Wp/tdd/ᥑᥧᥰ ᥝᥣᥰ ᥝᥧᥢᥰ ᥓᥧᥛᥳ

< Wp‎ | tdd
Wp > tdd > ᥑᥧᥰ ᥝᥣᥰ ᥝᥧᥢᥰ ᥓᥧᥛᥳ

ᥑᥧᥰ ᥝᥣᥰ ᥝᥧᥢᥰ ᥓᥧᥛᥳ ᥙᥥᥢ ᥓᥝᥲ ᥟᥢ ᥓᥣᥒᥳ ᥐᥛ ᥝᥤ ᥙᥖᥳ ᥔᥢᥱ ᥘᥣᥱ ᥕᥧᥱ ᥘᥬᥰ ᥙᥣᥱ ᥘᥬᥰ ᥗᥛᥲ၊ ᥙᥥᥢ Forrest Monks ᥓᥝᥲ ᥟᥢ ᥛᥤᥰ ᥓᥪ ᥔᥥᥒᥴ ᥔᥥᥴ ᥙᥫᥢ ᥘᥬᥰ ᥐᥛᥱ ᥚᥣᥱ ᥓᥝᥲ ᥘᥫᥒ၊ ᥛᥢᥰ ᥓᥝᥲ ᥙᥥᥢ ᥓᥝᥲ ᥟᥢ ᥛᥤᥰ ᥛᥦᥖᥳ ᥖᥣᥱ ᥔᥧᥒᥴ ᥘᥦᥲ ᥓᥣᥒᥳ ᥐᥛ ᥘᥤ ᥓᥩᥛᥰ ᥝᥤᥳ ᥘᥥᥰ၊ ᥓᥩᥛᥰ ᥑᥣᥛᥰ ᥔᥒᥱ ᥔᥩᥢᥴ ᥚᥣᥰ ᥘᥣᥰ ᥙᥥᥢ ᥓᥝᥲ ᥛᥣᥰ ᥓᥥᥛ ᥛᥫ ᥟᥩᥢᥱ၊ ᥛᥢᥰ ᥓᥝᥲ ᥐᥫᥖᥱ ᥘᥬᥰ ᥛᥫᥒᥰ ᥗᥭᥰ၊ ᥙᥥᥢ ᥐᥨᥢᥰ ᥖᥭᥰ ᥕᥩᥒᥰ ᥝᥣᥭᥰ ᥔᥥᥴ ᥘᥧᥒ ᥙᥥᥢ ᥔᥣᥒᥱ ᥕᥝᥳ ᥘᥭᥲ ᥛᥣᥰ ᥕᥧᥱ ᥖᥤ ᥛᥫᥒᥰ ᥚᥨᥒᥰ ᥘᥦᥢᥴ ᥘᥤᥢ ᥛᥣᥢ ᥗᥭᥰ၊ ᥐᥨᥢᥰ ᥘᥬᥰ ᥛᥫᥒᥰ ᥛᥣᥢ ᥓᥥ ᥛᥫᥒᥰ ᥖᥭᥰ ᥖᥤᥴ ᥞᥧᥳ ᥓᥐᥴ ᥛᥢᥰ ᥓᥝᥲ ᥝᥣᥑᥧᥰ ᥝᥣᥰ ᥝᥧᥢᥳ ᥓᥧᥛᥳ ᥛᥫᥒᥰ ᥚᥨᥒᥰ၊ ᥝᥣᥭᥰ ᥔᥥᥴ ᥑᥣᥛᥱ ᥙᥥᥢ ᥓᥣᥒᥰ ᥕᥝᥳ၊ ᥘᥭᥲ ᥟᥩᥐᥱ ᥙᥧᥢᥳ ᥚᥥᥴ ᥔᥣᥱ ᥔᥢᥱ ᥘᥣᥱ ᥓᥩᥖᥱ ᥖᥨᥝ ᥖᥒᥰ ᥐᥛᥱ ᥚᥣᥱ၊ ᥘᥬᥰ ᥝᥣᥱ ᥑᥧᥰ ᥝᥣᥰ ᥝᥧᥢᥰ ᥓᥧᥛᥳ ᥖᥥᥴ ᥟᥣ ᥖᥤᥐᥳ ᥗᥣᥢᥱ ᥑᥝᥲ ᥓᥣᥒᥳ ᥐᥛ ᥖᥣᥰ ᥘᥣᥰ ᥕᥧᥱ ᥘᥬᥰ ᥗᥛᥲ ᥘᥦᥲ ᥘᥥᥙ ᥞᥥᥢᥰ ᥙᥤᥖ ᥐᥣᥖ ᥔᥣᥛᥴ ᥐᥩᥒ ᥞᥥᥖᥱ ᥓᥫᥒᥳ ᥘᥢᥴ ᥛᥣᥰ ᥟᥛᥱ ᥑᥣᥖᥱ ᥟᥛᥱ ᥝᥣᥭᥰ ᥕᥝᥳ။

ᥑᥧᥰ ᥝᥣᥰ ᥝᥧᥢᥰ ᥓᥧᥛᥳ ᥕᥣᥱ ᥘᥣᥳ ᥔᥛᥱ ᥝᥣᥳ ᥘᥣᥳ
Script error: No such module "InfoboxImage".
ᥚᥣᥱ ᥔᥣᥱ ᥚᥣᥱ ᥔᥣᥱ ᥙᥧᥖᥳ ᥗᥣᥳ
ᥐᥫᥒᥰ ᥗᥥᥱ ᥘᥣᥳ ᥝᥣᥱ ᥖᥣᥳ
Sect Template:Br separated entries
ᥙᥣᥭᥰ ᥙᥦᥒᥱ ᥕᥣᥱ Template:Ifempty
Template:Nowrap ᥕᥣᥱ ᥘᥣᥳ ᥔᥛᥱ ᥝᥣᥳ ᥘᥣᥳ
ᥐᥙᥴ ᥐᥣᥭᥱ ᥘᥩᥒ ᥔᥧᥢᥱ ᥖᥨᥝ
ᥐᥫᥖᥱ Template:Br separated entries
ᥔᥤᥒᥲ ᥐᥣᥛᥱ Template:Br separated entries
ᥖᥤ ᥘᥩᥢᥰ ᥖᥨᥝᥱ ᥓᥨᥝ Template:Br separated entries
ᥓᥫᥳ ᥑᥫᥰ Template:If empty
Senior posting
ᥘᥒ ᥓᥩᥒᥰ ᥝᥖᥳ ᥚᥣᥰ ᥘᥣᥰ ᥗᥣᥖ ᥘᥩᥢᥰ ᥘᥫᥒᥰ၊
ᥛᥫᥒᥰ ᥚᥨᥒᥰ (ᥛᥫᥒᥰ ᥖᥭᥰ)
ᥘᥧᥐ ᥘᥩᥒᥳ Template:Ifempty
Initiation Template:Br separated entries
Initiation Template:Br separated entries
ᥗᥧᥐᥴ ᥕᥩᥒᥲ ᥕᥨᥝᥰ Template:If empty
ᥘᥣᥭᥰ ᥛᥪᥰ Script error: No such module "InfoboxImage".

Template:Wikidata image

ᥙᥪᥢᥰ edit

ᥖᥤ ᥐᥫᥖᥱ ᥘᥦᥲ ᥑᥫᥰ ᥞᥫᥢᥰ ᥙᥤ ᥘᥩᥒᥳ edit

ᥑᥧᥰ ᥝᥣᥰ ᥝᥧᥢᥰ ᥛᥤᥰ ᥓᥪ ᥛᥫ ᥟᥩᥢᥱ ᥞᥩᥒᥳ ᥝᥣᥓᥣᥭᥰ ᥝᥧᥢᥰ ᥓᥧᥛᥳ ᥙᥨᥝᥰ ᥓᥪ ᥝᥣ ᥘᥧᥒᥰ ᥑᥛᥰ ᥘᥣᥳ ᥛᥥ ᥓᥪ ᥝᥣ ᥘᥣᥒᥰ ᥔᥦᥒᥴ ᥘᥣᥲ ᥑᥧᥰ ᥝᥣᥰ ᥝᥧᥢᥰ ᥓᥧᥛᥳ ᥐᥫᥖᥱ ᥛᥫ ᥘᥫᥢ ᥛᥬᥱ ᥔᥣᥛᥴ ᥑᥛ (ᥐᥦᥢᥱ ᥘᥨᥝᥱ ᥟᥫᥱ ᥘᥤᥱ) ᥙᥤ ᥑᥣ ᥘᥥᥖ 1965 ᥖᥤ ᥛᥫᥒᥰ ᥗᥭᥰ ᥖᥤ ᥛᥣᥢᥲ ᥘᥣᥭ ᥘᥨᥒᥴ ᥙᥣᥱ ᥛᥭᥳ ᥔᥐᥴ ᥟᥪᥒᥱ ᥐᥥᥒᥰ ᥔᥦᥢᥴ ᥝᥥᥒᥰ ᥐᥥᥒᥰ ᥞᥣᥭᥰ၊ ᥖᥤ ᥘᥦᥢ ᥘᥤᥢ ᥟᥢ ᥖᥤᥖᥱ ᥓᥙᥴ ᥛᥫᥒᥰ ᥖᥭᥰ ᥛᥫᥒᥰ ᥚᥨᥒᥰ ᥘᥢᥳ ᥕᥝᥳ၊ ᥐᥨᥢᥰ ᥘᥬᥰ ᥘᥣᥲ ᥞᥫᥢᥰ ᥑᥧᥰ ᥝᥣᥰ ᥝᥧᥢᥰ ᥓᥧᥛᥳ ᥙᥥᥢ ᥐᥨᥢᥰ ᥖᥭᥰ ᥕᥩᥒᥰ ᥙᥨᥝ ᥗᥝᥲ ᥛᥥ ᥗᥝᥲ ᥞᥨᥛ ᥘᥨᥭ ᥙᥨᥝ ᥛᥥ ᥛᥤᥰ ᥓᥣᥱ ᥖᥤ ᥖᥤ ᥐᥫᥖᥱ ᥖᥤ ᥛᥫᥒᥰ ᥕᥩᥒᥰ ᥛᥫᥒᥰ ᥕᥧ ᥛᥫᥒᥰ ᥘᥨᥭᥴ ᥘᥦᥢ ᥘᥤᥢ ᥛᥫᥒᥰ ᥖᥭᥰ ᥟᥢ ᥖᥤᥖᥴ ᥓᥙᥴ ᥔᥤᥙᥴ ᥔᥩᥒᥴ ᥙᥢᥰ ᥘᥣᥰ ᥘᥢᥳ ᥕᥝᥳ၊ ᥙᥨᥝ ᥛᥥ ᥘᥭᥲ ᥙᥣᥭ ᥛᥭᥲ ᥛᥣᥰ ᥑᥣᥴ ᥕᥥᥢ ᥘᥭᥲ ᥛᥣᥰ ᥕᥧᥱ ᥖᥤ ᥐᥥᥒᥰ ᥔᥦᥢᥴ ᥔᥥᥴ ᥑᥧᥰ ᥝᥣᥰ ᥝᥧᥢᥰ ᥓᥧᥛᥳ ᥘᥭᥲ ᥛᥣᥰ ᥐᥫᥖᥱ ᥖᥤ ᥘᥢᥳ ᥙᥥᥢ ᥘᥧᥐ ᥐᥨᥝᥳ ᥒᥝᥲ (ᥘᥧᥐ ᥞᥨᥝᥴ) ᥔᥧᥖᥴ ᥕᥝᥳ။


ᥙᥣᥢ ᥛᥫ ᥘᥥᥐ ᥟᥩᥢᥱ edit

ᥓᥣᥭᥰ ᥝᥧᥢᥰ ᥓᥧᥛᥳ ᥙᥣᥢ ᥛᥫ ᥘᥥᥐᥳ ᥖᥪᥢᥰ ᥙᥥᥢ ᥐᥨᥢᥰ ᥟᥢ ᥛᥤᥰ ᥛᥦᥖᥳ ᥖᥣᥱ ᥘᥫᥴ ᥔᥖᥳ ᥖᥣᥳ ᥝᥣᥱ ᥘᥦᥲ ᥟᥛᥱ ᥐᥤᥢ ᥘᥫᥳ ᥐᥤᥢ ᥙᥣ ᥓᥥᥛ ᥛᥫ ᥟᥩᥢᥱ၊ ᥘᥭᥲ ᥛᥤᥰ ᥙᥪᥢᥰ ᥑᥭ ᥘᥥᥴ ᥐᥢ ᥝᥭᥳ ᥝᥣ ᥙᥩᥰ ᥙᥨᥝ ᥛᥥ ᥙᥤ ᥘᥩᥒᥳ ᥟᥝ ᥔᥖᥴ ᥟᥝ ᥙᥣ ᥛᥣᥰ ᥖᥤ ᥞᥫᥢᥰ ᥘᥭᥴ ᥞᥩᥒᥳ ꧦ ᥞᥭᥲ ꧦ ᥔᥥᥴ၊ ᥙᥨᥝ ᥛᥥ ᥙᥤ ᥘᥩᥒᥳ ᥐᥩᥲ ᥟᥛᥱ ᥘᥭᥲ ᥐᥤᥢ ᥘᥫᥳ ᥐᥤᥢ ᥙᥣ ᥘᥥᥴ ᥖᥤ ᥞᥫᥢᥰ ᥘᥭᥴ ᥕᥧᥱ ᥕᥝᥳ၊ ᥙᥥᥢ ᥓᥫᥒᥳ ᥞᥪᥴ ᥐᥩᥲ ᥘᥤ ᥖᥨᥢ ᥛᥧᥢ ᥘᥭᥲ ᥕᥧᥱ ᥓᥩᥛᥰ ᥘᥨᥝᥰ ᥐᥣᥳ ᥛᥣᥒ ᥙᥩᥐ ᥐᥩᥲ ᥘᥭᥲ ᥐᥥᥝᥱ ᥓᥩᥛᥰ ᥘᥩᥒ ᥘᥨᥝᥰ ᥐᥣᥳ၊ ᥓᥝᥲ ᥝᥧᥢᥰ ᥓᥧᥛᥳ ᥘᥭᥲ ᥑᥭ ᥘᥥᥴ ᥓᥣᥖ ᥙᥣᥢ ᥛᥫ ᥘᥥᥐᥳ ᥟᥩᥢᥱ ᥘᥬᥰ ᥖᥣᥰ ᥘᥣᥰ ᥛᥢᥰ ᥓᥝᥲ ᥝᥭᥳ ᥘᥩᥒ ᥘᥦᥢᥰ ᥕᥣᥲ ᥟᥢ ᥘᥫᥒ ᥝᥣ၊ ᥓᥝᥲ ᥝᥧᥢᥰ ᥓᥧᥛᥳ ᥟᥛᥱ ᥘᥭᥲ ᥓᥬ ᥟᥣᥭ ᥑᥩᥢᥰ ᥘᥦᥢᥰ ᥕᥣᥲ ᥘᥤ ᥟᥤᥛᥱ ᥘᥤ ᥓᥣᥢ ᥐᥩᥙ ᥛᥢᥰ ᥙᥥᥢ ᥑᥥᥢᥴ ᥘᥫᥴ ᥙᥣᥭᥰ ᥕᥧᥱ ᥘᥤ ᥞᥝᥰ၊ ᥛᥫ ᥛᥢᥰ ᥓᥝᥲ ᥘᥥᥐᥳ ᥟᥩᥢᥱ ᥛᥥ ᥗᥝᥲ ᥛᥢᥰ ᥓᥝᥲ ᥓᥬᥳ ᥓᥣᥭᥰ ᥝᥧᥢᥰ ᥓᥧᥛᥳ ᥐᥣᥱ ᥓᥙᥴ ᥜᥭᥰ ᥘᥦᥢᥰ ᥕᥣᥲ ᥖᥤ ᥖᥣᥒᥱ ᥞᥫᥢᥰ ᥛᥣᥰ ᥙᥢ၊ ᥕᥩᥢᥳ ᥙᥥᥢ ᥛᥥ ᥗᥝᥲ ᥓᥝᥲ ᥐᥥᥰ ᥓᥧᥰ ᥓᥬᥳ ᥘᥦᥲ ᥘᥭᥲ ᥞᥥᥖᥱ ᥓᥩᥛᥰ ᥛᥫ ᥛᥢᥰ ᥓᥝᥲ ᥙᥩᥐ ᥛᥣᥰ ᥑᥪᥢᥰ ᥞᥫᥢᥰ ᥘᥢᥳ၊ ᥕᥩᥢᥳ ᥐᥨᥝ ᥜᥭᥰ ᥘᥦᥢᥰ ᥕᥣᥲ ᥛᥩᥖᥴ ᥔᥥᥴ ᥘᥭᥲ ᥘᥧᥖᥱ ᥘᥨᥒᥴ ᥛᥣᥰ ᥚᥩᥒ ᥓᥬ ᥖᥥᥳ ᥟᥛᥱ ᥑᥬᥲ ᥘᥧᥖᥱ၊ ᥛᥢᥰ ᥓᥝᥲ ᥘᥭᥲ ᥞᥥᥖᥱ ᥘᥢᥴ ᥘᥭᥴꧦ ᥙᥩᥐ၊ ᥔᥛᥳ ᥙᥩᥰ ᥑᥬᥲ ᥓᥙᥴ ᥘᥦᥢᥰ ᥕᥣᥲ ᥓᥩᥛᥰ ᥛᥥ ᥗᥝᥲ ᥛᥢᥰ ᥓᥝᥲ ᥓᥣᥭᥰ ᥝᥧᥢᥰ ᥓᥧᥛᥳ ᥓᥒᥱ ᥝᥨᥢᥳ ᥝᥣ ᥙᥩᥰ ᥖᥥᥴ ᥕᥧᥱ ᥖᥤ ᥞᥫᥢᥰ ᥓᥫᥒᥳ ᥘᥢᥴ ᥐᥣᥢ ᥟᥢ ᥟᥛᥱ ᥘᥤ ᥟᥢ ᥟᥛᥱ ᥑᥬᥲ ᥞᥥᥖᥱ ᥐᥩᥲ ᥖᥤᥴ ᥘᥭᥲ ᥞᥥᥖᥱ၊ ᥛᥢᥰ ᥓᥝᥲ ᥓᥒᥱ ᥕᥩᥢᥰ ᥘᥧᥒ ᥙᥥᥢ ᥔᥣᥒᥱ ᥙᥥᥢ ᥘᥩᥐᥴ ᥘᥣᥭᥰ ᥟᥢ ᥖᥣᥱ ᥖᥤᥴ ᥑᥣᥴ ᥖᥤ ᥟᥢ ᥔᥣᥒᥱ ᥗᥧᥐᥴ ᥐᥪᥒᥱ ᥛᥦᥢ ᥖᥣᥱ ᥞᥥᥖᥱ ᥔᥣᥒᥲ ᥐᥦᥒᥳ ᥐᥛ ᥐᥣᥢ ᥘᥤ ᥕᥧᥱ ᥕᥝᥳ။


ᥘᥩᥒ ᥟᥢ ᥑᥧᥰ ᥝᥣᥰ ᥝᥧᥢᥰ ᥓᥧᥛᥳ ᥑᥭ ᥘᥥᥴ ᥙᥣᥢ ᥚᥝ ᥛᥫ ᥛᥢᥰ ᥓᥝᥲ ᥖᥪᥐᥳ ᥘᥥᥐᥳ ᥟᥩᥢᥱ ᥛᥫ ᥙᥭᥱ ᥘᥧᥒ ᥙᥥᥢ ᥔᥣᥒᥱ ᥗᥦᥒᥲ ᥗᥦᥒᥲ ᥟᥢ ᥘᥫᥒ၊ ᥙᥨᥝ ᥓᥣᥭᥰ ᥝᥧᥢᥰ ᥓᥧᥛᥳ ᥖᥣᥭ ᥓᥥᥛ ᥛᥫ ᥓᥣᥭᥰ ᥝᥧᥢᥰ ᥓᥧᥛᥳ ᥐᥫᥖᥱ ᥘᥭᥲ 6 ᥘᥫᥢ၊ ᥛᥥ ᥘᥦᥲ ᥙᥨᥝ ᥗᥝᥲ ᥛᥥ ᥗᥝᥲ ᥘᥭᥲ ᥘᥥᥒᥳ ᥘᥧᥴ ᥛᥣᥰ ᥓᥥᥛ ᥘᥥᥐᥳ ᥟᥩᥢᥱ၊ ᥙᥩᥰ ᥝᥣᥭᥰ ᥔᥥᥴ ᥛᥢᥰ ᥓᥝᥲ ᥕᥬᥱ ᥛᥣᥰ ᥕᥝᥳ ᥛᥥ ᥞᥨᥛ ᥘᥨᥭ ᥙᥨᥝ ᥗᥝᥲ ᥛᥥ ᥗᥝᥲ ᥘᥭᥲ ᥑᥣᥭᥳ ᥛᥣᥰ ᥕᥧᥱ ᥖᥤ ᥐᥥᥒᥰ ᥛᥬᥱ ᥚᥩᥒᥰ ᥘᥢᥳ ᥙᥥᥢ ᥚᥩᥒᥰ ᥟᥢ ᥘᥣᥲ ᥞᥫᥢᥰ ᥓᥣᥭᥰ ᥝᥧᥢᥰ ᥓᥧᥛᥳ ᥖᥧᥐᥳ ᥑᥣᥳ ᥖᥥᥳ ꧦ ᥝᥣ ꧦᥕᥝᥳ၊ ᥘᥭᥲ ᥘᥩᥢᥰ ᥐᥖᥴ ᥘᥭᥲ ᥕᥩᥢᥰ ᥐᥤᥢ ᥐᥩᥲ ᥛᥤᥰ၊ ᥑᥣᥝᥰ ᥐᥖᥴ ᥙᥥᥢ ᥚᥩᥒᥰ ᥟᥢ ᥖᥧᥐᥳ ᥑᥣᥳ ᥔᥥᥴ ᥙᥫᥢ၊ ᥓᥝᥲ ᥝᥧᥢᥰ ᥓᥧᥛᥳ ᥑᥭ ᥘᥥᥴ ᥝᥣ ᥑᥣᥝᥰ ᥐᥖᥴ ᥘᥢᥳ ᥖᥪᥐᥳ ᥖᥩᥒᥰ ᥘᥭᥲ ᥘᥤ ᥙᥩᥰ ᥑᥤᥲ ᥙᥧᥛ ᥖᥦᥐᥱ ᥑᥣᥙᥱ ᥔᥣᥛᥴ ᥙᥩᥐ ᥐᥩᥲ ᥙᥩᥒᥱ ᥝᥣ ᥙᥨᥢᥳ ᥑᥣᥝᥰ ᥐᥖᥴ ᥕᥝᥳ၊ ᥛᥥ ᥘᥭᥲ ᥛᥣᥰ ᥖᥥᥱ ᥘᥣᥲ ᥞᥫᥢᥰ ᥛᥬᥱ ᥓᥩᥛᥰ ᥛᥧᥰ ᥔᥫᥰ ᥓᥪ ᥞᥩᥒᥳ ᥝᥣ ᥙᥧᥱ ᥔᥨᥛᥴ၊ ᥝᥣᥭᥰ ᥘᥢᥳ ᥘᥭᥲ ᥐᥫᥖᥱ ᥘᥩᥒᥳ ᥟᥩᥐᥱ ᥛᥣᥰ ᥓᥪ ᥓᥣᥭᥰ ᥘᥦᥒᥰ ᥝᥣᥭᥰ ᥘᥢᥳ ᥘᥭᥲ ᥛᥤᥰ ᥘᥩᥒᥳ ᥗᥦᥢᥲ ᥐᥨᥝᥳ ᥘᥫᥒ ᥓᥪ ᥝᥣ ᥘᥣᥒᥰ ᥟᥫᥒ ᥜᥣᥳ ᥐᥩᥭᥰ ᥐᥣ ᥐᥣᥛᥱ ᥞᥣᥭᥳ ᥛᥫ ᥟᥣᥱ ᥕᥧᥳ ᥟᥣ ᥔᥣᥐ ᥘᥣᥒᥰ ᥟᥫᥒ ᥜᥣᥳ ᥘᥭᥲ ᥔᥣᥛᥴ ᥑᥨᥙᥱ ᥔᥣᥛᥴ ᥙᥤ ᥘᥭᥲ ᥗᥧᥐᥴ ᥕᥣᥰ ᥛᥣᥴ ᥑᥨᥙᥴ ᥐᥣᥙ ᥖᥣᥭ၊ ᥛᥥ ᥗᥝᥲ ᥔᥛᥳ ᥙᥥᥢ ᥛᥨᥝᥴ ᥚᥤ ᥛᥨᥝᥴ ᥕᥣ ᥝᥣᥭᥰ ᥘᥢᥳ ᥟᥛᥱ ᥞᥪᥒᥴ ᥛᥥ ᥗᥝᥲ ᥘᥭᥲ ᥙᥥᥢ ᥐᥤᥢᥱ ᥔᥣᥱ ᥔᥥᥴ ᥖᥣᥭ ᥐᥣᥱ ᥕᥧᥱ ᥕᥝᥳ ᥕᥩᥢᥳ ᥛᥥ ᥗᥝᥲ ᥙᥥᥢ ᥛᥨᥝᥴ ᥚᥤᥴ ᥛᥨᥝᥴ ᥕᥣᥲ ᥘᥦᥲ ᥛᥤᥰ ᥐᥨᥢᥰ ᥞᥧᥳ ᥓᥐᥴ ᥘᥛᥴ ᥕᥧᥱ ᥖᥣᥢᥱ ᥓᥒᥱ ᥘᥭᥲ ᥞᥥᥢᥰ ᥙᥢ ᥐᥧᥱ ᥓᥣᥰ ᥛᥢᥰ ᥘᥭᥲ ᥘᥤ ᥛᥤᥰ ᥐᥨᥢᥰ ᥛᥣᥰ ᥓᥩᥭ ᥗᥦᥛᥴ ᥗᥣᥛᥴ ᥕᥧᥱ ᥖᥣᥢᥱ ꧦ၊ ᥚᥩᥒᥰ ᥑᥣᥝᥰ ᥑᥤᥝᥰ ᥘᥢᥳ ᥑᥝᥴ ᥛᥥ ᥘᥧᥐ ᥘᥭᥲ ᥑᥣᥭᥳ ᥐᥣᥱ ᥕᥧᥱ ᥘᥛᥰ ᥙᥧᥢᥰ ᥚᥣ ᥕᥝᥳ၊ ᥝᥣᥭᥰ ᥘᥢᥳ ᥘᥭᥲ ᥙᥩᥐ ᥛᥣᥰ ᥞᥣᥴ ᥙᥤ ᥘᥩᥒᥳ ᥖᥤ ᥐᥥᥒᥰ ᥔᥦᥢᥴ ᥐᥥᥒᥰ ᥞᥣᥭᥰ ᥑᥪᥢᥰ၊ ᥛᥥ ᥘᥭᥲ ᥟᥝ ᥑᥝᥴ ᥙᥤ ᥘᥩᥒᥳ ᥛᥣᥰ ᥚᥣᥐᥱ ᥙᥢ ᥙᥤ ᥘᥩᥒᥳ ᥘᥥᥒᥳ ᥘᥫᥒ ᥐᥨᥝᥳ ᥘᥫᥒ ᥖᥤ၊ ᥘᥩᥒᥳ ᥘᥭᥲ ᥟᥝ ᥚᥣᥐᥱ ᥝᥭᥳ ᥖᥤ ᥙᥣᥲ ᥔᥦᥒᥴ ᥘᥣᥲ၊ ᥓᥣᥭᥰ ᥝᥧᥢᥰ ᥓᥧᥛᥳ ᥘᥭᥲ ᥟᥝ ᥚᥣᥐᥱ ᥝᥭᥳ ᥖᥤ ᥘᥧᥒᥰ ᥚᥣᥭᥱ ᥙᥨᥝ ᥘᥥᥒᥳ ᥘᥧᥴ ᥖᥨᥭᥰ ᥗᥪᥒᥴ၊ ᥛᥥ ᥓᥝᥲ ᥐᥥᥰ ᥓᥧᥰ ᥔᥛᥳ ᥕᥩᥢᥳ ᥛᥤᥰ ᥓᥬ ᥖᥤᥖᥴ ᥞᥩᥭᥲ ᥘᥫᥴ ᥘᥧᥐ ᥕᥤᥒᥰ ᥟᥢ ᥛᥣᥴ ᥑᥨᥙᥴ ᥐᥣᥙ ᥖᥣᥭ ᥐᥣᥱ ᥐᥩᥲ ᥟᥢ ᥘᥫᥒ၊ ᥕᥩᥢᥳ ᥛᥥ ᥗᥝᥲ ᥓᥝᥲ ᥐᥥᥰ ᥓᥧᥰ ᥟᥢ ᥕᥧᥱ ᥞᥨᥛ ᥖᥧᥐᥳ ᥞᥨᥛ ᥔᥫᥰ ᥐᥢ ᥛᥣᥰ ᥑᥣᥝᥰ ᥞᥪᥒᥴ ᥘᥭᥲ ᥖᥣᥭ ᥐᥣᥱ ᥐᥩᥲ ᥟᥢ ᥘᥫᥒ၊ ᥘᥣᥲ ᥖᥤ ᥖᥒᥰ ᥛᥨᥖᥴ ᥘᥩᥒ ᥘᥥᥒᥳ ᥘᥧᥴ ᥘᥧᥐ ᥖᥨᥐᥱ ᥛᥣᥰ ᥖᥤ ᥛᥥ ᥓᥣᥭᥰ ᥝᥧᥢᥰ ᥓᥧᥛᥳ ᥘᥣᥒᥰ ᥔᥦᥒᥴ ᥘᥣᥲ ᥐᥨᥝᥳ ᥘᥥᥝ၊ ᥕᥩᥢᥳ ᥛᥤᥰ ᥘᥩᥒ ᥛᥭᥲ ᥓᥬ ᥘᥣᥭ ᥛᥥᥝᥰ ᥔᥥᥴ ᥗᥪᥒᥴ ᥙᥩᥰ ᥘᥭᥲ ᥛᥤᥰ ᥘᥨᥛᥰ ᥕᥩᥒᥱ ᥐᥣᥱ၊ ᥖᥒᥲ ᥖᥥᥱ ᥙᥩᥐ ᥛᥣᥰ ᥐᥥᥒᥰ ᥔᥦᥢᥴ ᥐᥦᥒᥰ ᥞᥣᥭᥰ ᥑᥪᥢᥰ၊ ᥛᥥ ᥐᥩᥲ ᥐᥣᥱ ᥘᥨᥒᥴ ᥐᥣᥱ ᥐᥧ ᥖᥤ၊ ᥘᥬᥰ ᥙᥪᥢᥰ ᥟᥢ ᥑᥧᥰ ᥝᥣᥰ ᥝᥧᥢᥳ ᥓᥧᥛᥳ ᥑᥭ ᥘᥥᥴ ᥛᥤᥰ ᥓᥫᥒᥳ ᥘᥭᥳ။

ᥘᥧᥒ ᥙᥥᥢ ᥔᥣᥒᥱ edit

ᥕᥩᥢᥳ ᥞᥢᥴ ᥘᥩᥒ ᥖᥧᥐᥳ ᥑᥣᥳ ᥘᥩᥒ ᥐᥫᥖᥱ ᥘᥩᥒ ᥘᥩᥒ ᥗᥝᥲ ᥘᥩᥒ ᥓᥥᥙᥱ ᥑᥭᥲ ᥙᥥᥢ ᥘᥣᥝᥴ ᥘᥩᥒ ᥖᥣᥒᥰ ᥖᥣᥭ ᥛᥣᥰ ᥘᥛᥴ ᥔᥥᥴ၊ ᥑᥬᥲ ᥑᥣᥴ ᥘᥩᥒ ᥐᥖᥴ ᥕᥥᥢ ᥓᥒᥱ ᥞᥢᥴ ᥝᥣ ᥘᥩᥒ ᥐᥖᥴ ᥕᥥᥢ ᥚᥝ ᥙᥥᥢ ᥓᥝᥲ ᥔᥣᥒᥱ ᥟᥢ ᥕᥧᥱ ᥘᥬᥰ ᥔᥣᥱ ᥔᥢᥱ ᥘᥣᥱ ᥘᥢᥳ ᥐᥩᥭᥰ ᥕᥝᥳ ᥖᥤᥴ ᥙᥥᥢ ᥖᥣᥒᥰ ᥟᥩᥐᥱ ᥟᥢ ᥘᥤ ᥘᥭ၊ ᥖᥥᥴ ᥗᥣᥒᥱ ᥞᥣᥒ ᥚᥫᥐᥱ ᥓᥦᥒᥳ ᥐᥛ ᥖᥣᥰ ᥘᥣᥰ ᥘᥦᥲ ᥞᥣᥴ ᥞᥥᥢᥰ ᥞᥧᥳ ᥟᥝ ᥖᥣᥒᥰ ᥛᥨᥝᥴ ᥖᥛ ᥖᥤ ᥔᥣᥱ ᥘᥣᥱ ᥔᥛᥰ ᥛᥣᥰ ᥟᥩᥐᥱ ᥙᥨᥢᥳ ᥘᥩᥒ ᥖᥧᥐᥳ ᥑᥣᥳ ᥘᥨᥒᥴ ᥘᥭᥳ ᥘᥭᥲ၊ ᥝᥢᥰ ᥗᥤ 19 ᥘᥫᥢ ᥛᥥᥱ ᥙᥤ ᥑᥣᥳ ᥘᥥᥖᥳ 1876 ᥝᥣᥭᥰ ᥔᥥᥴ ᥓᥣᥭᥰ ᥝᥧᥢᥰ ᥓᥧᥛᥳ ᥞᥥᥢᥰ ᥕᥝᥳ ᥓᥢᥳ ᥒᥝᥲ ᥓᥢᥳ 4 (ป. 4) ᥟᥣᥱ ᥕᥧᥳ ᥟᥣ ᥔᥣᥐ ᥘᥭᥲ 11 ᥓᥒᥱ ᥘᥭᥲ ᥑᥣᥛᥱ ᥙᥥᥢ ᥓᥝᥲ ᥔᥣᥒᥱ ᥕᥝᥳ။


ᥝᥣᥭᥰ ᥔᥥᥴ ᥙᥥᥢ ᥓᥝᥲ ᥔᥣᥒᥱ ᥕᥝᥳ၊ ᥕᥩᥢᥳ ᥘᥩᥒ ᥓᥦᥒᥳ ᥐᥛ ᥘᥦᥲ ᥛᥦᥖᥳ ᥖᥣᥱ ᥖᥣᥰ ᥘᥣᥰ ᥓᥝᥲ ᥔᥣᥒᥱ ᥝᥧᥢᥰ ᥓᥧᥛᥳ ᥛᥢᥰ ᥓᥝᥲ ᥘᥭᥲ ᥛᥤᥰ ᥓᥪ ᥔᥥᥒᥴ ᥘᥪᥰ ᥘᥒᥴ ᥝᥭᥳ ᥐᥛᥰ ᥘᥥᥝ၊ ᥓᥝᥲ ᥛᥫᥒᥰ ᥐᥥᥒᥰ ᥛᥭᥱ ᥘᥭᥲ ᥒᥤᥢᥰ ᥓᥪ ᥔᥥᥒᥴ ᥛᥢᥰ ᥓᥝᥲ ᥓᥒᥱ ᥚᥤᥖ ᥙᥣᥒᥰ ᥛᥫᥰ ᥖᥩᥒᥲ ᥗᥣᥛᥴ ᥓᥣᥛᥰ ᥖᥨᥭᥰ ᥘᥛᥳ ᥐᥖᥳ ᥛᥢᥰ ᥓᥝᥲ ᥐᥩᥙ ᥙᥤ ᥘᥩᥒᥳ ᥖᥒᥰ ᥐᥥᥒᥰ ᥛᥭᥱ ᥛᥤᥰ ᥘᥩᥒ ᥕᥧᥛᥱ ᥕᥛ ᥝᥣ ᥓᥝᥲ ᥔᥣᥒᥱ ᥟᥩᥢᥱ ᥝᥧᥢᥳ ᥓᥧᥛᥳ ᥘᥦᥙ ᥖᥤᥴ ᥙᥥᥢ ᥑᥧᥰ ᥝᥣᥰ ᥔᥤᥱ ᥝᥤ ᥡᥭᥰ ᥓᥝᥲ ᥛᥦᥖ ᥐᥝᥱ ᥟᥢ ᥐᥨᥢᥰ ᥖᥒᥰ ᥘᥣᥭᥴ ᥑᥝᥴ ᥘᥙᥳ ᥕᥛ၊ ᥟᥢ ᥘᥩᥢᥱ ᥐᥣᥱ ᥘᥢᥳ ᥑᥪᥢᥰ ᥛᥣᥰ ᥐᥫᥖᥱ ᥖᥣᥱ ᥗᥦᥛᥴ ᥔᥣᥒᥲ ᥙᥣᥱ ᥘᥣᥳ ᥛᥤᥱ ᥛᥬᥱ၊ ᥝᥣᥭᥰ ᥔᥥᥴ ᥔᥣᥒᥱ ᥑᥣᥱ ᥓᥝᥲ ᥟᥢ ᥝᥣᥱ ᥕᥬᥱ ᥝᥣᥱ ᥘᥨᥒᥴ ᥚᥤᥖᥳ ᥙᥣᥒᥰ ᥛᥫᥰ ᥖᥩᥒᥲ ᥗᥣᥛᥴ၊ ᥛᥫ ᥘᥭᥲ ᥞᥢᥴ ᥓᥝᥲ ᥔᥣᥒᥱ ᥟᥩᥢᥱ ᥝᥧᥢᥰ ᥓᥧᥛᥳ ᥕᥝᥳ၊ ᥟᥛᥱ ᥝᥣ ᥛᥨᥢ ᥓᥝᥲ ᥐᥨᥢᥰ ᥘᥨᥒᥴ ᥟᥩᥢᥱ ᥘᥧᥛᥱ ᥗᥝᥲ ᥕᥬᥱ ᥔᥣᥛᥴ ᥙᥣᥢ ᥓᥥᥖᥱ ᥔᥦᥢᥰ၊ ᥘᥭᥲ ᥛᥤᥰ ᥔᥖᥳ ᥗᥣᥱ ᥘᥩᥒ ᥘᥤ ᥘᥙᥳ ᥕᥛ ᥓᥝᥲ ᥔᥣᥒᥱ ᥟᥩᥢᥱ ᥝᥧᥢᥰ ᥓᥧᥛᥳ ᥔᥥᥴ၊ ᥘᥭᥲ ᥖᥣᥒᥱ ᥓᥪ ᥙᥢ ᥝᥣᥑᥧᥰ ᥝᥣᥰ ᥘᥩᥭᥳ ᥝᥧᥢᥰ ᥓᥧᥛᥳ ᥘᥭᥴ ᥕᥧᥱ ᥕᥝᥳ။

ᥑᥣᥛᥱ ᥙᥥᥢ ᥓᥣᥒᥰ edit

ᥛᥫ ᥟᥣᥱ ᥕᥧᥳ ᥟᥣ ᥔᥣᥐᥳ ᥖᥥᥛ 20 ᥙᥤ ᥛᥦᥢ ᥝᥢᥰ ᥗᥤ 9 ᥘᥫᥢ ᥛᥥᥱ ᥙᥤ ᥑᥣ ᥘᥥᥖᥳ 1986 ᥑᥧᥰ ᥝᥣᥰ ᥘᥩᥭᥳ ᥝᥧᥢᥰ ᥓᥧᥛᥳ ᥘᥭᥲ ᥑᥣᥛᥱ ᥙᥥᥢ ᥕᥣ ᥞᥣᥢᥰ ᥖᥤ ᥘᥬᥰ ᥔᥤᥛᥱ ᥚᥣᥰ ᥘᥣᥰ ᥓᥝᥲ ᥐᥝᥲ ᥖᥪᥳ ᥝᥖᥳ ᥔᥨᥢᥴ ᥖᥩᥐᥱ (ᥝᥖᥳ ᥔᥨᥢᥴ ᥛᥩᥐᥱ) ᥝᥥᥒᥰ ᥐᥥᥒᥰ ᥛᥭᥱ၊ ᥓᥝᥲ ᥔᥣᥱ ᥘᥣᥱ ᥟᥧᥳ ᥙᥖᥱ ᥓᥥᥱ ᥛᥢᥰ ᥓᥝᥲ ᥙᥥᥢ ᥓᥝᥲ ᥔᥣᥱ ᥘᥣᥱ ᥖᥨᥒ ᥑᥛᥰ ᥗᥛᥱ ᥛᥣᥳ ᥗᥤᥢᥱ ᥢᥨᥝᥴ ᥓᥝᥲ ᥔᥣᥱ ᥘᥣᥱ ᥘᥨᥒᥴ ᥘᥬᥰ ᥝᥥᥒᥰ ᥐᥥᥒᥰ ᥛᥭᥱ ᥕᥧᥱ ᥕᥝᥳ။

ᥟᥩᥐᥱ ᥛᥥᥱ ᥑᥣᥐ ᥚᥥᥴ ᥐᥣᥒᥲ ᥔᥣᥱ ᥔᥢᥱ ᥘᥣᥱ edit

ᥝᥣᥭᥰ ᥔᥥᥴ ᥘᥭᥲ ᥑᥣᥛᥱ ᥙᥥᥢ ᥕᥣ ᥞᥣᥢᥰ ᥕᥝᥳ ᥑᥧᥰ ᥝᥣᥰ ᥝᥧᥢᥰ ᥓᥧᥛᥳ ᥘᥭᥲ ᥟᥩᥐᥱ ᥙᥧᥢᥳ ᥚᥥᥴ ᥔᥣᥱ ᥔᥢᥱ ᥘᥣᥱ ᥓᥩᥖᥱ ᥖᥨᥝ ᥐᥣᥱ ᥐᥧ ᥖᥤ ᥛᥫᥢᥴ ᥓᥫᥒᥳ ᥘᥒᥱ ᥛᥫᥒᥰ ᥗᥭᥰ ᥛᥫᥒᥰ ᥖᥭᥰ၊ ᥛᥫᥒᥰ ᥛᥣᥢ၊ ᥛᥫᥒᥰ ᥘᥣᥝᥰ၊ ᥛᥫᥒᥰ ᥔᥤᥱ ᥘᥤᥳ ᥘᥒᥱ ᥐᥣᥱ၊ ᥛᥫᥒᥰ ᥟᥤᥢᥱ ᥖᥤᥰ ᥕᥣᥰ၊ ᥛᥫᥒᥰ ᥘᥥᥱ ᥙᥨᥝᥰ၊ ᥛᥫᥒᥰ ᥙᥧᥱ ᥖᥣᥢᥱ၊ ᥛᥫᥒᥰ ᥔᥤᥒᥱ ᥐᥣᥱ ᥙᥨᥝᥱ၊ ᥛᥫᥒᥰ ᥑᥥᥱ ᥓᥣᥳ ᥐᥣᥱ ᥓᥫᥰ ᥘᥭᥳ ᥕᥝᥳ၊ ᥑᥧᥰ ᥝᥣᥰ ᥝᥧᥢᥰ ᥓᥧᥛᥳ ᥐᥣᥱ ᥖᥤ ᥘᥬ ᥐᥩᥲ ᥛᥤᥰ ᥐᥨᥢᥰ ᥙᥬᥳ ᥞᥙᥳ ᥙᥬᥳ ᥝᥭ ᥙᥬᥳ ᥔᥣᥴ ᥓᥥᥛ ᥑᥧᥢᥴ ᥛᥫᥒᥰ ᥐᥨᥢᥰ ᥘᥧᥛᥱ ᥐᥨᥢᥰ ᥗᥝᥲ ᥐᥨᥢᥰ ᥐᥥᥱ ᥔᥣᥛᥴ ᥙᥣᥢ ᥓᥥᥖᥱ ᥔᥦᥢᥰ၊ ᥐᥧ ᥚᥣᥱ ᥔᥣᥱ ᥔᥣᥱ ᥔᥢᥱ ᥘᥣᥱ၊ ᥛᥢᥰ ᥓᥝᥲ ᥐᥣᥱ ᥖᥤ ᥘᥬ ᥐᥩᥲ ᥘᥭᥲ ᥐᥣᥱ ᥞᥨᥝᥰ ᥖᥣᥰ ᥘᥣᥰ ᥙᥢ ᥘᥭᥲ ᥐᥣᥱ ᥔᥣᥒᥲ ᥝᥖᥳ ᥓᥩᥒᥰ ᥔᥣᥒᥲ ᥓᥥᥱ ᥖᥤᥱ ᥐᥩᥒᥰ ᥛᥧᥰ ᥖᥣᥱ ᥞᥬᥲ ᥔᥣᥱ ᥔᥢᥱ ᥘᥣᥱ ᥞᥫ ᥞᥫᥒᥰ ᥙᥫᥒᥰ ᥔᥬᥴ ᥕᥧᥱ ᥕᥝᥳ။

ᥑᥝᥲ ᥗᥛᥲ ᥐᥦᥒᥳ ᥐᥛ ᥖᥣᥰ ᥘᥣᥰ edit

1. ᥑᥝᥲ ᥗᥛᥲ ᥛᥫᥒᥰ ᥐᥦᥖᥱ ᥘᥬᥰ ᥛᥫᥒᥰ ᥖᥭᥰ ᥑᥣᥝᥰ ᥖᥣᥒᥰ 3 ᥙᥤ 3 ᥘᥫᥢ 3 ᥝᥢᥰ ᥙᥤ ᥑᥣ ᥘᥥᥖ 2019 ᥗᥪᥒᥴ ᥙᥤ ᥑᥣ ᥘᥥᥖᥳ 2022

(ᥖᥪᥐᥳ ᥔᥪᥙᥱ ᥖᥦᥛᥲ ᥖᥪᥐᥳ ᥞᥣᥴ ᥑᥨᥝᥲ ᥛᥨᥢᥰ)

ᥘᥩᥒ ᥟᥢ ᥘᥤ ᥟᥣᥛᥰ ᥑᥧᥰ ᥝᥣᥰ ᥝᥧᥢᥰ ᥓᥧᥛᥳ edit

1. ᥓᥦᥒᥳ ᥐᥛ ᥘᥤ ᥓᥥᥛ ᥘᥥᥐᥳ ᥟᥩᥢᥱ ᥖᥨᥝᥱ ᥙᥨᥝᥰ ᥕᥬᥱ
2. ᥟᥛᥱ ᥐᥤᥢ ᥘᥫᥳ ᥐᥤᥢ ᥙᥣ ᥓᥥᥛ ᥘᥥᥐᥳ ᥟᥩᥢᥱ
3. ᥐᥨᥢᥰ ᥐᥧ ᥑᥫᥰ ᥐᥧ ᥚᥣᥱ ᥔᥣᥱ ᥞᥐᥳ ᥞᥩᥛᥴ ᥓᥨᥛᥰ ᥙᥦᥒᥰ
4. ᥛᥤᥰ ᥛᥦᥖ ᥖᥣᥱ ᥘᥫᥴ ᥔᥖᥳ ᥖᥣᥳ ᥝᥣᥱ ᥘᥦᥲ ᥐᥨᥢᥰ ᥐᥧ ᥑᥫᥰ ꧦ ᥔᥧᥒᥴ
5. ᥞᥥᥖᥱ ᥖᥣᥱ ᥘᥣᥳ ᥓᥩᥭ ᥗᥦᥛᥴ ᥙᥫᥢ ᥕᥪᥢ ᥛᥦᥒᥱ ᥙᥢ ᥖᥣᥱ ᥔᥥᥱ
6. ᥘᥭᥲ ᥓᥬ ᥓᥦᥒᥳ ᥐᥛ ᥖᥣᥰ ᥘᥣᥰ ᥕᥧᥱ ᥐᥖᥴ ꧦ ᥕᥥᥢ ꧦ ᥘᥬᥰ ᥗᥛᥲ ᥘᥬᥰ ᥙᥣᥱ
7. ᥘᥣᥖ ᥚᥣᥱ ᥔᥣᥱ ᥘᥭᥲ ᥘᥣᥭᥴ ᥚᥣᥱ ᥔᥣᥱ (ᥚᥣᥱ ᥔᥣᥱ ᥖᥭᥰ ᥕᥩᥒᥰ၊ ᥖᥭᥰ ᥑᥪᥢᥴ၊ ᥗᥭᥰ၊ ᥖᥭᥰ ᥖᥬᥲ ᥘᥦᥲ ᥘᥣᥭᥴ ꧦ ᥚᥣᥱ ᥔᥣᥱ)

ᥙᥫᥢ ᥟᥤᥒ edit

1. 2021, ᥙᥪᥢᥰ ᥓᥝᥲ ᥑᥧᥰ ᥝᥣᥰ ᥝᥧᥢᥰ ᥓᥧᥛᥳ, SK D Channel, ᥔᥪᥙᥱ ᥖᥨᥭᥰ ᥑᥨᥝᥲ ᥛᥨᥢᥰ ᥘᥭᥲ ᥗᥦᥒᥲ ᥖᥤ | https://www.youtube.com/watch?v=3oPF-NoGmgs