Template:Wp/tdd/Infobox ᥙᥪᥢᥰ ᥐᥦᥙ ᥚᥧᥱ ᥞᥖᥴ ᥒᥣᥢᥴ ᥘᥭᥳ ᥑᥣᥛᥰ ᥙᥣ ᥘᥤ ᥞᥩᥒᥳ ᥝᥤᥴ ᥞᥧᥙ ᥞᥤᥳ ᥔᥣᥳ၊ ᥟᥣ ᥓᥣᥱ ᥘᥤᥳ ᥕᥣᥳ၊ ᥙᥩᥒᥱ ᥑᥣᥛᥰ ᥖᥭᥰ ᥝᥣ - ᥚᥧᥱ ᥞᥖᥴ ᥖᥣᥭ ᥖᥣᥒ ᥛᥣᥢᥲ ᥛᥫᥒᥰ၊ ᥓᥫᥳ ᥑᥫᥰ ᥖᥨᥝ ᥐᥝᥱ. ᥐᥩᥙ ᥑᥝᥴ ᥖᥣᥭ ᥖᥣᥒ ᥛᥣᥢᥲ ᥛᥫᥒᥰ၊ ᥓᥫᥳ ᥑᥫᥰ ᥖᥨᥝ ᥐᥝᥱ ᥘᥦᥰ ᥐᥨᥢᥰ ᥘᥬᥰ ᥛᥣᥢᥲ ᥛᥫᥒᥰ ᥘᥢᥳ ᥓᥒᥱ ᥗᥪᥴ ᥙᥥᥢ ᥐᥧᥢᥰ ᥛᥧᥢ ᥓᥫᥳ ᥑᥫᥰ၊ ᥛᥣᥢᥲ ᥛᥫᥒᥰ ᥔᥥᥴ ᥕᥧᥐ ᥕᥩᥒᥲ ᥔᥪᥙᥱ ᥔᥪᥙᥱ ᥐᥢ ᥛᥣᥰ။ ᥛᥫᥒᥰ ᥞᥨᥛ ᥖᥧᥛ ᥓᥪᥒ ᥛᥣᥢ ᥖᥥᥱ ᥞᥥᥖᥱ ᥝᥢᥰ ᥚᥧᥱ ᥞᥖᥴ ᥒᥣᥢᥴ ᥛᥣᥰ ᥛᥫ ᥙᥤ 1948 ᥙᥣᥢ ᥘᥨᥒᥴ ᥙᥩᥒ ᥓᥪᥒ ᥖᥤᥱ ᥛᥨᥝᥱ ᥑᥣ ᥞᥥᥱ ᥓᥤᥱ ᥟᥢ ᥓᥩᥛ ᥓᥪᥒ ᥓᥝᥲ ᥡᥨᥭᥱ ᥖᥦᥐ (ᥓᥝᥲ ᥜᥣᥳ ᥘᥨᥒᥴ ᥛᥫᥒᥰ ᥕᥩᥒ ᥞᥨᥭᥲ) ᥘᥦᥰ ᥓᥩᥛ ᥚᥩᥒᥰ ᥘᥨᥒᥴ ᥟᥧᥰ ᥢᥧ ᥟᥩᥢ ᥞᥨᥝᥴ (1948-1962)၊ ᥗᥪᥒᥴ ᥛᥣᥰ ᥘᥬᥰ ᥙᥣᥢ ᥓᥩᥛ ᥔᥪᥐᥱ ᥘᥨᥒᥴ ᥢᥥᥱ ᥝᥤᥢᥰ ᥞᥧᥙ ᥕᥪᥖᥴ ᥟᥣᥛᥰ ᥘᥣᥖ ᥕᥝᥳ ᥐᥩᥲ ᥞᥥᥖᥱ ᥛᥣᥰ ᥟᥝ ᥘᥣᥲ ᥙᥫ ᥐᥣᥢ ᥔᥨᥢᥰ ᥖᥧᥛ ᥖᥣᥱ ᥖᥙᥳ ᥔᥪᥐᥱ ᥛᥣᥰ ᥟᥛᥱ ᥝᥥᥢᥳ ᥟᥛᥱ ᥘᥪ (1962-1987)။
ᥝᥢᥰ ᥚᥧᥱ ᥞᥖᥴ ᥒᥣᥢᥴ ᥛᥫᥒᥰ ᥛᥣᥢ ᥘᥭᥳ ᥙᥥᥢ ᥝᥢᥰ ᥟᥢ ᥓᥩᥛ ᥔᥪᥐᥱ ᥟᥩᥒᥱ ᥔᥣᥢᥰ ᥞᥨᥛ ᥖᥒᥰ ᥚᥩᥒᥰ ᥘᥨᥒᥴ 6 ᥐᥨᥝᥳ ᥚᥧᥱ ᥕᥤᥙᥴ ᥘᥧᥛᥰ 1 ᥐᥨᥝᥳ ᥘᥦᥰ ᥚᥧᥱ ᥟᥝ ᥞᥨᥛ ᥘᥨᥛ ᥔᥧᥢᥱ ᥖᥨᥝ ᥓᥩᥛ ᥔᥪᥐᥰ ᥟᥩᥒᥱ ᥔᥣᥢᥰ ᥐᥨᥝᥳ ᥘᥫᥒ၊ ᥖᥒᥰ ᥔᥥᥒᥲ 9 ᥐᥨᥝᥳ ᥘᥭᥲ ᥗᥧᥐᥴ ᥐᥨᥢᥰ ᥛᥪᥰ ᥙᥪᥢ ᥜᥣᥭᥱ ᥐᥣ ᥘᥨᥒᥱ ᥟᥧᥰ ᥓᥨᥝᥰ (ᥓᥩᥛ ᥚᥩᥒᥰ ᥘᥨᥒᥴ ᥛᥫᥒᥰ ᥛᥣᥢ ᥐᥝᥱ) ᥑᥝᥲ ᥕᥪᥰ ᥖᥣᥭ ᥑᥛᥴ ᥘᥬᥰ ᥘᥧᥛᥰ ᥚᥩᥒᥰ ᥐᥣᥢ ᥛᥫ ᥝᥢᥰ ᥖᥤ 19/07/1947 ᥚᥩᥒᥰ ᥖᥪᥐᥳ ᥞᥥᥖᥱ ᥙᥣᥒ ᥐᥧᥛ ᥚᥩᥒᥰ ᥘᥨᥒᥴ ᥑᥝᥴ ᥕᥧᥱ ᥘᥢᥳ ᥕᥝᥳ။ ᥝᥣᥭᥰ ᥛᥫᥒᥰ ᥛᥣᥢ ᥘᥭᥲ ᥘᥩᥖ ᥘᥦᥝᥰ ᥐᥩᥢᥰ ᥑᥨᥝᥴ ᥕᥝᥳ ᥘᥨᥒᥴ ᥙᥩᥒ ᥓᥪᥒ ᥛᥫᥒᥰ ᥞᥨᥛ ᥖᥧᥛ ᥓᥪᥒ ᥛᥣᥢ ᥓᥒᥱ ᥛᥐᥴ ᥛᥢᥲ ᥟᥝ ᥝᥢᥰ ᥖᥤ 19 ᥘᥫᥢ ᥓᥧᥱ ᥘᥣᥭ ᥘᥭᥳ ᥙᥥᥢ ᥝᥢᥰ ᥚᥧᥱ ᥞᥖᥴ ᥒᥣᥢᥴ (ᥝᥢᥰ ᥟᥣᥱ ᥓᥣᥱ ᥢᥤᥱ) ᥘᥭᥴ ᥔᥥᥴ ᥕᥧᥐᥳ ᥕᥩᥒᥲ ᥟᥝ ᥐᥧᥢᥰ ᥛᥧᥢ ᥛᥣᥰ ᥖᥨᥝᥱ ᥝᥢᥰ ᥛᥫ ᥘᥭᥳ။ ᥘᥬᥰ 9 ᥐᥨᥝᥳ ᥘᥢᥳ ᥙᥣᥰ ᥖᥭᥰ ᥐᥨᥝᥳ ᥘᥫᥒ၊ ᥙᥥᥢ ᥓᥝᥲ ᥓᥣᥛᥱ ᥗᥧᥢᥰ ᥓᥝᥲ ᥜᥣᥳ ᥘᥨᥒᥴ ᥛᥫᥒᥰ ᥙᥩᥢ.
ᥝᥢᥰ ᥖᥤ 12/02/1947 ᥛᥣᥢ ᥖᥒᥰ ᥖᥭᥰ ᥑᥣᥒᥴ ᥠᥣᥒᥰ ᥘᥭᥲ ᥘᥨᥒᥰ ᥘᥣᥭᥰ ᥛᥪᥰ ᥘᥬᥰ ᥘᥤᥐ ᥞᥨᥛ ᥛᥣᥭᥴ ᥙᥣᥒ ᥘᥨᥒᥴ ᥙᥫ ᥖᥣᥱ ᥞᥨᥛ ᥐᥢ ᥐᥨᥝᥱ ᥖᥒᥲ ᥛᥫᥒᥰ ᥞᥨᥛ ᥖᥧᥛ ᥓᥪᥒ ᥛᥣᥢ။ ᥝᥣᥭᥰ ᥘᥭᥳ ᥞᥨᥛ ᥐᥢ ᥑᥩᥖᥱ ᥚᥩᥖ ᥔᥣ ᥚᥣᥰ ᥙᥨᥐᥱ ᥙᥩᥒ ᥓᥪᥒ ᥛᥫᥒᥰ ᥔᥥᥴ ᥑᥥᥢᥱ ᥖᥦᥛᥲ ᥛᥣᥭᥴ ᥛᥤᥲ ᥙᥫᥒ ᥒᥝᥲ ᥙᥪᥒᥰ ᥛᥫᥒᥰ (constitution)။ᥔᥣ ᥚᥣᥰ ᥙᥨᥐᥴ ᥙᥩᥒ ᥓᥪᥒ ᥛᥫᥒᥰ ᥘᥭᥲ ᥛᥐᥴ ᥛᥢᥲ ᥙᥢ ᥙᥫᥒ ᥒᥝᥲ ᥙᥪᥒᥰ ᥛᥫᥒᥰ - ᥛᥫᥒᥰ ᥞᥨᥛ ᥖᥧᥛ ᥓᥪᥒ ᥛᥣᥢ ᥛᥫ ᥝᥢᥰ ᥖᥤ 24/09/1947 ᥝᥣᥭᥰ ᥚᥧᥱ ᥞᥖᥴ ᥒᥣᥢᥴ ᥑᥝᥴ ᥔᥥᥒᥲ ᥐᥛᥱ (ᥖᥣᥭ) ᥘᥭᥲ 2 ᥘᥫᥢ ᥙᥣᥭ။ ᥗᥪᥒᥴ ᥛᥣᥰ ᥝᥢᥰ ᥖᥤ 04/01/1948 ᥛᥫᥒᥰ ᥛᥣᥢ ᥘᥭᥲ ᥘᥩᥖ ᥘᥦᥝᥰ ᥐᥩᥢᥰ ᥑᥨᥝᥴ ᥘᥬᥰ ᥛᥫᥒᥰ ᥞᥨᥛ ᥖᥧᥛ ᥓᥪᥒ ᥛᥣᥢ ᥘᥭᥴ ᥛᥣᥰ ᥖᥨᥝᥱ 1962။