ᥒᥧᥰ ᥘᥭᥳ ᥙᥥᥢ ᥖᥨᥝ ᥔᥖᥴ ᥘᥫᥖ ᥕᥥᥢ.
ᥐᥨᥢᥰ ᥘᥭᥳ ᥘᥛᥴ ᥘᥭᥳ ᥐᥨᥝ ᥒᥧᥰ ᥟᥫ. ᥐᥩᥙ ᥘᥣᥭᥴ ᥘᥦᥰ ᥐᥨᥢᥰ ᥟ ᥕ ᥛᥤᥰ ᥓᥬ ᥐᥨᥖᥒᥰᥦᥲ ᥐᥨᥢᥰ ᥟᥢᥣᥑᥲᥛᥳ ᥙᥨᥢᥳ ᥘᥭᥲ ᥓᥬ ᥐᥨᥝ ᥘᥢᥳ ᥑᥝᥲ ᥓᥬ ᥘᥫᥴ ᥒᥧᥰ ᥖᥥᥳ ᥕᥝᥳ.
ᥖᥤ ᥘᥬᥰ ᥖᥨᥝ ᥔᥖᥴ ᥟᥢ ᥕᥒ ᥛᥤᥰ ᥖᥤᥢ ᥘᥦᥲ ᥟᥢ ᥘᥫᥢ ᥔᥥᥴ ᥐᥣᥱ ᥛᥣᥰ ᥘᥢᥳ ᥒᥧᥰ ᥘᥭᥳ ᥐᥨᥢᥰ ᥞᥧᥳ ᥓᥐᥴ ᥘᥛᥴ ᥔᥤᥴ ᥖᥨᥝ ᥔᥖᥴ ᥖᥣᥒᥱ ᥓᥫᥳ ᥕᥝᥳ. ᥒᥧᥰ ᥘᥭᥳ ᥕᥧᥱ ᥔᥝᥰ ᥖᥤ ᥟᥩᥒᥲ ᥛᥭᥲ ᥐᥢᥲ ᥘᥛᥴ ᥛᥫᥢᥴ ᥘᥒᥱ ᥛᥫᥒᥰ ᥛᥣᥢ ᥕᥝᥳ. ᥒᥧᥰ ᥛᥣᥒ ᥓᥫᥰ ᥟᥤᥰ ᥙᥥᥢ 30 ᥙᥥᥱ ᥔᥥᥴ ᥖᥣᥳ ᥛᥣᥒ ᥓᥫᥰ ᥔᥛᥳ ᥐᥩᥭᥰ ᥛᥨᥝᥴ ᥛᥤᥰ ᥛᥩᥐ 5 ᥘᥣᥙ ᥛᥣᥳ ᥐᥨᥭᥰ. ᥖᥤ ᥢᥣ ᥕᥧᥰ ᥔᥤᥱ ᥕᥦᥢᥱ, ᥟᥣᥭᥱ ᥕᥣᥱ ᥘᥢᥱ ᥘᥦᥲ ᥐᥧᥢ ᥞᥣᥱ ᥝᥣᥭᥱ ᥕᥣᥢᥱ ᥘᥢᥳ ᥕᥒ ᥛᥤᥰ ᥒᥧᥰ.
ᥒᥧᥰ ᥛᥣᥒ ᥓᥫᥰ ᥔᥛᥳ ᥕᥧᥱ ᥔᥝᥰ ᥘᥬᥰ ᥘᥛᥳ ᥙᥣᥒᥱ ᥘᥣᥭᥱ ᥕᥝᥳ. ᥒᥧᥰ ᥓᥫᥰ ᥘᥭᥳ ᥐᥭᥳ ᥘᥭᥲ ᥞᥢᥴ ᥖᥤ ᥟᥩᥒᥲ ᥛᥭᥲ ᥛᥫᥢᥴ ᥘᥒᥱ ᥐᥧᥢ ᥟᥥᥰ ᥡᥣᥰ ᥘᥦᥲ ᥐᥧᥢ ᥟᥣᥱ ᥚᥣᥱ ᥕᥤᥳ ᥐᥣᥳ ᥘᥢᥳ ᥕᥝᥳ. ᥓᥫᥳ ᥚᥢᥰ ᥒᥧᥰ ᥙᥣᥒᥱ ᥘᥣᥭᥱ ᥘᥭᥳ ᥛᥤᥰ ᥛᥩᥐ 50 ᥘᥦᥲ ᥓᥫᥭᥰ ᥑᥝᥴ ᥖᥣᥒᥰ ᥛᥨᥖᥴ ᥘᥢᥳ ᥛᥤᥰ ᥐᥩᥒᥳ ᥞᥦᥒᥰ ᥖᥥᥳ ᥖᥥᥳ.
ᥒᥧᥰ ᥘᥭᥳ ᥕᥒ ᥛᥤᥰ ᥑᥩᥖᥱ ᥖᥣ. ᥐᥩᥙ ᥘᥭᥴ ᥘᥦᥲ ᥑᥝ ᥕᥒ ᥟᥩᥢᥱ ᥘᥙᥴ ᥖᥣ ᥔᥤᥴ ᥙᥩᥐ. ᥐᥩᥙ ᥙᥫ ᥘᥭᥴ, ᥛᥣᥒ ᥓᥫᥭᥰ ᥔᥛᥳ ᥗᥣᥒᥱ ᥒᥧᥰ ᥛᥨᥝᥴ ᥟᥣᥛ ᥘᥭᥴ ᥕᥝᥳ. ᥐᥩᥙ ᥙᥫ ᥑᥝᥴ ᥕᥒ ᥛᥤᥰ ᥖᥤᥢ ᥛᥫᥢ ᥖᥨᥝ ᥔᥖᥴ ᥖᥣᥒᥱ ᥓᥫᥰ, ᥑᥝᥴ ᥐᥩᥭᥰ ᥖᥪᥰ ᥘᥧᥐᥴ ᥑᥦᥒᥳ ᥑᥝᥴ ᥔᥥᥴ ᥐᥣᥱ ᥛᥣᥰ ᥕᥧᥱ ᥕᥝᥳ.
ᥒᥧᥰ ᥘᥭᥳ ᥑᥝ ᥐᥤᥢ ᥛᥨᥒᥲ ᥛᥦᥒᥰ, ᥙᥣ, ᥑᥥᥖᥱ, ᥘᥨᥐ ᥖᥒᥰ ᥑᥭᥱ ᥘᥨᥐ, ᥘᥧᥴ, ᥙᥣᥒ ᥖᥣᥭᥰ ᥘᥦᥲ ᥖᥨᥝ ᥔᥖᥴ ᥐᥤᥢ ᥘᥨᥛᥰ ᥖᥣᥒᥱ ᥓᥫᥰ ᥕᥝᥳ. ᥒᥧᥰ ᥛᥣᥒ ᥓᥫᥳ ᥛᥫᥢᥴ ᥘᥒᥱ ᥒᥧᥰ ᥘᥫᥛᥴ ᥘᥢᥳ ᥑᥝᥴ ᥐᥥᥝᥳ ᥖᥨᥝ ᥕᥫᥱ ᥑᥝᥴ ᥗᥪᥒᥴ ᥖᥤ ᥙᥩᥰ ᥕᥣᥭ ᥕᥝᥳ ᥓᥒᥱ ᥓᥤᥢ. ᥒᥧᥰ ᥛᥣᥒ ᥓᥫᥳ ᥔᥛᥳ ᥟᥝ ᥐᥩᥒᥳ ᥑᥝᥴ ᥔᥐᥴ ᥙᥢ ᥕᥝᥳ ᥓᥒᥱ ᥐᥤᥢ.
ᥒᥧᥰ ᥟᥢ ᥛᥤᥰ ᥐᥩᥒᥳ ᥞᥦᥒᥰ ᥔᥤᥴ ᥙᥫᥢ ᥘᥭᥳ ᥙᥥᥢ ᥓᥫᥳ ᥒᥧᥰ ᥞᥝᥱ ᥕᥝᥳ. ᥙᥨᥝᥰ ᥝᥣ ᥘᥭᥳ ᥕᥣᥰ ᥒᥧᥰ ᥞᥝᥱ ᥔᥐᥴ ᥘᥭᥴ ᥘᥬᥰ ᥑᥣᥝᥰ ᥖᥣᥒᥰ ᥛᥤᥱ ᥢᥤᥖ ᥟᥩᥢᥱ ᥐᥩᥭᥰ, ᥖᥤᥴ ᥕᥒ ᥖᥣᥢᥲ ᥑᥣᥛᥰ ᥟᥩᥐᥱ ᥔᥥᥒᥴ ᥘᥭᥳ ᥕᥝᥳ. ᥒᥧᥰ ᥓᥫᥰ ᥟᥢ ᥕᥒ ᥛᥤᥰ ᥐᥩᥒᥳ ᥐᥩᥲ ᥖᥨᥝ ᥛᥤᥰ ᥘᥒᥴ ᥐᥝᥱ. ᥐᥨᥢᥰ ᥛᥣᥒ ᥓᥫᥰ ᥖᥒᥰ ᥘᥥᥒᥳ ᥑᥝᥴ ᥝᥭᥳ ᥖᥤ ᥞᥫᥢᥰ ᥕᥧᥱ.
ᥒᥧᥰ ᥐᥛᥳ ᥘᥛᥴ ᥖᥥᥳ ᥐᥫᥖᥱ ᥟᥩᥐᥱ ᥑᥭᥱ ᥟᥩᥢ ᥖᥣᥒᥰ. ᥐᥩᥭᥰ ᥝᥣ ᥒᥧᥰ ᥛᥣᥒ ᥓᥫᥰ ᥛᥫᥢᥴ ᥘᥒᥱ ᥒᥧᥰ ᥞᥝᥱ ᥘᥦᥲ ᥒᥧᥰ ᥙᥣᥒᥱ ᥘᥣᥭᥱ ᥘᥢᥳ, ᥑᥝᥴ ᥐᥫᥖᥱ ᥟᥩᥐᥱ ᥙᥥᥢ ᥖᥨᥝ ᥛᥢᥰ ᥛᥣᥰ ᥐᥛᥰ ᥘᥥᥝ. ᥙᥩᥰ ᥝᥣ ᥐᥫᥖᥱ ᥟᥩᥐᥱ ᥛᥣᥰ ᥘᥭᥴ ᥐᥩᥲ, ᥒᥧᥰ ᥟᥦᥢᥴ ᥓᥫᥰ ᥘᥢᥳ ᥕᥒ ᥕᥧᥱ ᥓᥩᥛᥰ ᥟᥧᥳ ᥛᥥ ᥕᥝᥳ ᥐᥩᥲ ᥛᥨᥝᥴ ᥞᥣᥴ ᥐᥤᥢ ᥞᥣᥒᥰ ᥐᥩᥭᥰ ᥙᥪᥴ ᥓᥝᥲ ᥑᥝᥴ ᥕᥝᥳ.