰ ᥔᥦᥢᥱ ᥛᥤᥰ ᥐᥨᥢᥰ ᥕᥣᥐ ᥚᥣᥢᥴ ᥑᥣᥢᥴ ᥓᥬ ᥙᥨᥢᥳ ᥖᥫᥰ 5000 ᥐᥨᥝᥳ ᥘᥢᥳ 8 ᥘᥣᥒᥴ ，ᥙᥥᥢᥰ ᥐᥨᥢᥰ ᥞᥨᥝᥴ ᥘᥬᥰ ᥔᥫᥢᥰ ᥛᥣᥰ ᥗᥤᥒᥰ ᥐᥣᥢ；ᥘᥩᥒ ᥛᥣᥢᥲ ᥔᥨᥢᥴ ᥕᥣᥐ ᥚᥣᥢᥴ ᥑᥣᥢᥴ ᥓᥬ 429 ᥛᥣᥢᥲ ᥘᥭᥳ，ᥙᥥᥢ ᥘᥬᥰ ᥓᥫᥝ（ᥝᥥᥒᥰ）、ᥘᥬᥰ ᥔᥦᥢᥱ ᥔᥩᥒᥴ ᥘᥣᥒᥴ ᥞᥨᥛ ᥐᥢ ᥗᥤᥒᥰ ᥐᥣᥢ。