ᥔᥥᥒᥴ ᥑᥣᥛᥰ : ᥖᥬᥲ ᥑᥨᥒᥰ ᥟᥩᥒᥲ ᥞᥣᥒ ᥘᥤ ᥔᥥᥱ ᥔᥣᥱ
ᥔᥣᥢᥰ ᥖᥦᥛᥲ : ᥑᥩᥒᥴ ᥕᥦᥝ
ᥔᥣᥢᥰ ᥔᥥᥒᥴ : ᥡᥝᥱ ᥚᥫᥒ ᥓᥤᥳ
ᥞᥩᥒᥳ ᥑᥣᥛᥰ : ᥘᥣᥒᥰ ᥟᥥᥴ ᥙᥩᥭᥰ
ᥔᥣᥭᥴ ᥝᥢᥰ ᥞᥫ ᥖᥩᥒᥱ ᥑᥥᥰ ᥚᥩᥒᥰ ᥔᥬᥴ ᥔᥩᥒᥱ
ᥛᥫᥢᥴ ᥙᥦᥒ ᥔᥦᥒᥴ ᥘᥦᥒᥰ ᥟᥩᥢᥱ ᥘᥩᥰ
ᥙᥣᥒᥱ ᥐᥩᥒᥰ ᥛᥧᥰ ᥘᥨᥛᥰ ᥕᥥᥢ ᥞᥫ ᥞᥫᥒᥰ ᥙᥫᥒᥰ ᥔᥬᥴ ᥖᥨᥢᥲ ᥛᥩᥐᥱ ᥞᥣᥒ ᥘᥤ
ᥘᥤ ᥖᥨᥭᥰ ᥖᥨᥢᥲ ᥛᥩᥐᥱ ᥞᥤᥛᥰ ᥖᥤᥢ ᥘᥣᥲ ᥘᥨᥒᥴ ᥝᥣᥒᥰ ᥓᥩᥒᥰ ᥘᥨᥒᥴ ᥔᥣ ᥘᥩᥰ
ᥔᥥᥒᥴ ᥐᥩᥒ ᥛᥨᥢ ᥓᥬ ᥖᥩᥢᥲ ᥕᥣᥛᥰ ᥑᥤᥒᥱ ᥛᥫ ᥘᥬᥰ ᥙᥩᥭᥰ ᥖᥬᥲ ᥑᥨᥒᥰ ᥛᥫᥒᥰ ᥕᥧᥱ ᥘᥤ
ᥐᥧ ᥟᥣ ᥛᥥᥝᥰ ᥞᥨᥛ ᥔᥝᥰ ᥙᥥᥒᥰ ᥚᥥᥒᥱ
ᥛᥫ ᥕᥣᥛᥰ ᥘᥭᥳ ᥜᥤᥒᥲ ᥙᥦᥒ ᥛᥬᥱ ᥘᥩ
ᥛᥣᥢᥲ ᥔᥨᥢᥴ ᥛᥬᥱ ᥘᥩ ᥓᥬ ᥑᥨᥝᥰ ᥘᥩ ᥑᥣᥛᥰ ᥞᥩᥒᥳ ᥐᥨᥙᥱ ᥕᥒ ᥝᥣᥭᥰ
ᥖᥬᥲ ᥑᥨᥒᥰ ᥘᥩ ᥙᥥᥢ ᥛᥫᥒᥰ ᥖᥭᥰ ᥞᥝᥰ ᥘᥩ
ᥖᥨᥢᥲ ᥞᥧᥒᥰ ᥑᥛᥰ ᥑᥣ ᥖᥣᥐᥱ ᥙᥩᥰ ᥛᥫᥢᥴ ᥖᥩᥒᥱ ᥕᥧᥒᥰ ᥑᥛᥰ ᥐᥤ
ᥔᥥᥒᥴ ᥘᥨᥐᥳ ᥞᥩᥒᥳ ᥛᥨᥝᥰ ᥘᥤ ᥗᥩᥛᥱ ᥘᥩ
ᥙᥣᥒ ᥘᥬᥰ ᥙᥩᥭᥰ ᥝᥢᥰ ᥛᥨᥢ ᥙᥤ ᥘᥩᥒᥳ ᥖᥒᥰ ᥘᥣᥭᥴ
ᥟᥣ......ᥞᥫᥭᥰ ᥘᥩᥰ......
ᥐᥣᥱ ᥙᥢᥱ ᥐᥩᥒ ᥔᥫᥰ ᥓᥬ ᥘᥤ ᥖᥨᥭᥰ ᥞᥩᥢᥴ ᥔᥩᥒᥱ
ᥕᥧᥒᥰ ᥑᥛᥰ ᥞᥛᥰ ᥙᥤᥐᥴ ᥛᥥᥢ ᥓᥩᥢᥱ ᥟᥪᥒᥱ ᥛᥫᥒᥰ ᥖᥭᥰ ᥞᥝᥰ ᥔᥣ ᥘᥩᥰ
ᥘᥦᥢ ᥘᥤᥢ ᥘᥣᥰ ᥞᥝᥰ ᥘᥤ ᥐᥧ ᥚᥣᥭᥱ ᥘᥭᥲ ᥞᥪᥒᥴ ᥗᥣᥰ
ᥛᥫᥒᥰ ᥖᥭᥰ ᥘᥭᥲ ᥛᥬᥱ ᥔᥧᥒᥴ
ᥐᥧ ᥟᥣ ᥛᥥᥝᥰ ᥞᥨᥛ ᥔᥝᥰ ᥙᥥᥒᥰ ᥚᥥᥢᥱ
ᥛᥫ ᥕᥣᥛᥰ ᥘᥭᥳ ᥜᥤᥒᥲ ᥙᥦᥒ ᥛᥬᥱ ᥘᥩ
ᥛᥣᥢᥲ ᥔᥨᥢᥴ ᥛᥬᥱ ᥘᥩ ᥓᥬ ᥑᥨᥝᥰ ᥘᥩ ᥑᥣᥛᥰ ᥞᥩᥒᥳ ᥐᥨᥙᥱ ᥕᥒ ᥝᥣᥭᥰ
ᥖᥬᥲ ᥑᥨᥒᥰ ᥘᥩ ᥙᥥᥢ ᥛᥫᥒᥰ ᥖᥭᥰ ᥞᥝᥰ ᥘᥩ